Dmak 19:11 - 阿美語聖經-新約附詩篇箴言

¹¹ Pakaynien no Kawas ci Pawloan ko nipidmak to tadamaanay a kafahka'an a dmak.

Dmak 19:11 Iomraidhean Croise

Yohani 14:12

So'linen Ako a somowal kamo, o paso'linay i Takowanan i, o mamilcad to dmak Ako ko dmak ningra. O a ikaka no nidmakan Ako ko nika tadamaan no dadmaken ningra. Nawhani o tatayra Kako i ci Wamaan.

Dmak 14:3

Nikawrira, halafin itira koya tatosaay a milafin. Caay paska cangra a pasowal to sowal to pakayniay i Tapang. Paflien no Tapang cangra to 'icel to sapidmak to kafahka'an a dmak a pahapinang to nika o so'linay ko sowal nangra to pakayniay i mikomi no Tapang.

Dmak 15:12

Saka, trep sato ko finawlan a ma^min. Ta tngil sato cangra to nipisahci ni Parnapas aci Pawlo a pasowal to nano dmak no Kawas i cangraan a papidmak to kafahka'an a dmak a pahapinang i roma a finacadan.

Dmak 16:18

Rarid saan cingra to pinapina a romi'ad a mihaen to sowal. Ma'samento ci Pawlo. Saka, pasayra sa cingra toya palafoay a somowal, <> han ningra i, tangsol sa a masadak koya palafoay.

Dmak 5:12

Itiya i, adihay ko nidmakan no tarokos a kafahka'an a dmak i tamdamdaw. Malaccay ko faloco' no mitooray ci Kristoan a ma^min a masa'opo i pangpang ni Solomon hananay.

Dmak 8:13

Halo ci Simon a paso'lin ta mapaino' cingra. Rarid sa cingra a mihaklong ci Filipan. Fahka' cingra a minengneng to ci'icelay a kafahka'an a dmak ni Filip.

Kalatiya 3:5

O sakapipafli no Kawas i tamowanan to Fangcalay 'Adingo ato sakapidmak Ningra to masamaamaanay a kafahka'an a dmak i tamowanan i, o nano nipido^do namo to Rikec haw? Ano ^ca i, o nano pitngil namo a paso'lin to Nga'ayay Ratoh haw?

Hipray 2:4

Halo Kawas a pahapinang tonini. Pakaynien Ningra i masamaamaanay a kafahka'an a dmak ko nipipahapinang tonini. Do^doen Ningra ko nafaloco'an Ningra a pafli i titaanan to sapafli no Fangcalay 'Adingo.