Dmak 13:1 - 阿美語聖經-新約附詩篇箴言

¹ Ira i Antiyok a kiwkay ko papinapina a pali'ayaway to sowal no Kawas ato pasifana'ay a tamdaw ci Parnapas ato ci Simiyon (Kohtingay hananay a tamdaw) aci Lukius no Kirini ato slal ni Hiroti o mikomoday a hongti ci Manain aci Sawlo.

Dmak 13:1 Iomraidhean Croise

Matay 27:32

Yo masadak cangra i, malitmoh nangra ci Simon hananay a Kirini a tamdaw, ta patangic han nangra cingra a papi'orong to ciwcika ni Yis.

Luka 3:1

Yo saka lima no safaw no mihcaan ko nikalahongti ni Tipirius i Loma i, ci Pontius Pilato ko mikomoday to Yutaya. Ci Hiroti ko mikomoday to Kalili. O salikaka ni Hiroti ci Filip ko mikomoday to Ituriya ato Trakonitis. Ci Lisaniya ko mikomoday to Apilini.

Dmak 11:30

Saka, lahci han nangra konini a patorod i ci Parnapasan aci Sawloan a papipatayra i ciwlo no kiwkay.

Dmak 12:25

Malahci ni Parnapas aci Sawlo ko tayal nangra i, krid hanto nangra ci Maroko hananay a tamdaw ci Yohani a minokay nai Yirusalim.

Dmak 13:9

Nikawrira, mapa'icel no Fangcalay 'Adingo ci Sawlo. O roma a ngangan ningra i, ci Pawlo. Pamotek han ni Pawlo ci Ilimas a minengneng.

Dmak 15:32

O pali'ayaway to sowal no Kawas ca Yuta aci Silas. Saka, adihay ko nipihinom nangra a pa'icel to salikaka.

Dmak 15:35

Ca Pawlo aci Parnapas i, itira saho i Antiyok a mikapot to 'alomanay a tamdaw a pasifana' a patnak to sowal no Tapang.

Dmak 19:6

Yo mikapa ci Pawlo i cangraan i, ma^pod i cangraan ko Fangcalay 'Adingo. Saka, pasowal cangra to no 'Adingoan a sowal. O romasato, pakimad cangra to sowal no Kawas.

Dmak 21:9

Ira ko wawa ningra to saspatay a kaying. Sahto o cirocekay to patnakay cangra to sowal no Kawas.

Dmak 4:36

Ira ko ccay a Lifi a tamdaw. O i Sayprusay ko hofoc ningra. Ci Yosif ko ngangan ningra. Nikawrira, ci Parnapas han no tarokos cingra a mitahidang. (O tatodong no Parnapas hananay i, o mihinomay,) sanay.

Dmak 9:1

Itiya i, mararid ci Sawlo a mipatalaw to sapipatayaw to nisawawaan no Tapang. Saka, tayra cingra i sakakaay a citodongay to ta'ong,

Loma 16:21

Nga'ayho saan ci Timoti i tamowanan. O kapot ako cingra a matayal. Mahaen ko sowal no finacadan ako a salikaka ci Lukius aci Yason aci Sosipatir.

1 Korinto 11:4

Saka, ano cikafong ko fa'inayan yo mitolon, ano ^ca i, yo pakimad to sowal no Kawas i, o mipakangodoay cingra ci Kristoan.

1 Korinto 13:2

Ano mafanafana' kako a pakimad, ato mafana' to maamaan a pakakmoday a dmak, o romasato ano pakalinalinah to lotok a patayra i riyar ko 'icel no paso'lin ako, ano caay ka ciolah kako to tamdaw i, awaay ko ^poc ako.

1 Korinto 13:8

O tahada'ocay ko olah. O citolasay ko fana' a pakimad, ano hacowaay a romi'ad i, o mamalasawad ko rocek no tamdaw a somowal to no 'Adingoan a sowal. O mamalasawad ko fana' no tamdaw to maamaan.

1 Korinto 14:29

O pakimaday a pasowal to sowal no Kawas a tamdaw i, ka tatosa ano ^ca i, tatolo ko sasomowal. O romaroma i, o mamitngil a mihapinang to tatodong noya sowal.

1 Korinto 14:32

O pakimaday a pasowal to sowal no Kawas a tamdaw i, o pisinanot ningra to faloco' a pasowal ko nga'ay.

1 Korinto 9:6

Kako aci Parnapas a ccay ko ci todongay a mamaroray a matayal to saka'orip niyam hakiya?

Kalatiya 2:13

Saka, kapot sa i ci Pitiroan ko 'alomanay a Yutaya a tamdaw a misamangah ko faloco'. Saka, halo ci Parnapas a makayhid nangra.

Kalatiya 2:9

Mahapinang na Yakop aci Pitiro aci Yohani, o na tatoloay a cinganganay a malohcek no kiwkay ko nipipatorod no Kawas i takowanan tonini a micidekay a tayal. Saka, laya' sato to kamay cangra a mimetmet to kamay niyam aci Parnapas a pahapinang to nika o kapotto nangra kami a matayal. Mihai kami a ma^min to sakatayraaw niyam aci Parnapas i roma a finacadan a matayal ato sakaitiraaw nangra o kakrikridan i Yutaya a tamdaw a matayal.

Ifiso 4:11

Cingra haca koya <> Maparocek Ningra ko roma a tamdaw a malatarokos. O roma i, malapali'ayaway to sowal no Kawas. O roma i, malapatnakay. O roma i, malafoksiay ato pasifana'ay.

Filipi 4:22

Nga'ayho saan i tamowanan ko i tiniay a mitooray a ma^min. Mahaen ko i loma'ay no hongti no Loma a tamdaw a ma^min a nga'ayho saan i tamowanan.

1 Tisalonika 5:20

Aka pi^pec to pipakimad no pali'ayaway to sowal no Kawas.