Dmak 1:14 - 阿美語聖經-新約附詩篇箴言

¹⁴ Ira a mikapot tonini a tamdaw ko papinapina a fafahiyan, o ina ni Yis ci Mariya ato salikaka ni Yis. Malaccay ko faloco' nangra a masarocod a mitolon.

Dmak 1:14 Iomraidhean Croise

Matay 12:46

Yo pasowalho ci Yis to finawlan i, ira ko ina ato salikaka Ningra a tayra a tomireng i papotal. Sapasowalan cangra i ci Yisan.

Matay 21:22

Orasaka, ano mitolon kamo, ano o maan ko ningitangitan namo i, ti'eren ko Kawas ta malayap namo a ma^min,>> han Ningra.

Matay 27:55

Ira itira i ra:ay a minengneng ko 'alomanay a fafahiyan. Nano mihaklongay cangra ci Yisan nai Kalili a mipadang Cingraan.

Maroko 15:40

Ira i ra:ay a minengneng ko papinapina a fafahiyan. Ira itira ci Mariya no Maktala, ira haca ci Mariya o ina no ka^mangay a Yakopan aci Yosif ato ci Salomi.

Maroko 16:1

Nanoya, mahrek ko Pasla'an a Romi'ad i, mi'aca to fangsisay a sapaiyo ci Mariya no Maktala ato ci ina ni Yakop ci Mariya aci Salomi to sapisipasip to tireng ni Yis.

Luka 11:13

Talacowa o tatiitiihay a tamdaw kamo i, mafana' kamo a pafli i wawa namo to nga'ayay. Ano hatira i, mangalef ko no Wama i kakarayan a pipafli to Fangcalay 'Adingo i milongocay i Cingraan,>> han Ningra.

Luka 18:1

O sakararidaw no nisawawaan a mitolon ato saka^caaw ka toled nangra saka, patinako han ni Yis cangra a somowal,

Luka 23:49

Polong no mafana'ay ci Yisan a tamdamdaw ato mitooray Cingraan nai Kalili a fafahifahiyan i, tomireng i ra:ay a minengneng tonini a dmak.

Luka 23:55

O mihaklongay ci Yisan nai Kalili a fafahifahiyan i, mitoor ci Yosifan a tayra, minengneng cangra to tadem ato nika masamaan ko nipipatli to tireng ni Yis.

Luka 24:10

Onini a paratohay i tarokos tonini a dmak a fafahiyan i, ci Mariya no Maktala, ci Yoana ato ina ni Yakop ci Mariya ato romaroma a mihaklongay cangraan a fafahiyan.

Luka 24:33

Itiya i, tangsol sa cangra a lomowad a patiko a tayra i Yirusalim. Ma'araw nangra itira ko nika sa'opo no ccay ko safaw a nisawawaan ato romaroma a mitooray ci Yisan.

Luka 24:53

Rarid sa cangra itira i Fangcalay Pita'ongan a pahmek to Kawas.

Luka 8:20

Ira ko pasowalay i ci Yisan, <> han ningra.

Dmak 2:1

Yo maraodto ko pisalisinan to saka Lima a Polo' a romi'ad i, malaccay a masa'opo ko mitooray ci Kristoan a ma^min.

Dmak 2:42

Mararid cangra a mitngil to pipasifana' no tarokos. Sakapolongan sa ko tayal nangra. Malaccay ko tahka nangra. O romasato, malaccay cangra a mitolon.

Dmak 2:46

To romi'ami'ad i, malaccay ko faloco' nangra a masa'opo i Fangcalay Pita'ongan. Mapolong cangra a komaen i loma' nangra. So'lin ko faloco' nangra a lipahak a komaen.

Dmak 6:4

Ta manga'ay kami a masarocod a mitolon a patnak to sowal no Kawas,>> han nangra.

Loma 12:12

Ka o pafaloco'an namo ko lalipahaken. Hadidien ko pades. Kararid a mitolon.

1 Korinto 14:13

Orasaka, o somowalay to no 'Adingoan a sowal i, o nipilongoc ningra ko nga'ay to sakafana' ningra a misahci to tatodong noya sowal ningra.

Ifiso 6:18

I tini i pitolon namo i, pilongoc to pipadama no Kawas. Ka o makriday no Fangcalay 'Adingo kamo a mararid a mitolon. Kapalal kamo a mihadidi a misa'icel a milongoc a mitolon to saki mitooray a ma^min.

Kolosay 4:2

Kararid a mitolon. Yo mitolon kamo i, kapalal ko faloco' namo a mikansiya i Kawas.