Tito 3:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Ñeñth ateth notenpaꞌ eꞌñe poꞌñoxh. Ñeñthoꞌmarña napaꞌ atarr nemneñ oꞌch phokthapeꞌchatanet eꞌñe womenko ateth, allochñapaꞌ ñeñth ameꞌñenaya Yomporpaꞌ eꞌñech aña maꞌyoxhrenet oꞌch penet ñeñth kowen enten ña. Ñeñth oꞌ notwapaꞌ ñeñthña kowentetsa ñamha ñeñthña nanak sherbets allowenakop.

Tito 3:8 Iomraidhean Croise

San Mateo 20:4

Ñañapaꞌ ateth otosanet: “Sapaꞌxhoꞌña ñerraꞌm semneꞌpaꞌ oꞌch setarwasaꞌ naꞌmro; napaꞌ netsaꞌtasach allpon ñeñth poktetsa.” Ñetpaꞌxhoꞌña allentha awanmoet paꞌmro allchaꞌ thotoset ñamet narmetsmo.

San Juan 12:44

Jesúsña rranapaꞌ ateth oterrerr: —Ñerraꞌm eseshaꞌ nameꞌñenaya na, ama napthayeꞌ ameꞌñenneto. Añeꞌnaña ameꞌñenet Nompor ñeñth nellsenseneꞌ.

San Juan 5:24

‘Napaꞌ eꞌñe poꞌñoxh ateth notenes: Ñerraꞌm eseshaꞌ eꞌmhñoteꞌ neñoñ ñamha ñerraꞌm yemterrnanet Nompor ñeñth nellsenseneꞌ ñetñapaꞌ korretsetach poksheñeshokmañen thayotheñ errponañowen. Amach aꞌkoñchatarethterreto amaꞌt errponaña. Tharroꞌmarña ñetpaꞌ oꞌ metanerretña ñeñth eꞌñe poꞌñoxh rromoeñets, oꞌ xherret allña ñetpaꞌ korretsetach thayothen errponañowen.

Los Hechos 12:15

Ñetñapaꞌ xha otet: —Amatheꞌkaꞌye ñeñtheyaye, attha photyen xhatheꞌ pemospoena. Ñañapaꞌ alla oterrerr: —Poꞌñoxhkaꞌye Pedro. Ñetñapaꞌ oterreterr: —Amatheꞌ Pedroyaye. Ñatoꞌ añtheꞌ Yompor poꞌmhllañotheñer ñeñthchaꞌ kowamphseꞌ Pedro.

2 Corintios 4:13

Añmapaꞌ ñeñth ateth oten Yompor poꞌñoñ ñeñth ateth anwareth awathotheñ ñeñthpaꞌ ateth oten ñeñth kellkëꞌ libro Salmos, “Napaꞌ atarr neyemteña Yompor ñeñthoꞌmar ateth neꞌñorena ñokop.” Yapaꞌxhoꞌña eꞌñe atthekma yokthapeꞌchen yamha. Eꞌñe atthekma yeyemteña Yompor, ñeñthoꞌmar yapaꞌxhoꞌña atthekma yeꞌñorena yamha.

Efesios 4:28

Ñamha ñerraꞌm eseshas etetspaꞌ añ poktetsa theꞌñapaꞌ amach alloꞌna setyesatsetneno. Ñeñth acheñerpaꞌ tarwasepaꞌña eꞌñe ña pototh. Amaꞌt erraꞌtsena ñeñthchaꞌ poꞌtarwas phaꞌpaꞌ ñeñth tarwaspaꞌ eꞌñe kowen ama apenkoxhenayaye. Allochñapaꞌ atthothchaꞌ echenan shonteꞌ atthoch apaꞌyesan ñamha poꞌpotantañ ñeñth atarr es palltaꞌyetsa.

1 Timoteo 1:15

Ñeñthoꞌmar theꞌpaꞌ oꞌ neñoter añepaꞌtña ñoñets ñeñth eꞌñe poꞌñoxh: Cristo Jesúspaꞌ añekopña wapa añ patso atthoch aꞌkeshphatosan allowen ochñatheneshaꞌ. Ñeñthoꞌmarña theꞌ napaꞌ neñotena, allowen ñeñth ochñatheneshaꞌpaꞌ na ello metanaꞌtwenawet poꞌchñaret. Ñeñthoꞌmar theꞌpaꞌ aña poktetsa oꞌch yameꞌñaꞌwerra ñeñthara añ ñoñets.

1 Timoteo 2:8

Ñamha napaꞌ nemneñ ora amaꞌt erratheꞌ apxhaꞌyenet Yomporekoppaꞌ añ yakmaneshaꞌ allempo echantenet pot poemaꞌyocheñothetpaꞌ eꞌñepaꞌch poeñmañeshaꞌ maꞌyochenet, amachña xha poꞌpoñ entweneto poeyoxhro, ñamha amach xha atsrreꞌmoxhen entweneto.

1 Timoteo 5:10

Ñamha erraꞌtsentheꞌ senten ñeñth eꞌñe kowenareꞌ es pets, ñeñth eꞌñe kowen kowampeneꞌ poechoyoreshaꞌ, ñamha ñeñth nanak amoeraña, ñamha ñeñth eꞌñe kowen agëneꞌ poemoꞌtoꞌ, ñamha ñeñth eꞌñe poeñmañeshaꞌ sherbeneꞌ allowen ñeñth ameꞌñetsa, ñamha ñeñth nanak yenpoeneꞌ amaꞌt ñeñth moeroxhtetsa, ñamha ñeñth nanak phaꞌyeneꞌ poꞌpoñexhno ñeñth kowentetsa.

2 Timoteo 1:12

Ñeñthoꞌmarña theꞌpaꞌ eꞌñe neserrpareꞌteñoth añ ñoñetspaꞌ moeroxhtatennet, tharraña napaꞌ ama nepenkëno tharroꞌmar napaꞌ neñoteñ Yompor ñeñth neyemtenapaꞌ nanak awamenkath. Ñeñthoꞌmarña neñoteñ eꞌñe poꞌwamenkothpaꞌ oꞌch kowamphson ora all nethorraꞌyeseꞌth ñokop ñeñth ateth yechenna amaꞌt thayotheñ esempowañenchaꞌ werra.

Tito 1:9

Ñamha ñeñthchaꞌ paꞌmhchaꞌtarether phaꞌyes ñeñth ameꞌñetsapaꞌ eꞌñech yemtenana poktakma añ ñoñets ñeñth eꞌñe poꞌñoxh Yompor poꞌñoñ ñeñth ateth yexhateñet. Allochñapaꞌ ñapaꞌxhoꞌña eꞌñech atthekma yexhatan ñamha poꞌpotantañexhno ñeñth eꞌñe paxharr kothaphñats, ñamha ñeñth eñoteneꞌ atthoch anapoenan eꞌñe kowenakma ñeñth achmhareꞌteneꞌ Yompor poꞌñoñ atthoch ñetpaꞌ amach errothenoth anapeto.

Tito 2:14

Tharroꞌmar ñapaꞌ ña pokteꞌ enteꞌ oꞌch rroma yokop atthoch oꞌwañchaꞌ alloꞌna yephatseꞌtnena sosyaꞌtsañ. Ñamha ñapaꞌ atthoña eꞌshowerrnay allowen ñeñth ama pokteyaye. Allochñapaꞌ atthoch poeyochreshaꞌ perrey, ñamha atthoch yapaꞌ yemaꞌyoxhrena ñeñth kowentetsa.

Tito 2:7

Phapaꞌxhoꞌña eꞌñech kowenareꞌ es pephaꞌyes phamha, allochñapaꞌ atthoch entaph acheñeneshaꞌ ñeñth kowen enten Yompor. Ñamha allpon peyxhatenanetpaꞌ eꞌñepaꞌchña paxharr peyxhatenanet, amachña xha moeneꞌ peyellsheñotha peyxhatenaneto atthoch amhchaꞌnaꞌtpoꞌ entoñet Yompor poꞌñoñ.

Tito 3:1

Ñamha oꞌch peyerpacha acheñeneshaꞌ añ pokteꞌ oꞌch ameꞌñeñet ñeñth nenet nanak amhchaꞌtareth, ñamha allowen poꞌpsheññexhno ñeñth amhchaꞌtarethetyetsapaꞌ añ poktetsa oꞌch ameꞌñeñet. Ñamha añepaꞌchña poksheñeshaꞌ xhokma thorraꞌyenet erraꞌtsentheꞌ kowen enten acheñeneshaꞌ.

Tito 3:14

Allochñapaꞌ ñeñth parro yameꞌñena allpaꞌ añ pokteꞌ oꞌch phaꞌyenet ñamet ñeñth ateth kowenteyetsa, ñamha atthoch ñetpaꞌ yenpoeñet ñamha ñeñth nanak es palltetsa. Allochñapaꞌ ñetpaꞌxhoꞌña oꞌch sherbeñet pamoꞌts.

Filemón 1:11

Ña awathpaꞌ ama es asherben peñcheꞌthe allempo petarwasacheꞌth eꞌñe attha. Theꞌñapaꞌ nanakchaꞌ asherben penter eꞌñe ateth atarr asherben nenteñ namha.

Hebreos 10:24

Ñamha añepaꞌchña eꞌñe kowen yeꞌnen atthoch yeyenpannena alloweney allochñapaꞌ atthoch eꞌñe kowen yeyxhen morrentannaꞌteñets ñamha eꞌñech kowen es yeyenpannena.

1 San Pedro 1:21

Yameꞌñeñoth Cristopaꞌ oꞌch yeyemterrñaña Pompor, tharroꞌmar Pomporpaꞌ oꞌ tantater amaꞌt oꞌ rromwa. Tantater atthoch alla eꞌñe kowentater Pompor. Ñeñthoꞌmarña theꞌ yapaꞌ oꞌch yeyemcha Yompor, oꞌch yekwameꞌtoñ ñeñth oꞌpatatenya.