Dmak 14:1 - 阿美語聖經-新約附詩篇箴言

¹ Mahaenay haca ko dmak noya tatosaay i Ikonium. Micomod ci Pawlo aci Parnapas i kasa'opoan a loma' no Yutaya a tamdaw. Ci'icel ko pipasowal nangra. Saka, 'aloman ko malamitooray ci Kristoan a Yutaya a tamdaw ato roma a finacadan.

Dmak 14:1 Iomraidhean Croise

Maroko 7:26

O roma a finacadan konini a fafahiyan. I Foinikiya no Siriya a pala a hofocen cingra. Mingitangit cingra ci Yisan a papifahfah to palafoay a pasadak nai wawa ningra.

Yohani 12:20

Mikapot ko papinapina a Krisiya a tamdaw toya tayraay i pisalisinan a mita'ong.

Yohani 7:35

Sasowasowal sa ko kakrikridan no Yutaya a tamdaw, <

Dmak 11:21

Mapa'icel no Tapang cangra saka, 'aloman ko pasasiyoray to faloco' ta paso'lin to Tapang.

Dmak 13:43

Maliwasak ko finawlan i, tooren no 'alomanay a Yutaya a tamdaw ato micomoday to Yutaya a pakayraan a roma a finacadan ci Pawlo aci Parnapas. Saka, pa'icelen noya tatosaay cangra a pasowal to sakararidaw nangra a miti'er to mikomi no Kawas.

Dmak 13:46

Nikawrira, caay paska ci Pawlo aci Parnapas a somowal. <

Dmak 13:5

Tahira cangra i Salamis i, patnak cangra to sowal no Kawas i kasa'opo'opoan a loma' no Yutaya a tamdaw. Ira ci Yohani Maroko a mihaklong cangraan a mipadang.

Dmak 13:51

Saka, pasayra sato koya tatosaay i cangraan a mitihtih to alafoh no saripa' nangra. Ta tayra sato cangra i Ikonium.

Dmak 14:19

Ira a tayra ko nai Antiyokay ato nai Ikoniumay a Yutaya a tamdaw. Kayhiden nangra ko finawlan a mitkol ci Pawloan to fokloh. <> saan ko harateng nangra saka, kidkid hanto nangra ci Pawlo a pasadak i papotal no niyaro'.

Dmak 14:2

Nikawrira, paororen no caay paso'lin a Yutaya a tamdaw ko roma a finacadan a pakatlii to salikaka.

Dmak 14:21

Patnak cangra to Nga'ayay Ratoh itira toya niyaro'. Palanisawawaen nangra ko 'alomanay a tamdaw ta patiko cangra a tayra i Listra, i Ikonium, i Antiyok.

Dmak 16:1

Nanoya, tahira ca Pawlo i Tirpi ta tayra i Listra. Ira itira ci Timoti hananay a nisawawaan. O mitooray ci Kristoan a Yutaya a tamdaw ko ina ningra. O Krisiya a tamdaw ko mama ningra.

Dmak 16:2

O nga'ayay ko lihaf ni Timoti itira i salikaka no Listra ato Ikonium.

Dmak 17:12

Saka, 'aloman ko paso'linay nangra. 'Aloman ko paso'linay a Krisiya a fa'inayan ato tadamaanay a fafahiyan.

Dmak 17:17

Orasaka, malaliyaliyang ci Pawlo ato Yutaya a tamdaw ato mita'ongay to Kawas a roma a finacadan itira i kasa'opoan a loma' no Yutaya a tamdaw. O romasato, malaliyaliyang cingra ato malitmohay ningra a tamdaw to romi'ami'ad i pisalamaan no niyaro'.

Dmak 17:4

Ira ko papinapina a mala paso'linayto a tamdaw, ta malakapotto na Pawlo aci Silas cangra. O romasato, 'aloman ko mikitiraay ca Pawloan aci Silasan a mita'ongay to Kawas a Krisiya a tamdaw ato tadamaanay a fafahiyan.

Dmak 18:4

To paslasla'an a romi'ad i, malalicalicay ci Pawlo ato i tiraay a tamdaw i kasa'opoan a loma' no Yutaya a tamdaw. Soloten ni Pawlo ko faloco' no Yutaya ato Krisiya a tamdaw a papipaso'lin.

Dmak 18:8

O citodongay to kasa'opoan a kakridan ci Krispus. Paso'lin to Tapang cingra ato paro no loma' ningra. 'Aloman ko romaroma a Korinto a tamdaw a mitngil ta paso'lin cangra ta mapaino'.

Dmak 19:10

Tosa a mihca a mararid konini a dmak ningra. Saka, matngil no i tiraay i Aciya a Yutaya ato Krisiya a tamdaw a ma^min ko sowal no Tapang.

Dmak 19:17

Mafana' ko i tiraay i Ifiso a Yutaya ato Krisiya a tamdaw a ma^min tonini a dmak saka, matalaw cangra a ma^min. Mangalef ko pipahmek no tamdaw to Tapang ci Yisan.

Dmak 19:8

Nanoya, micomod i kasa'opoan a loma' no Yutaya a tamdaw ci Pawlo. Tolo a folad cingra a pakimad to sowal no Kawas itira. Caay paska cingra a pasowal to pakayniay i Kitakit no Kawas a malaliyaliyang ato Yutaya a tamdaw a misolot to faloco' nangra.

Dmak 2:47

Pahmek cangra to Kawas. Malarihaday cangra ato finawlan a ma^min. O romasato, tongalen no Tapang cangra to romi'ami'ad to mafohatay ko faloco' a nipa'oripan Ningra a tamdaw.

Dmak 20:21

Ano o Yutayato a tamdaw, ano o romato a finacadan i, songila'en ako a palimo'ot to sakasiyor no faloco' nangra, a pasayra i Kawas a papiti'er to Tapang ita ci Yisan.

Dmak 21:28

Cli' sa cangra a somowal, <> saan.

Dmak 9:20

Ta tangsol sa cingra a tayra i kasa'opo'opoan a loma' no Yutaya a tamdaw a patnak to nika o Wawa no Kawas ci Yis saan.

Loma 1:16

Caay ka ngodo kako a mipatnak to Nga'ayay Ratoh. Onini a Nga'ayay Ratoh i, o 'icel no Kawas a pa'orip to paso'linay a tamdaw a ma^min. O Yutaya a tamdaw ko sa'ayaway a mapatnak, ta o romato a finacadan.

Loma 10:12

O saki polong no tamdaw konini a sowal. Awaay ko kasasiroma to Yutaya a tamdaw ato roma a finacadan. Oyanan a Kawas ko Tapang no tamdamdaw. Tadamaanay ko pipalmed Ningra to polong no mitahidangay a milongoc i Cingraan.

Kalatiya 2:3

Talacowa o Krisiya a tamdaw koya haklong ako ci Titus, o romasato ira ko mangalayay a papikrit cingraan, nikawrira, caay paci^cien cingra a papido^do to krit a lisin. Nawhani mapakonira kami tona malaccay aci Kristo a Yis.

Kalatiya 3:28

Saka, ano o Yutayato a tamdaw, ano o Krisiyato a tamdaw, ano o kolito, ano caayto ko koli, ano o fa'inayanto, ano o fafahiyanto i, awaay ko kasairoma to maan aca. O malaccayayto kamo i 'orip ni Kristo Yis.

Kolosay 3:11

Saka, ano o Krisiyato, ano o Yutayato, ano o makritayto a tamdaw, ano caayto ka krit a tamdaw, ano o maapacayto ko 'orip, ano o kolito, ano caayto ko koli i, awaay ko kasasiroma. Nawhani o mikowanay ci Kristo to kalomaamaan. O maro'ay haca i kahaccaccay no tamdaw Cingra.

2 Timoti 3:11

Milcad kiso i takowanan a makari'ang a mapades. Mafana' kiso to dmak ako a mapades a makari'ang itira i Antiyok, i Ikonium ato i Listra. Mahadidi ako konini a ma^min. Pa'oripen no Tapang kako a paliyas tonini a pades a ma^min.