1 Timoti 2:3 - 阿美語聖經-新約附詩篇箴言

³ O nga'ayay konini, o matatodongay i nafaloco'an no pa'oripay titaanan a Kawas.

1 Timoti 2:3 Iomraidhean Croise

Luka 1:47

Lipahak ko salo'afang ako to Pa'oripay takowanan a Kawas.

Loma 14:18

Ano mahaen ko nika tayal no tamdaw i ci Kristoan i, o kaolahan no Kawas, malakahmekan no tamdamdaw cingra.

Filipi 1:11

Ta masafaco ni Yis Kristo i faloco' namo ko mo^celay a dmak. Ta makahmek no tamdaw ko Kawas to nika tadamaan Ningra.

Filipi 4:18

Adihayto ko nipaflian namo i takowanan. Marnecto kako a milayap to nipataynian ni Ipafrotitus a sapafli namo. O ccay no fangsisay a sapacakat namo i Kawas konini, o kalipahakan, o karahkeran no Kawas a milayap.

Kolosay 1:10

Ta mado^do namo ko matatodongay i nafaloco'an no Tapang a dmak a mararid a palipahak i Cingraan. Ta nga'ay ko dmak namo a ma^min. Ta matongal a matongal ko nika fana' namo to Kawas.

1 Tisalonika 4:1

Saikorayto i, salikakaaw, o naminanamayto kamo i tamiyanan to nika samaanen ko dmak a palipahak to Kawas. O mahaenayto ko dmak namo. Pakaynien niyam i ngangan no Tapang ci Yis ko pipa'icel i tamowanan, nanay haenen ko dmak namo a misa'icel.

1 Timoti 1:1

Ci Pawlo kako, nipalimo'otan no pa'oripay a Kawas ita ato kacifaloco'an ita a Kristo Yis a malatarokosay ni Kristo Yis kako.

1 Timoti 4:10

Orasaka, maroray, misa'icel kita a matayal, nawhani o ma'oripay a Kawas ko kacifaloco'an ita. O pa'oripay Cingra to polong no tamdaw. Mangalef ko pipa'orip Ningra to paso'linay Cingraan.

1 Timoti 5:4

Nikawrira, ano ira ko wawa ano ^ca i, o wawa no wawa noya maponengay i, o papasifana'en cangra to malodmak no mitooray a midipot to paro no loma', ta mafana' cangra a patiko to pidipot no mama ato ina ano ^ca i, o pidipot no akong ato mamo nangra. Onini ko matatodongay i nafaloco'an no Kawas.

2 Timoti 1:9

O nipa'oripan no Kawas kita a mitahidang a palafinawlan Ningra. Caay ko nano nga'ayay a dmak ita konini, o nano nafaloco'an no Kawas ato mikomi Ningra. Pakaynien no Kawas i ci Yis Kristoan i 'ayaw no nika sanga' no hkal ko pipafli i titaanan tonini a mikomi.

Hipray 13:16

Aka pisawad to nga'ayay a dmak ato nipipalada'. Nawhani o kaolahan no Kawas ko matiniay a sapacakat.

1 Pitiro 2:20

Ano nika cirarawan namo ko sakapihadidi namo a masti' i, o maan ko katadamaanan namo saw? Nikawrira, ano pakayniay i nika nga'ay no dmak namo ko sakapihadidi namo to pades i, o papalmeden no Kawas kamo.

1 Pitiro 2:5

Kamo ko roma a matiya o ma'oripay a fokloh. Ka o malosapatireng kamo to no 'adingoan a pita'ongan. Ta malafangcalay a citodongay to ta'ong kamo a matayal itira. Ta pakaynien namo i ci Yis Kristoan ko nipipacakat namo to kaolahan no Kawas a caay ka 'araw a sapacakat.