1 Timoti 1:4 - 阿美語聖經-新約附詩篇箴言

⁴ Papisawaden cangra a miharateng to kimad no mato'asay ato rayray no tato'asan. Nawhani caay padama ko matiniay a dmak to nafaloco'an no Kawas a papiti'er to tamdaw ci Kristoan. Deng o palowaday to sakalaliyaliyang konini.

1 Timoti 1:4 Iomraidhean Croise

2 Korinto 1:12

O caay pikilif, o nai Kawasay a nga'ayay a faloco' ko sapipawacay ita. Caay ko nano taneng no tamdaw, o nano 'icel no mikomi no Kawas ko sakakakafit ita. O nika ^ca paska no faloco' niyam ko kacipinangan niyam to nika nga'ay no dmak niyam i ka'ayaw namo ato i ka'ayaw no tamdamdaw. Saka, malita'ang kami tonini.

Ifiso 3:2

Mafana'ay kamo, paini ko Kawas to mikomi, saka mapatorod kako to ccay a tayal to sakanga'ay namo.

1 Timoti 3:16

Kafana'anto no 'alomanay ko nika o tadamaanay ko kmod no pitooran ita. Malatamdaw Cingra a talahkal. Mapahapinang no Fangcalay 'Adingo ko nika o mo^celay Cingra. Ma'araway no coyoh Cingra. Mapatnakay Cingra i kasakitakit. Mapakaso'linay no tamdamdaw Cingra. Makakoyay Cingra a talakakarayan.

1 Timoti 4:7

Liyasen ko awaay ko ^poc a caay ka tatodong i pitoor to Kawas a kimad no mato'asay. Pananamen ko tireng iso to sapiringiaw iso to Kawas.

1 Timoti 6:11

Nikawrira, kiso o matayalay no Kawas i, liyasen konini a dmak. Ka o mo^celay a faloco' ato miringiay to Kawas a pinangan ato miti'eray a faloco' ato olah ato kodaitay ato damsayay a faloco' ko sasa'icelen iso.

1 Timoti 6:20

Timotiaw, 'imeren ko nipaconohan i tisowanan. Liyasen ko caay ka ngodo to Kawas a kasasowasowal ato pacfaay a kalaliyaliyang to pakayniay i <> hananay.

2 Timoti 2:14

Papiharatengen ko salikaka tonini. Palimo'oten cangra i ka'ayaw no Kawas to saka^caaw ka laliyaliyang nangra to sowal. Nawhani caay ka ci^poc konini a dmak, o sakatfad no mitngilay a tamdaw.

2 Timoti 2:22

Orasaka, sawaden ko no ka^manganho a 'anof. Pikapot to tingalaway ko faloco' a milongocay to pipadama no Tapang a tamdaw a misa'icel to mo^celay a dmak ato sakatanektek no piti'er ato sakaciolah ato sakarihaday no 'orip.

2 Timoti 2:23

Liyasen ko maapaay a nika laliyaliyang no tamdaw. Mafana' kiso, o sakacacolicoli no tamdaw ko matiniay a dmak.

2 Timoti 4:4

Mipoet cangra to tangila caay pitngil to so'lin a sowal, 'arawhani pasayra i awaay ^poc a kimad.

Titus 1:1

O malatarokosay ni Yis Kristo a koli no Kawas ci Pawlo kako. O sakatahidang ako a malatarokos i, o papa'icel to piti'er no nipili'an no Kawas a tamdaw. O mamikrid kako i cangraan a pasifana' to matatodongay i piti'eran ita a so'lin a sifana'.

Titus 1:14

ato saka^caaw pasayra nangra i awaay ko ^poc a kimad no Yutaya a tamdaw ato limo'ot no misiikoray to so'lin a tamdaw.

Titus 3:9

Liyasen ko maapaay a nika laliyaliyang no tamdaw ato kimad to pakayniay i rayray no tato'asan ato nika cacolicoli ato tao ato nika laliyaliyang no tamdaw to pakayniay i Rikec. Awaay ko ^poc to matiniay a dmak.

Hipray 13:9

Aka ka safana' no masamaamaanay a roma a sifana' kamo. Sa'icelen a miti'er ko mikomi no Kawas a patanektek to faloco' namo. Aka piti'er to lkakawa no pakayniay i kakaenen. Awaay ko ^poc no nipido^do no tamdaw to lkakawa to pakayniay i kakaenen.

2 Pitiro 1:16

Caay ko nano nisanga'an no tamdaw a kimad ko pitngilan niyam to malosapakafana' niyam i tamowanan to pakayniay i 'icel no Tapang ita ci Yis Kristo ato nika tayni Ningra. O nano minengnengay kami to nika tadamaan Ningra.