Nikawrira, o nipipatireng i kawanan, i kawili Ako i, caay ko no Mako a dmak korira. Deng o Kawas ko patalaay a patireng itira to nipili'an Ningra a tamdaw,>> han Ningra.
O fonos ko sakapatay nangra, o mamapalit cangra a mapatayra i cowacowa a kitakit. O mamasakasak no roma a finacadan ko Yirusalim, tangasa i kalponan no sa'osi no romi'ad nangra.
Pakaynien Ningra i ccay a tamdaw ko nipisanga' to polong no kasafinacadacadan no tamdaw, ta mapaliwasak a pakamaro' i polong no hkal cangra, sanga'en Ningra ko kasapokopokoh no mihcaan ato kalangangangangan no kamaro'an no tamdaw a pahapinang.
Ano maraodto ko romi'ad i, itiya a milahci ko Kawas tonini a nisahalakaan Ningra, a mipalaccay i ci Kristoan to i kakarayanay ato i hkalay a maamaan a nisanga'an Ningra, a pakoTapang i Cingraan.
Ano maraodto konini a nipatonekan no Kawas a romi'ad i, o papatalahkalen Ningra ci Kristo. O hahmeken, o dengan a mikowanay, o Hongti no hongtingti, o Tapang no tapatapang konini a Kawas.
