Dmak 16:2 - 阿美語聖經-新約附詩篇箴言

² O nga'ayay ko lihaf ni Timoti itira i salikaka no Listra ato Ikonium.

Dmak 16:2 Iomraidhean Croise

Dmak 1:15

Nanoya, ma^deng smo'ot ira ko tosa a polo' (120) ko salikaka a masa'opo. Tomireng ci Pitiro a pasowal i cangraan,

Dmak 13:51

Saka, pasayra sato koya tatosaay i cangraan a mitihtih to alafoh no saripa' nangra. Ta tayra sato cangra i Ikonium.

Dmak 14:1

Mahaenay haca ko dmak noya tatosaay i Ikonium. Micomod ci Pawlo aci Parnapas i kasa'opoan a loma' no Yutaya a tamdaw. Ci'icel ko pipasowal nangra. Saka, 'aloman ko malamitooray ci Kristoan a Yutaya a tamdaw ato roma a finacadan.

Dmak 14:21

Patnak cangra to Nga'ayay Ratoh itira toya niyaro'. Palanisawawaen nangra ko 'alomanay a tamdaw ta patiko cangra a tayra i Listra, i Ikonium, i Antiyok.

Dmak 14:6

Mafana' koya tarokos tonini a dmak, laliw sato cangra a tayra i Listra ato Tirpi hananay a niyaro' no Likaoniya ato i taliyokay a pala.

Dmak 16:40

Tona masadakto ca Pawlo aci Silas nai pirofoan, tayra sato cangra i loma' ni Litiya, itira a masaso'araw to salikaka, pa'icelen nangra cangra, ta liyas sato cangra.

Dmak 6:3

Saka, salikakaaw, pili'en ko papito namo to mapa'icelay no Fangcalay 'Adingo ato citanengay ato nga'ayay ko lihaf a tamdaw. Ta pakatayalen niyam cangra tonini a tayal.

Filipi 2:22

Mafana' kamo to nika ci^poc no tayal ni Timoti. Matiya o malahaklongay a malowama kami a matayal a mipatnak to Nga'ayay Ratoh.

1 Timoti 3:7

O romasato, ka o nga'ayay ko lihaf a tamdaw i finawlan no niyaro', ta caay ka lokes a matilo no Palafoay cingra a mapakangodo.

1 Timoti 5:10

O mahapinangay ko nika nga'ay no lihaf a fafahiyan, o mafana'ay a midipot to wawa ningra, o halilafangay, o misawsaway to wa'ay no mitooray, o mipadamaay to mapadesay a tamdaw, o malalokay a matayal to masamaamaanay a nga'ayay a dmak ko tatiliden.

1 Timoti 5:25

Malcad tonini, tangsol a mahapinang ko nga'ayay a dmak. Ano caacaay ka hapinang i, caay ko mamasimed.

2 Timoti 3:11

Milcad kiso i takowanan a makari'ang a mapades. Mafana' kiso to dmak ako a mapades a makari'ang itira i Antiyok, i Ikonium ato i Listra. Mahadidi ako konini a ma^min. Pa'oripen no Tapang kako a paliyas tonini a pades a ma^min.

2 Timoti 3:15

Maharateng iso, nano ka^manganho iso a mafana' kiso to Fangcalay Cudad. Onini a Fangcalay Cudad ko pakafana'ay tisowanan a papiti'er i ci Yis Kristoan, ta mapa'orip kiso.

Hipray 11:2

Miti'er to Kawas ko iti:yaayho a tamdaw. Saka, makahmek no Kawas cangra.