Dmak 12:12 - 阿美語聖經-新約附詩篇箴言

¹² Tona mafana' ci Pitiro tonini i, tayra sato cingra i loma' ni Mariya, o ina ni Maroko hananay a tamdaw ci Yohani. Ira itira a masa'opo ko 'alomanay a tamdaw a mitolon.

Dmak 12:12 Iomraidhean Croise

Dmak 12:25

Malahci ni Parnapas aci Sawlo ko tayal nangra i, krid hanto nangra ci Maroko hananay a tamdaw ci Yohani a minokay nai Yirusalim.

Dmak 12:5

Mahaen ko nika rofo ni Pitiro. Nikawrira, mararid ko salikaka no kiwkay a misa'icel a mitolon to Kawas to saki cingraan.

Dmak 13:13

Nanitira i Pafos pakalonan ca Pawlo a tayra i niyaro' no Pirka no Pamfiliya a pala. I tini a miliyas ci Yohani Maroko cangraan a minokay i Yirusalim.

Dmak 13:5

Tahira cangra i Salamis i, patnak cangra to sowal no Kawas i kasa'opo'opoan a loma' no Yutaya a tamdaw. Ira ci Yohani Maroko a mihaklong cangraan a mipadang.

Dmak 16:40

Tona masadakto ca Pawlo aci Silas nai pirofoan, tayra sato cangra i loma' ni Litiya, itira a masaso'araw to salikaka, pa'icelen nangra cangra, ta liyas sato cangra.

Dmak 4:23

Yo matdalto koya tatosaay i, nokay sato cangra i kapot nangra a pakafana' to nano sowal no kakridan no citodongay to ta'ong ato kalas no niyaro'.

Kolosay 4:10

Nga'ayho saan i tamowanan ko kapot ako a marofo ci Aristarkus ato sasalikakaen ni Parnapas ci Maroko. (Pakayniay ci Marokoan i, mahrekto kako a palimo'ot i tamowanan. Ano tayra cingra i tamowanan i, hamhamen cingra han ako kamo.)

2 Timoti 4:11

Dengto ci Luka ko i tiniay i takowanan. Tamitaen ci Maroko a tayni. Nawhani o sakaci^poc no tayal ako cingra.

Filimon 1:24

Mahaen ko sowal no kapot ako a matayal ci Maroko, ci Aristarkus, ci Timas aci Luka.

1 Pitiro 5:13

Nga'ayho saan i tamowanan ko i tiraay i Papilon a kiwkay a sakalcad namo a o nipili'an no Kawas a salikaka ato wawa ako ci Maroko.