1 Timoti 4:3 - 阿美語聖經-新約附詩篇箴言

³ Palimo'ot ko matiniay a tamdaw to saka^caaw ka ciramod no tamdaw ato saka^caaw ka komaen to romaroma a kakaenen. Nikawrira, o nisanga'an no Kawas konini a kakaenen a pafli i tamdaw. O kakansiyaen no paso'linay ato mafana'ay to so'lin, ta komaen tonini.

1 Timoti 4:3 Iomraidhean Croise

Matay 14:19

Saka, sowalen Ningra ko finawlan a pakamaro' i rngorngosan. Ta tatoy sato Cingra toya limaay a 'aplad no ^pang atoya tosaay a foting. Ca'ngaw sa Cingra a pasikakarayan a mikansiya to Kawas. Pcih sa to ^pang a pafli i nisawawaan. Ta pakilacen no nisawawaan konini i finawlan.

Matay 15:11

Oya micomoday i ngoyos a maamaan i, caay paacek to tamdaw. Oya masadakay i ngoyos a sowal ko paacekay to tamdaw,>> han Ningra.

Matay 15:36

Ta tatoy sato Cingra toya pito a 'aplad no ^pang atoya pinapina a mimingay a foting a mikansiya i Kawas. Pcih han Ningra a pafli i nisawawaan. Ta pakilacen no nisawawaan haca ko finawlan.

Luka 24:30

Yo mikapot ci Yis i cangraan a mitahka i, tatoy sa ci Yis to ^pang. Kansiya sa to Kawas, ta pcih sa Cingra to ^pang a pafli i cangraan.

Yohani 6:23

Ira ko nai Tipiriyasay a pinapina a pakataminaay a talahkal i ngata no kakomaenan no finawlan to ^pang, oya pikansiyaan no Tapang to Kawas. Siday han nangra ko tamina itira.

Dmak 27:35

Mahrek a somowal cingra i, tatoy sa to ^pang a mikansiya to Kawas i ka'ayaw no 'alomanay a tamdaw ta pcih sa to ^pang cingra a komaen.

Loma 14:17

Nawhani o mo^celay ato parihadayay ato lipahak ko nano Fangcalay 'Adingo ko pikowan no Kawas, caay ko pakayniay i kakaenen ko pikowan Ningra.

Loma 14:3

O komaenay to kalokakaenen i, aka piples to caay ka komaen a tamdaw. O dateng aca ko nikaenan a tamdaw i, aka pilikaf toya komaenay to maamaan a tamdaw. Nawhani o nihamhamanto no Kawas cingra.

Loma 14:6

Tinako sa, o ma'imeray to ccay a romi'ad i, o ccay no pipahmek ningra to Tapang ko nika 'imer ningra toya romi'ad. O komaenay to kalokakaenen i, o ccay no pipahmek ningra to Tapang ko nika komaen ningra. Nawhani o miahowidayto cingra i Kawas. O caay ka komaen to kalokakaenen i, o ccay no pipahmek ningra to Tapang ko nika ^ca ka komaen ningra. O mikansiyaay cingra to Kawas.

1 Korinto 6:13

O sowal no roma a tamdaw i, <> saan. Hai, nikawrira, o papalasawaden no Kawas konini a tosa. Caay ko sapi'odang ko tireng ita. O mamatayal to no Tapang ko tireng ita. O pa'ayaway to tireng ita ko Tapang.

1 Korinto 7:28

Nikawrira, ano ciramod kiso i, caay ko raraw konini. Ano ciramod ko limecedan i, caay ko raraw konini. Nikawrira, o mamaroray ko mararamoday a tamdaw. Caay ka ngalay kako to sakarorayaw namo.

1 Korinto 8:8

Nikawrira, caay ko kakaenen ko papingataay titaanan i Kawas. Ano caacaay ka komaen kita i, awaay ko sipon ita. Ano komaemaen kita i, caay ko sakaci^poc ita.

Kolosay 2:16

Orasaka, aka palit no pipalimo'ot no nimanima to pakayniay i kakaenen ato pisalisin ato pisalisin to fa^lohay a folad ato Pasla'an a Romi'ad.

Kolosay 3:17

O romasato, ano o maanto ko dmak, ano o maanto ko sowal namo i, pakaynien i ngangan no Tapang ci Yis ko sapidmak a ma^min, pakaynien i Cingraan ko nipikansiya to Wama a Kawas.

1 Timoti 2:4

Mangalay ko Kawas to sakafana'aw no polong no tamdaw to so'lin, ta mapa'orip Ningra cangra.

1 Timoti 4:4

O nga'ayay ko nisanga'an no Kawas a ma^min. Awaay ko fafalafalahen. O kakansiyaen ko Kawas a milayap tonini.

1 Timoti 5:14

Orasaka, o longoc ako i, o nika ciramod no ka^mangayho a maponengay ko nga'ay. Ta ciwawa cangra, midipot cangra to loma' nangra. Ta awaay ko lalikafen no misa'adaay titaanan.

Hipray 13:4

O a 'imeren no tamdaw a ma^min ko kararamod nangra. Sarocoden ko faloco' i ramod iso. Nawhani sawkiten no Kawas ko ma'odangay a tamdaw.

Hipray 13:9

Aka ka safana' no masamaamaanay a roma a sifana' kamo. Sa'icelen a miti'er ko mikomi no Kawas a patanektek to faloco' namo. Aka piti'er to lkakawa no pakayniay i kakaenen. Awaay ko ^poc no nipido^do no tamdaw to lkakawa to pakayniay i kakaenen.