Tito 3:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Ñewa, oꞌch noterrperr poꞌpoñ. Ñerraꞌm esempoch xhap pesho masheñ Artemas amapaꞌ masheñ Tíquico ñeñthchaꞌ nemña peshopaꞌ ñerraꞌm errothenothpaꞌ xhokmatheꞌ phon, oꞌch pexhap Nicópoliso, tharroꞌmar napaꞌ nokthapeꞌcheñ ñatoꞌ allchaꞌ necharaꞌperra.

Tito 3:12 Iomraidhean Croise

Los Hechos 20:4

Allempoña awerr Macedoniopaꞌ allpon acheñ oꞌ kotheret. Ñeñthpaꞌ ñeñthara añexhno: Sópater ñeñth bereoꞌmarneshaꞌ, allothpaꞌ ñamha Aristarco ñamha Segundo ñeñth tesalónicoꞌmarneshaꞌ, allothpaꞌ ñamha Gayo ñeñth derbhoꞌmarneshaꞌ, allothpaꞌ ñamha Timoteo, ñamha alloꞌtsen Tíquico ñamha Trófimo ñeñth asioꞌmarneshaꞌ. Allpon acheñ kotherreꞌ.

1 Corintios 16:6

Añ atarr nemnen ñerraꞌm Yompor moenatspaꞌ allatheꞌ naꞌllponmat sesho, ñatoꞌ allatheꞌ necharaꞌpena. Tharroꞌmar napaꞌ ama nemno oꞌch attha nepomoetnom sesho, añña napaꞌ nemneñ ñerraꞌm Yompor moenatspaꞌ allatheꞌ natomat. Ñamha ñatoꞌ eꞌñe allothpaꞌ oꞌtheꞌ sanemyesen errachxhoꞌ neshecha allempo.

Efesios 6:21

Theꞌñapaꞌ oꞌch notas, oꞌch nemñonas masheñ Tíquico ñeñth atarr nemorrentena. Ñapaꞌxhoꞌña xhokma atarr kowen thorrena Yepartsesharekop. Ñapaꞌ ñeñthoꞌmarña oꞌ nemñe sesho allochñapaꞌ ñach señotatwerreꞌ ñeñth ateth yepena ya arr. Atthochña atarr koshatwerres seyoxhro.

Colosenses 4:7

Ñamha theꞌpaꞌ oꞌch notas, masheñ Tíquico ñach señotatenayaꞌ allowen ñeñth ateth nepena na arr. Ñapaꞌ atarr yemoerannena, ñapaꞌ xhokma eꞌñe kowen yenpoenen attho yethorrena Yepartsesharekop.

2 Timoteo 4:12

Masheñ Tíquicopaꞌ oꞌ nemñe aꞌyo anetso Efeso.

2 Timoteo 4:21

Ñamha phapaꞌ ñerraꞌm errothenothpaꞌ xhokmatheꞌ pewapa allempo ama wapoenaꞌ. Ñamha añ necartothpaꞌ moeneñ oꞌch womhchaꞌtaph masheñ Eubulo, ñamha Pudente, allothpaꞌ ñamha Lino, ñamha noxh Claudia ñamha allowen masheñneshaxhno ñeñthey ameꞌñetsa arr Romo.

2 Timoteo 4:9

Theꞌpaꞌ oꞌch notaph ñamha ñerraꞌm errothenothpaꞌ oꞌtheꞌ phon arr thayekma.