Tito 3:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Tharroꞌmar ñeñth ateth acheñpaꞌ yeñoteñ ñeñthpaꞌ poꞌchñarothchaꞌ nanak es panten. Amaꞌt ñapaꞌ eñoteñeñ ñeñth ateth pena ñeñthpaꞌ ochñaꞌteñets.

Tito 3:11 Iomraidhean Croise

San Lucas 19:22

Pamoꞌmteꞌñapaꞌ ateth otwer: “Phaña poꞌñoxhpaꞌ amakaꞌye kowenayeꞌ pesherbenno amaꞌt eꞌñe mamesha. Eꞌñe ateth photenen napaꞌ atarroꞌ atsrreꞌmñathen theꞌñapaꞌ poꞌñoxh atethchaꞌkaꞌye natsrreꞌmoxhtanaꞌtwerrephchaꞌ. Ñerraꞌm poꞌñoxh peñotennoñ napaꞌ atarr atsrreꞌmñatheneñ, ñerraꞌm poꞌñoxh xhokma neprratampesyeneñ ñeñth ama noyaye, ñamha napaꞌ ñerraꞌm poꞌñoxh xhokma nethotatyeneñ ñeñth ama nayeꞌ nareꞌtatyenaye,

San Lucas 7:30

Tharraña fariseoneshaꞌ epoet ñamha ñeñth atarr etsotayenayeñ ñoñets ñeñth ateth anareth judioneshakop, ñetñapaꞌ amaꞌt eꞌñe mamesha ama pokteyeꞌ enteñeto ñeñth ateth moenen Yompor ñokpoet, ñeñthoꞌmarña ñetpaꞌ ama apataneto Juan Yomporekop allempo. Partseshaꞌñapaꞌ ateth oterraneterr:

San Juan 3:18

‘Erraꞌtsenchaꞌ ameꞌñerraya ña ñetñapaꞌ amach amñarethterreto koñcheñtso. Tharraña ñeñthchaꞌ ama ameꞌñerrayo ñokpoetñapaꞌ anarethtet atthoch amñarethterret koñcheñtso tharroꞌmar ñetpaꞌ ama ameꞌñoñeto Yompor Poechemer ñeñth poꞌpathrror pen.

Los Hechos 13:46

Tharraña ama mechaꞌto Pablo ñamha Bernabé. Oꞌ serrpareꞌtet womenk, ateth otet: —Añ poktetsa oꞌch yeserrpareꞌtatas sanom Yompor poꞌñoñ, tharroꞌmar sapaꞌ judioneshas. Tharraña ñerraꞌm sapaꞌ ama semno, ñerraꞌm ama pokteyeꞌ señche atthoch sapaꞌ korretsasach eꞌñe thayotheñ errponañowen, amach erroth yephaso. Theꞌpaꞌ añach yeserrpareꞌtat ñeñth ama judioneshayaye.

Los Hechos 15:24

Oꞌch yotas, yapaꞌ oꞌ yeꞌmareꞌch oꞌ xhap sesho poesheñaꞌtets acheñ arroth ñeñth moenets oꞌch aꞌmñechatasa. Ñetñapaꞌ oꞌ nanak moññeꞌtatasa sokthaphña. Tharraña theꞌñapaꞌ oꞌch yotas, añ acheñpaꞌ ama yayeꞌ moeñenaye.

Los Hechos 23:25

Allothpaꞌ kellkan ñamha carta ñeñthpaꞌ ateth ot:

Romanos 3:19

Ñamha yapaꞌ yeñoteñ ñeñth ateth otyen Yompor poꞌñoñ ñeñth akellkaꞌwareth awathotheñpaꞌ añekopña oten ñeñth echeneꞌ poꞌñoñ, amaña añekpayaye ñeñth ama echayeꞌthe poꞌñoñ allempo. (Ateth ñerraꞌm judioneshaꞌpaꞌ amaꞌt awathotheñ echeññañet Yompor poꞌñoñ, ñeñthara ñoñets ñeñth oꞌ notwanmas ñorraꞌ arr.) Ñeñthoꞌmarña amaꞌt poesheñarrothesa sa amaꞌt ñeñthes judioneshaspaꞌ amatheꞌ errothenoth soto, sapaꞌ eꞌñoꞌ kowen entenes Yompor. Atthoña yeñoteñ amaꞌt alloweney ñeñthey korretsa añe patsropaꞌ ama pokteyeꞌ entenye Yompor ñeñth ateth yephaꞌyena.

2 Timoteo 2:14

Oꞌch alla noterrperr poꞌpoñ: Xhokmach peyerpacha acheñeneshaꞌ ñeñth ateth oꞌ notwaph, ñamha oꞌch photanet eꞌñe Yompor poꞌwamenkoth amach alloꞌna otnareꞌtannaꞌtyesneneto eꞌñe ñañeñeta pokthaphñoꞌmaret. Tharroꞌmar attho es otnareꞌtannaꞌtyenetpaꞌ amaꞌt mameshapaꞌ ama es sherbeno. Ñerraꞌm atthach penetpaꞌ attheñapaꞌ oꞌch alla poerrwerra allowen acheñeneshaꞌ ñeñth eꞌmhñotenawet.

Tito 1:11

Ñeñthoꞌmarña añ palltetsa oꞌwañchaꞌ yexhatyenet poꞌpoñeꞌttsokma kothaphñats. Tharroꞌmar ñetpaꞌ attha nanak moññeꞌtateñet acheñeneshaꞌ pokthaphña; ama poesheñaꞌttsayaya ateth petso amaꞌt allowen ñeñth parro yexhaꞌyenet. Ñetpaꞌxhoꞌña aña yexhatenet ñeñth ama pokteyaye. Ñamha añekpa yexhatenet atthoch ganet kelle, tharraña ñeñthpaꞌ apenkoxhena.

Tito 1:14

ñamha allochñapaꞌ amach alloꞌna eꞌmhñotneññañeto ñeñth poeserrparña peꞌth awathnaneshañ judioneshaꞌ, ñamha allochñapaꞌ amach alloꞌna eꞌmhñotneñe acheñeneshaꞌ ñeñth ateth yexhatyenanet ñeñthchaꞌ ateth pet, tharroꞌmar ñetpaꞌ xhach athpareꞌtenet ñoñets ñeñth eꞌñe poꞌñoxh Yompor poꞌñoñ.

Hebreos 10:26

Tharroꞌmar ñerraꞌm oꞌ yeñoter poꞌñoxh Cristo rromats yokop atthoch aꞌkeshphaterrey ñamha ñerraꞌm ñeñthoꞌ yameꞌñerra tharraña ñerraꞌm alloꞌna yesen ochñaꞌtareꞌtnomoets eꞌñe ya yemneññothpaꞌ allempopaꞌ amach eñalleña ñeñthchaꞌ rromoerrtserr poꞌpocheño ñeñthchaꞌ yetsaꞌterroyerr ello yoꞌchñar.