Dmak 16:5 - 阿美語聖經-新約附詩篇箴言

⁵ Orasaka, mapa'icel ko piti'er no mitooray ci Kristoan a kasakiwkay. Matongal a matongal to romi'ami'ad ko nika 'aloman no tamdaw.

Dmak 16:5 Iomraidhean Croise

Dmak 11:21

Mapa'icel no Tapang cangra saka, 'aloman ko pasasiyoray to faloco' ta paso'lin to Tapang.

Dmak 12:24

Nikawrira, mangalef a mangalef ko nika tnak no sowal no Kawas.

Dmak 15:41

Rakaten nangra ko Siriya ato Kilikiya a pala a patanektek to piti'er no faloco' no kasakiwkay a salikaka.

Dmak 2:47

Pahmek cangra to Kawas. Malarihaday cangra ato finawlan a ma^min. O romasato, tongalen no Tapang cangra to romi'ami'ad to mafohatay ko faloco' a nipa'oripan Ningra a tamdaw.

Dmak 4:4

Nikawrira, o mitngilay to sowal no Kawas a tamdaw i, 'aloman a 'aloman ko paso'linay. Saka, sa'osi han ko polong no fa'inayan aca i, ma^deng lima a patek (5,000) ko tamdaw.

Dmak 5:14

Nikawrira, 'aloman a 'aloman ko mikapotay to sa'opo nangra a paso'linay a mitoor to Tapang a fa'inayan ato fafahiyan.

Dmak 6:7

Orasaka, matnak a matnak ko sowal no Kawas. Sa'aloman sato ko nisawawaan i Yirusalim. Halo'alomanay a citodongay to ta'ong a paso'lin a mitoor ci Kristoan.

Dmak 9:31

Orasaka, sarihaday sato ko polong no kiwkay i Yutaya i Kalili ato Samariya a ma^min. Mita'ong cangra to Tapang, mapa'icel no Fangcalay 'Adingo. Satanektek sato cangra. Saka, matongal a matongal ko nika 'aloman no mitooray to romi'ami'ad.

Loma 16:25

Nanay mapa'dil ko Kawas! O nipatnakan ako a Nga'ayay Ratoh to pakayniay ci Yis Kristoan i, o patalahkalay i matini to nano masimeday no Kawas nai ti:yaho i kasarkarkad no mihcaan a pakakmoday a sowal.

1 Korinto 15:58

Orasaka, kaolahan ako a salikaka, katanektek a tomireng. Aka ka ngiyangi. Mafana' kamo to nika caay ko a awa ko ^poc no nikarorayan namo a matayal to no Tapang. Saka, kararid a misa'icel to tayal no Tapang.

Kalatiya 5:1

O sapakoniraaw no 'orip ita i ka'ayaw no Kawas saka, tdalen ni Kristo kita. Orasaka, satanekteken ko faloco' namo. Akato piliyaw a mica'dong to talo'odan no koli.

Kolosay 2:6

Tona milayapto kamo ci Yis Kristoan a palatapang saka, pahapinangen i masamaamaanay a dmak namo ko nika laccay namo aci Kristo.

1 Tisalonika 3:13

Nanay, mapatanektek no Tapang ko faloco' namo, ta ano miliyaw a tayni ko Tapang ita ci Yis a malahaklong ato mitooray i, makorac, masongila' kamo i ka'ayaw no Wama a Kawas ita.

1 Tisalonika 3:2

Saka, ocoren niyam ko salikaka ita ci Timoti, o kapot niyam a matayalay to no Kawas a patnak to Nga'ayay Ratoh to pakayniay ci Kristoan. O sakapiocor niyam cingraan i, o sapa'icelaw niyam a patanektek to piti'er namo i Kawas.

2 Tisalonika 2:16

Maolah ko Kawas i titaanan, pakaynien Ningra i mikomi Ningra a pafli i titaanan to mida'ocay a 'icel ato makapahay a kacifaloco'an. Nanay, mapaki^mel no Wama a Kawas ato Tapang ita ci Yis Kristo kamo,

Hipray 13:9

Aka ka safana' no masamaamaanay a roma a sifana' kamo. Sa'icelen a miti'er ko mikomi no Kawas a patanektek to faloco' namo. Aka piti'er to lkakawa no pakayniay i kakaenen. Awaay ko ^poc no nipido^do no tamdaw to lkakawa to pakayniay i kakaenen.

1 Pitiro 5:10

I ikor no nika pades namo to pasamoay i, oya pafliay to polong no mikomi a Kawas, o mitahidangay a pakayni ci Kristo Yisan a malaccay a mida'oc a marihaked i ci'dilay a Kawas, o mamipalowad i tamowanan a pafli to 'icel ato tanoktokay a paranaan namo.