Tito 3:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Tharraña allempoña Yomporpaꞌ eñotatey eꞌñe ña poemoereñothpaꞌ moeneñ oꞌch yenpaꞌy, eꞌñe allempokma yapaꞌ atthothña aꞌkeshphaterrey, ñeñthoꞌmarña Yomporpaꞌ ñeñth Yaꞌkeshphatañer yepen.

Tito 3:4 Iomraidhean Croise

San Lucas 1:47

Nekamkëñowen atarr noksheña Yepapar ñeñth Yaꞌkeshphatañer yepen.

Romanos 2:4

Amapaꞌ sapaꞌ xhatheꞌ sotenapañ Yompor poemoereñoth nanakpaꞌ amach tsaꞌtaterrso tharroꞌmar themeꞌttsen ama erroth penso, attha kowenes. Amaꞌt señoteñe añekopña themeꞌttsen moerensa Yompor atthoch ellopaꞌ oꞌch eꞌñe sokthapeꞌchwerr kowen allowenes.

1 Timoteo 1:1

Masheñe Timoteo ñeñtheph eꞌñe yameꞌñeñoth eꞌñe ateth nenteneph ñerraꞌmrratheꞌ eꞌñe nechemer nepeneph, na Pablon pekellkëneꞌña añ carta ñeñthen Jesucristo poellsensaren, tharroꞌmar ñeñthpaꞌ ateth llesenserren Yompor Parets epoet Poechemer Jesucristo ñeñthchaꞌ nanak yeyemterra. Ñeñthpaꞌ ñeñthara Yompor ñeñth Yaꞌkeshphatañer yepen, ñamha ñeñthara Poechemer Jesucristo ñeñth Yepartseshar yepen. Theꞌpaꞌ eꞌñe newomhchaꞌteñothephpaꞌ oꞌch notaph, Yomporepaꞌchña pebensareꞌtampeneꞌ ñeñth nanak Parets epoet Poechemer Cristo Jesús ñeñth Yepartseshar yepen. Ñetepaꞌchña pemoerenaya. Ñetepaꞌchña phokshateneꞌ eꞌñe pha peyoxhro.

1 Timoteo 2:3

Ñerraꞌm atethña yepenapaꞌ eꞌñech kowen enteney Yompor ñeñth Yaꞌkeshphatañer yepen.

1 Timoteo 4:10

Ñeñthoꞌmarña theꞌpaꞌ amaꞌt eꞌñe yemoeroxhteñothpaꞌ xhokma yethorrena Yomporekop, tharroꞌmar ñapaꞌ ñach yeyemterra eꞌñe poktakma, ñeñth Yompor ñeñth ama arromñatheshayaye, ñamha ñeñthara Yompor ñeñth Yaꞌkeshphatañer yepen alloweney añekop ñeñthey ameꞌñenaya.

2 Timoteo 1:10

Ñeñth wapatsa atthoña theꞌpaꞌ oꞌ yeñoter attho nanak morrentya Pompor. Ñeñthara Poechemer Jesucristo ñeñth Yaꞌkeshphatañer yepen, tharroꞌmar ñach yaꞌkeshphaterreꞌ yerromñoth atthoch elloch yokrraꞌwerra, allempopaꞌ amach alla yaꞌrromñathterreꞌthe. Ñeñthoꞌmarña yoten theꞌña yapaꞌ oꞌ aꞌwañamperrey Cristo attho oꞌpatyeꞌth rromoeñets. Theꞌpaꞌ oꞌ yeñoter tharroꞌmar ateth yexhateney kowen ñoñets ñeñth wetsa Yomporeshoth.

Hebreos 9:26

Tharraña Cristopaꞌ eꞌñe parrochekpa anareth oꞌch pomoerra ñañeña oꞌch rroma atthoch ashatarethta poꞌrras. Tharroꞌmar ñerraꞌm ama attheyeꞌ anaretheñepaꞌ xhokmatheꞌ rromameꞌtañ amaꞌt tharrempotheñ allempotheñ eꞌñe errteꞌ ayexhkatarethtetsa pats. Tharraña ñeñthpaꞌ ama attheyeꞌ pho. Ñapaꞌ añekopña wapa atthoch eꞌñech parrocha amtsarethta alloweney yoꞌchñarekop atthoch ñachña yawanmamperreꞌ yoꞌchñar. Ñeñthoꞌmarña wapa allempowach xherr yeth allempoch mellapoterrmocha.

1 San Pedro 2:3

Sapaꞌ oꞌ señotwerrñañ Yompor poemoereña attho ñapaꞌ nanak moerensa. Ñeñthoꞌmarña añ poktetsa sapaꞌxhoꞌña oꞌch seyeꞌchoña poꞌñoñ.