Tito 3:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Ñamha oꞌch peyerpatanet amach alloꞌna sasareꞌtneñeto amaꞌt poesheñarra, ñamha eꞌñepaꞌchña kowen entannenet, ñamha eꞌñepaꞌch akopha es penet poꞌpsheññekop ñamha eꞌñepaꞌch kowen amoerañtenet allowenakop.

Tito 3:2 Iomraidhean Croise

Los Hechos 23:5

Pabloñapaꞌ anapanetpaꞌ ateth otanet: —Napaꞌ ama, masheñneshachaꞌ, neñoteñe añmapaꞌ ñeñththeꞌ korneshaꞌ ñeñth nanak amhchaꞌtareth. Ñerraꞌm neñoteñeñpaꞌ amach nochñe ateth, tharroꞌmar anareth Yompor poꞌñoño ateth: “Ama asochatseꞌtpawo acheñ ñeñth amhchaꞌtarethtetsa sokop.”

1 Corintios 6:10

Allothpaꞌ ñamha ñeñth etyets ñamha ñeñth atarr es yeꞌchapretyetsa, ñamha ñeñth posaꞌtareꞌtyets, ñeñth ateth phaꞌyetsapaꞌ amach es oꞌpatatarethterreto all amhchaꞌtarethtena Yompor. Allothpaꞌ ñamha ñeñth achmhareꞌtets ñamha ñeñth poerratampesyets ñetpaꞌxhoꞌña amach es oꞌpatatarethterreto all amhchaꞌtarethtena Yompor.

1 Corintios 9:19

Ñamha amaꞌt ama eñalle poesheñarr ñeñthchaꞌ neyechayapaꞌ poꞌñoxhpaꞌ añña nanak nethorratenaya allowen acheñeneshaꞌ tharroꞌmar na ateth moenets. Ñamha tharroꞌmar nethorrena ñokpoet atthoch nameꞌñacha shonteꞌ acheñeneshaꞌ.

2 Corintios 10:1

Ñewa, theꞌpaꞌ na Pablon oꞌch alla nokthapeꞌchaterrserr eꞌñe nemoereñothes atthen ñerraꞌm Cristo ñeñth nanak amoerañtostsa. Poemoereñothey ya ñapaꞌ eꞌñe pokteꞌ eñcheꞌth oꞌch ateth enteñet ñerraꞌm ñapaꞌ ama esosheꞌmayaye. Ñewa, sapaꞌ patantaꞌttsospaꞌ atthach sentenen ama erroth notenso atsrreꞌmoxhen ñerraꞌm esempo alloꞌtsenen sesho. Tharraña ñerraꞌm esempo allapharoꞌtsenen, allempo nekellkënnas cartapaꞌ allempoña sapaꞌ ateth sentenen ñerraꞌmrratheꞌ ama xhoyeꞌ nemhchaꞌtenso amaꞌt eꞌñe mamesha, eꞌñech echeꞌxharr notenes necartoth. Tharraña ñeñthpaꞌ ama attheyaye. Amaꞌt allempo alloꞌtsenen sesho, ñerraꞌm nemneñeñ ateth neꞌñoronasapaꞌ eꞌñetheꞌ echeꞌxharr neꞌñorennasa. Ñeñthoꞌmarña theꞌpaꞌ eꞌñe neyoxhrokmañen oꞌch notas, sokthapeꞌcherr kowen eꞌñe thayekma allochñapaꞌ ñerraꞌm esempoch nexherr seshopaꞌ amach xha seꞌñoratno echeꞌxharr. Tharroꞌmar ñerraꞌm ama sokthapeꞌcherro kowen, poꞌñoxh ñerraꞌm esempo nexherr seshopaꞌ xhach seꞌñoraten echeꞌxharr, ñeñthes noteneꞌ napaꞌ eꞌñoꞌ nañeña nokthaphñoth ateth es nephatseꞌtyen ñeñth ateth phaꞌyena acheñeneshaꞌ arr patsro, ñeñthpaꞌ eꞌñe ñokpoeta sherben. Tharraña napaꞌ ama attheyeꞌ nepeno.

2 Corintios 12:20

Tharroꞌmar eꞌñe nellkëñothes sa noten, ñatoꞌ esempoch nexherr sesho, ñerraꞌm atthera nentyeswerrserr ñeñth ateth sephatseꞌtyena, napaꞌ ñeñthchaꞌña atarr nellkatwerrayerr sesho. Atthoña ñerraꞌm sentapoerren nellkëñeshaꞌ nexherr seshopaꞌ ñeñthchaꞌña sellkateꞌ samha. Ñatoꞌ oꞌch nentwerrserr atthera seꞌmoñeꞌtannena, atthera es seyeꞌchapretannena, atthera saꞌtsrreꞌmareꞌtatannena sañeña atthoch oꞌch saꞌmhchaꞌtarethta; ñatoꞌ atthera sesasareꞌtannaꞌtyena, atthera saꞌmethareꞌtamphsannena, ñamha eꞌñe poesheñaꞌttsos atthera atarr kowen sentena sañeña, ñatoꞌ atthera seꞌmoñeꞌtannaꞌteñothpaꞌ secheꞌxhameꞌtannaꞌtyena.

Gálatas 5:22

Tharraña ñeñth peneꞌ kowen ñeñth ateth yexhateñ Parets Poekamkëñpaꞌ ñeñthpaꞌ atethchaꞌ pena, oꞌch morrentenana pamoꞌts, ñamha eꞌñech koshaꞌwena poeyoxhro Yomporekop, ñamha amach es llekatenaye amaꞌt eꞌñe mamesha, eꞌñech awantaꞌwenan allowen ñeñth echarr entyen. Ñamha ñeñth peneꞌ kowen ñeñth ateth yexhateñ Parets Poekamkëñpaꞌ oꞌch amoerañtena, ñamha oꞌch yenpaꞌyenan pamoꞌtseshaꞌ, ñamha erroth otpaꞌ atethchaꞌxhoꞌ pena.

Gálatas 6:1

Ñamha oꞌch masheñneshachaꞌ ñamha noxhaneshachaꞌ notas, ñerraꞌm esempo señoteñ poꞌpsheñeñ oꞌ phowa ñeñth ama pokteyeꞌ enteno Yomporpaꞌ sa ñeñthes oꞌ kothapeꞌchaterres kowen Yompor Poekamkëñpaꞌ sach alla kothapeꞌchaterrawet kowen atthoch alla tanterret Yomporekop. Tharraña eꞌñe semoereñothpaꞌ eꞌñech akopha sokthapeꞌchatanet kowen. Tharraña sapaꞌxhoꞌña eꞌñech señota, theꞌt sapaꞌxhoꞌña atthekma sepha samha ñerraꞌm esempo topatenes oneñeth oꞌch phatenes ñeñth ama pokteyeꞌ enteno Yompor.

Gálatas 6:10

Ñeñthoꞌmarña theꞌpaꞌ oꞌch notas: Xhokmach yeyenpaꞌyes allowen yamoꞌtseshaꞌ thayepaꞌtña orameñ atthoch yeyenpannaꞌta. Ñamha añña nanak kowen ñerraꞌm xho yeyenpoeñ yamoꞌts ñeñth parro oꞌ yameꞌñera Cristo.

Efesios 4:2

Amaꞌt mameshapaꞌ amach sañeña entatstatso ñeñthesoꞌ atarr nanak sherbets. Eꞌñe semorrentannaꞌteñoth eꞌñech akopha es sephannaꞌtyena. Xhokmoepaꞌch saꞌwantannena ñerraꞌm erroth penes poꞌpsheñeñ, amachña seꞌmoñeꞌtatsche samha. Añchaꞌña eꞌñech kowen semorrentannaꞌtwena allowenes.

Efesios 4:31

Amach atsrreꞌmoxhen sentannaꞌtatsto amaꞌt seyoxhra. Allochñapaꞌ atthoch amach xha saꞌtsrreꞌmareꞌtatanneno, atthochña amach secheꞌxhameꞌtanneno. Ñamha amach sesasareꞌtannaꞌtatsto. Amaꞌt mameshapaꞌ amach seꞌmoñeꞌtannaꞌtatsto.

Filipenses 4:5

Eñotwasepaꞌch allowen acheñeneshaꞌ attho sapaꞌ eꞌñe kowen acheñres, amach xha poꞌpoñ es sentatatsetwenaye, amaꞌt errothenoꞌtsenes. Tharroꞌmar yeñoteñ poꞌñoxhpaꞌ allaꞌtsena Yepartseshar Cristo.

1 Tesalonicenses 2:7

Tharroꞌmar yapaꞌ yemoereñothes sapaꞌ eꞌñe kowen es yorrtatyennas. Eꞌñe ateth yentenes ñerraꞌmrratheꞌ cheshatholleshaꞌ eꞌñech kowen moereña pachor.

1 Timoteo 3:11

Atthekmach ñamha koyaneshaxhnopaꞌ amhchaꞌnaꞌtpoꞌch enteñ allowen acheñeneshaꞌ, ñamha amachña attha nanak poetomañenteneto, ñamha ñeñth nanak maꞌyoxhrenaya ñeñth kowentetsa Yomporekop, ñamha eꞌñech kowen kothapeꞌchenet Partsokop.

1 Timoteo 3:3

Ñamha añchaꞌ seꞌn ñeñth ama posaꞌtareꞌtetso, ñamha ñeñth amach orroñatheyaye. Ñamha añchaꞌña seꞌn ñeñth eꞌñe kowen moerenana pamoꞌts, ñamha ñeñth ama atsrreꞌmñatheyaye, ñamha ñeñth ama nanak yeꞌchapretetso kelle ñeñth apenkoxhenoth oꞌch gana.

Santiago 3:17

Tharraña ñerraꞌm poꞌñoxh Yompor eñotañ yepeneꞌpaꞌ ñeñthpaꞌ atethchaꞌ yepena: Ñanompaꞌ oꞌch yeswanom allowen sosyaꞌtsañexhno ñeñth ama pokteyeꞌ enteno Yompor, ñamha amach alloꞌna atarr atsrreꞌmoxhen yenteno, ñamha eꞌñech kowen yentweñ allowen yamoꞌtseshaꞌ, amachña xha poꞌpoñ yentweno. Ñamha ñerraꞌm poꞌñoxh Yompor eñotañ yepeneꞌpaꞌ xhochña yaꞌmoerañtena, ñamha eꞌñech kowenareꞌ es yorrtatyen yamoꞌtseshakop, ñamha ñerraꞌm errothen yotenpaꞌ eꞌñech poꞌñoxh ateth yepena, amachña xha yeshkareꞌtanneno.

Santiago 4:11

Masheñneshachaꞌ ñamha noxhaneshachaꞌ, amach sesasareꞌtannaꞌtatsto. Tharroꞌmar ñerraꞌm eseshaꞌ sasareꞌteneꞌ pamoꞌts, amapaꞌ ñeñth tompareꞌteneꞌ pamoꞌtspaꞌ poꞌñoxhpaꞌ oꞌ achmhareꞌtan ñamha Yompor poꞌñoñ ñeñth ateth anareth. (Tharroꞌmar Yompor poꞌñoñ ñeñth ateth anarethpaꞌ ateth oten, yemorrentannaꞌtepaꞌch alloweney.) Tharroꞌmar ñetpaꞌ xhach otenapoetañ Yompor poꞌñoñ ñeñth ateth anarethpaꞌ ñatoꞌ amatheꞌ es sherbeno. Tharraña ñerraꞌm esempo ateth yepenapaꞌ xhach yottena ñerraꞌmrratheꞌ yañeña eꞌñe es eñotwets. Tharraña ñeñthpaꞌ ama attheyaye. Añña pokteꞌ xhokmach yameꞌñya Yompor poꞌñoñ ñeñth ateth anwareth.

1 San Pedro 2:1

Theꞌñapaꞌ añ poktetsa oꞌch seswanem allowen ñeñth ama kowenayeꞌ enteno Yompor. Attho ora allpon allo seshkannaꞌtenapaꞌ oꞌch sekexhpaꞌwer. Añ shekanneñets ñeñth atthoch entenes poꞌpsheñeñ eꞌñe kowenpaꞌ ñeñthpaꞌxhoꞌña añ palltetsa theꞌpaꞌ oꞌch sekexhpaꞌwer. Attho seyeꞌchapretannenapaꞌxhoꞌña oꞌch sepoeswer ñamha. Sasareꞌteñetspaꞌxhoꞌña oꞌch sepoeswer.

1 San Pedro 3:10

Tharroꞌmar ateth oteney Yompor poꞌñoñ: Ñerraꞌm yemneñ oꞌch yeyxha eꞌñe kowen, ñamha ñerraꞌm yemneñ oꞌch yoksherrapaꞌ ñeñthpaꞌ añ poktetsa, amach yesasareꞌtatsto, ñamha añ poktetsa, amach yeshkareꞌtatsto.

1 San Pedro 3:8

Theꞌñapaꞌ oꞌch notas allowenes. Añ poktetsa oꞌch sokthapeꞌcherr eꞌñe pathrra ñeñth amoerañtetsa. Ñamha oꞌch sellkapretannaꞌta ñerraꞌm esempo es sellkatyeneꞌ. Ñamha eꞌñech kowen yemorrentannaꞌta alloweney ñeñthey ameꞌñetsa, ñamha eꞌñech kowen yemoerannaꞌta. Oꞌch es yentaprech poꞌpsheñeñ eꞌñe kowen, amachña yañeña eꞌñe kowen entatstatso.

1 San Pedro 4:4

Ñeñth peyemteꞌth awath ñeñth epaph phorrareꞌteꞌthpaꞌ theꞌñapaꞌ amach xhapaneto poeyoxhro esoꞌmartheꞌ oꞌwañ phorrareꞌtapretanet. Atthoña ñetpaꞌ moeneñetchaꞌ oꞌch achmhareꞌtaset.

2 San Pedro 2:10

Poꞌñoxhpaꞌ koñchatanchaꞌ ñeñth aña maꞌyoxhrenaya ñeñth attha moenatseꞌtyets eꞌñe poꞌchtsoth, attho nanakchaꞌ sosyareꞌ yexhaꞌyenet, añach eꞌñe yomenet ñeñth eꞌñe ñet pokthaphñet. Ñeñthoꞌmarña amaꞌt Yepartsesharpaꞌ ama amhchaꞌnaꞌtpawoyeꞌ enteñeto, atthoña amaꞌt ñamha allowen ñeñth awamenkathetyetsapaꞌxhoꞌña eꞌñe achmhareꞌtweñet. Amach amhchaꞌnaꞌtpawoyeꞌ enteñeto.

San Judas 1:10

Tharraña ñeñthña ashkañneshaꞌ ñeñth orretyetsa theꞌpaꞌ ñetñapaꞌ xhokma achmhareꞌteñet amaꞌt ñeñth atarr awamenkatheshaꞌ tharroꞌmar ñetpaꞌ ama eñoteññañeto poꞌwamenk. Añach eꞌñe patherr eñotenet ñeñth eꞌñe patsoꞌmarekpa. Ñetpaꞌ eꞌñe ateth penet ñerraꞌmrratheꞌ berr ñeñth añach phaꞌyen ñeñth ateth moenatyenanet poꞌchets, ama es kothapeꞌchpenayeña oꞌch eñotet erraꞌtsentheꞌña ñeñth poꞌñoxh kowentetsa. Ñeñthoꞌmarña ñetpaꞌ aꞌchenkataterretchaꞌ eꞌñe ñañeñeta.

San Judas 1:8

Eꞌñe atthekma phatseꞌtyena ñamha ashkañneshaꞌ ñeñth orretyetsa theꞌ. Ñamha ñetpaꞌ poꞌpoñontha es kothapeꞌchyenet ñeñth ama poꞌñoxh attheyaye. Atthoña ñetpaꞌ aꞌsosyatenet poꞌchets eꞌñe ñañeñeta. Ñeñthoꞌmarña amaꞌt Yepartsesharpaꞌ ama amhchaꞌnaꞌtpawoyeꞌ enteñeto, atthoña amaꞌt ñamha allowen ñeñth awamenkathetyetsapaꞌxhoꞌña eꞌñe achmhareꞌtweñet.