Ta tayra sato koya kolikoli i lalan. Ano tatiihayto a tamdaw, ano nga'ayayto a tamdaw ko ma'araway nangra i, hamhamen nangra a ma^min. Saka, tomes sato ko lafang i pitahkaan.
O caay pihamham tamowanan a niyaro' i, tihtihen ko alafoh no saripa' namo a miliyas itira. Onini i, o sapahapinangaw i cangraan to sapapi'imer to dmak nangra,>> han ni Yis.
Kinapinapinato kako a mitfoc cangraan i kasa'opo'opoan a loma' no Yutaya a tamdaw. Paci^ci han ako cangra a papipasowal to sapisawadaw nangra a mitoor ci Kristoan. Marokrok ko kter ako i cangraan. Saka, tangasa i niyaroaro' no roma a kitakit ko nipikilim ako i cangraan a mikari'ang.
Saka, satapang han ako a mipatnak i Tamaskus ta tayra i Yirusalim ato polong no Yutaya a pala, ta tangasa i roma a finacadan ko pipatnak ako. Papipasasiyoren ako cangra to faloco' nangra a pasayra i Kawas. Papipahapinangen ako cangra i dmak nangra to nika falic no faloco' nangra.
o damsayay ko faloco' a misalof to pacoliay cingraan a tamdaw. Nawhani latek papifalicen no Kawas to faloco' koya pacoliay a tamdaw a pakafana' i cangraan to so'lin.
Ano o nipitoor namo ci Kristoan ko sakasamsam namo i, o malmeday kamo. Nawhani i tini a mahapinang ko nika ^pod no tadamaanay a 'Adingo no Kawas i tamowanan.