Dmak 10:39 - 阿美語聖經-新約附詩篇箴言

³⁹ O pawacayay kami to polong no dmak ni Yis i Yutaya a pala ato dmak Ningra i Yirusalim. Paceken no tamdaw Cingra i ciwcika a mipatay.

Dmak 10:39 Iomraidhean Croise

Luka 1:2

Do^do han nangra ko nano niparatohan no nano paka'araway toya dmak ato patnakay to sowal no Kawas a tamdaw a mitilid tonini.

Luka 24:48

Kamo ko pawacayay tonini a dmak.

Yohani 15:27

Kamo ko roma a pawacayay to pakayniay i Takowanan. Nawhani nani satapangan a mikapot kamo i Takowanan.>>

Dmak 1:8

Nikawrira, ano ma^podto i tamowanan ko Fangcalay 'Adingo i, o caci'icel kamo. O papawacay kamo to pakayniay i Takowanan i tini i Yirusalim, i polong no Yutaya ato Samariya tangasa i tolas no hkal,>> han Ningra.

Dmak 10:41

Caay ka i polong no tamdamdaw ko pipatalahkal Ningra a pa'araw. Deng i tamiyanan o nipili'an no Kawas to mamalopapawacay a tamdaw Cingra a pa'araw. O namikapotay kami i cingraan a komaen i ikor no nika lomowad Ningra a ma'orip nai patay.

Dmak 13:31

Kinapinapina a pa'araw ci Yis toya mikapotay i Cingraan nai Kalili a tayra i Yirusalim. Anini i, onini a tamdamdaw ko pawacayay i finawlan to pakayniay ci Yisan.

Dmak 2:32

O nipalowadan no Kawas a pa'orip nai patay ci Yis. O pawacayay tonini a dmak kami a ma^min.

Dmak 4:10

Kafana' kamo a mapolong ato finawlan no Israil a ma^min, o sakaadah nonini a tamdaw a tanektek a tomireng i ka'ayaw namo i, o nano 'icel ni Yis Kristo no Nacali oya nipacekan namo i ciwcika a mipatay, oya nipalowadan no Kawas a pa'orip nai patay.

Dmak 7:52

Cima ko caay ka kari'angen no tato'asan namo a pali'ayaway to sowal no Kawas saw? Patayen nangra koya aira a mo^celay a Koli, sanay ko sowal no pali'ayaway to sowal. Anini sa i, o kamo ko mipacakayay a mipatay toya Koli.

Kalatiya 3:13

Mahrekayto ci Kristo a patodong titaanan a ma'kak. Onini i, o sapitdalaw Ningra titaanan a palasawad to pi'kak no Rikec titaanan. Nawhani o sowal a matilid i Fangcalay Cudad i, <> saan.

1 Pitiro 2:24

Cingra ko mi'orongay to raraw ita a mapacek i ciwcika. Orasaka, manga'ayto kita a miliyas to no ciraraway a dmak a pasayra i mo^celay a dmak a ma'orip. Maadahayto kamo to nano nika doka' Ningra.