Dmak 10:23 - 阿美語聖經-新約附詩篇箴言

²³ Orasaka, pacomod hanto ni Pitiro cangra a papilafin. Cila sato a romi'ad i, lowad sato ci Pitiro a mihaklong cangraan a tayra. Ira ko papinapina a salikaka no Yopa a mihaklong i cangraan.

Dmak 10:23 Iomraidhean Croise

Dmak 1:15

Nanoya, ma^deng smo'ot ira ko tosa a polo' (120) ko salikaka a masa'opo. Tomireng ci Pitiro a pasowal i cangraan,

Dmak 10:29

Orasaka, caay pisafraang kako a tayni to pitahidang namo. Saka, licayen ako kamo, o maan ko sakapitahidang namo i takowanan saw?>> han ningra.

Dmak 10:33

Orasaka, tangsol han ako a patayra i tisowanan ko tamdaw. Nga'ay aca ko nika tayni iso. O sapitngilaw niyam to nano sowal no Tapang i tisowanan a ma^min saka, masa'opo kami i ka'ayaw no Kawas i matini,>> han ningra.

Dmak 10:45

Oya mihaklongay ci Pitiroan nai Yopa a mitooray ci Kristoan a Yutaya a tamdaw i, safahka' sa cangra to nika halo roma a finacadan a mapafli to Fangcalay 'Adingo.

Dmak 11:12

Mitoro' ko Fangcalay 'Adingo i takowan a papihaklong i cangraan, aka pisafraang saan. Orasaka, halonini a nai Yopaay a ^nemay a salikaka a mihaklong takowanan a tayra. Tahirato kami i loma' ni Kornilius.

Dmak 28:15

Matngil no i tiraay i Loma a salikaka ko pakayniay i tamiyanan saka, tangasa cangra i Apius a kalali'acaan ato Toloay a Pilafinan hananay a niyaro' a militmoh i tamiyanan. Ma'araw ni Pawlo cangra i, mapa'icel ko faloco' ningra. Kansiya sa cingra to Kawas.

Dmak 9:36

Ira i Yopa ci Tapita hananay a fafahiyan a nisawawaan. (Ano sano Krisiyaen i, ci Torkas. O tatodong nonini i, <> sanay.) Sahto o nga'ayay ko dmak nonini a fafahiyan. Maolah cingra a palada' to pakoyoc a tamdaw.

Dmak 9:38

I ngataay no Yopa ko Lita. Matngil no nisawawaan itira i Yopa ko nika ira ni Pitiro itira i Lita saka, ocor han nangra ko tatosa a tamdaw a patayra ci Pitiroan, longocen cingra, <> han nangra koya tatosaay a patolon to sowal.

Dmak 9:42

Malosiyang i Yopa a ma^min konini a dmak. Saka, 'alomanto ko paso'linay to Tapang.

2 Korinto 8:21

Onini i, caay ko sakanga'ayaw no dmak a tapalen no Tapang a ccay. O sakanga'ayaw a tapalen no tamdamdaw saan ko harateng niyam.

Hipray 13:2

Aka pitawal a misanga'ay a mihamham to lafang. Nawhani o romaroma a mihaenay to lafang a tamdaw i, o coyoh ko nihamhaman nangra. Caay ka fana'en nangra konini.

1 Pitiro 4:9

Kasasihamham kamo. Aka ka ngaliwngiw.