Dmak 18:3 - 阿美語聖經-新約附詩篇箴言

³ Malcaday a o misakopangay ko tayal nangra saka, itira sato ci Pawlo i loma' nangra a mikapot a matayal.

Dmak 18:3 Iomraidhean Croise

1 Korinto 4:12

Kami ko marorayay a matayal to saka'orip niyam. Yo 'kaken no tao kami i, pakalmeden niyam cangra. Yo kari'angen no tao kami i, hadidi sa kami.

1 Korinto 9:14

Mahaen ko pipalimo'ot no Tapang. O patnakay to Nga'ayay Ratoh a tamdaw i, o nano tayal ningra a patnak to Nga'ayay Ratoh ko sakaira no saka'orip nangra saan.

1 Korinto 9:15

O sakasaan ako a mitilid tonini i, nanay haenen kako, caay ko nika saan ako. Caay pilongoc kako to pipafli no salikaka to saka'orip ako. Ano milongoc kako i, o nika patay ako ko nga'ay. O kalata'angan ako ko nika ^ca pilongoc ako. Saka, caay ko papalasawaden no nima konini.

1 Korinto 9:18

Ano hatira i, o maan ko lifon ako hakiya? Yo patnak kako to Nga'ayay Ratoh i, caay pilongoc kako to pipafli no salikaka to saka'orip ako. Caay pakaroray kako i cangraan. Onini ko todong no lifon ako a patnak to Nga'ayay Ratoh.

2 Korinto 11:7

Yo mipatnak kako to Nga'ayay Ratoh no Kawas i tamowanan i, mangalay kako a mipalatamdamdaw i tamowanan saka, sapo^neren ako ko tireng a caay pilayap to lifon. Onini a dmak ako i, o raraw ako hakiya?

2 Korinto 11:9

Yo cango'ot kako to saka'orip itira i tamowanan i, caay pakaroray kako i cimacimaan namo. Nawhani ma^dengto ko pipadang no nai Makitoniyaay a salikaka to saka'orip ako. Caay pakaroray kako to maan aca i tamowanan itiya. I ikor nonini caay ko papakaroray kako i tamowanan.

2 Korinto 12:13

O pidipot ako tamowanan ato romaroma a kiwkay i, o maan ko caay ka mo^cel ako i tamowanan saw? Deng o nika ^ca pipakaroray ako i tamowanan a papipadang i takowanan, nanay hpolen namo ko hatiniay a pisakakinih ako!

1 Tisalonika 2:9

Salikakaaw, maharateng namo ko nika roray niyam a matayal. Yo itira kami i tamowanan a mipatnak to Nga'ayay Ratoh no Kawas i, matayal kami a milifon to romi'ad to dadaya to saka'orip niyam to saka^caaw pakaroray niyam i cimacimaan namo.

1 Tisalonika 4:11

Do^doen ko limo'ot niyam i 'ayaw i tamowanan a masinanot ko dmak namo. Aka pikihar to no tao a dmak. Katayal to saka'orip no tireng.