Tito 3:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Ñamha ñerraꞌm eseshaꞌ ñeñth moenets oꞌch attha eꞌmoñeꞌtatyesan acheñeneshaꞌpaꞌ ñeñthpaꞌ atethchaꞌ pepeꞌ, oꞌch peñotach atethpaꞌ ama aphapawo. Ñerraꞌm ama wenano ñeñth ateth penapaꞌ ñatoꞌ oꞌch alla photererr poꞌpocheño. Ñerraꞌm allempoña ama wenererropaꞌ añ pokteꞌ oꞌch saꞌypoꞌñeꞌ.

Tito 3:10 Iomraidhean Croise

Romanos 16:17

Oꞌch, masheñneshachaꞌ ñamha noxhaneshachaꞌ, noterrserr poꞌpoñ añ necartoth. Señotchaꞌ añ acheñeneshar ñeñth moeneneꞌ oꞌch ellopaꞌtetstatonaset sokthaphña ñeñth attho sameꞌñeña Cristo, tharroꞌmar ñetpaꞌ moeneñet oꞌch kothapeꞌchataset ñeñth ama attheyaye ñeñth ateth oꞌ yeyxhatwas. Ñeñth acheñer atethpaꞌ oꞌch selloꞌtsentach seshoth, amach seyemtatstaneto ñeñth ateth yexhatenet.

1 Corintios 11:19

Poꞌñoxh ñeñthey ameꞌñetsapaꞌ xhokmach eñall ñeñthchaꞌ ama paxharroyeꞌ ameꞌñatso, ñeñthoꞌmarña ya allempopaꞌ oꞌch yeñoch ñeñth eꞌñe paxharr kothapeꞌchets, ñamha oꞌch yeñoch ñeñthchaꞌ ama paxharroyeꞌ kothapeꞌchatso.

2 Corintios 13:2

Awañmoꞌcha allempo poepocheño nexherr sesho, ñeñth atthera phatseꞌtyetsa ñeñth ama pokteyaye, napaꞌ oꞌ notwanet allempo ñeñthchaꞌ ateth apharethtet ñerraꞌm attheretach. Ñewa, theꞌpaꞌ necartothpaꞌ oꞌch alla noterraneterr ñet, amaꞌt eꞌñe allowenes oꞌch notas, ñerraꞌm esempo nexherrerr poꞌpocheñopaꞌ oꞌch neꞌñotareꞌtwerres allowenes ñeñthes atthera phatseꞌtyetsa.

Gálatas 5:12

Napaꞌ atarr nemneñ ñeñth xhokma semoññeꞌtateneꞌpaꞌ oꞌtheꞌ alla kexhpaꞌnerres.

Gálatas 5:20

Ñamha ñeñth poꞌyomporer phaꞌyeneꞌ poꞌpoñexhno ñeñth ama poꞌñoxh Yomporeyaye, ñamha ateth pena achyoꞌtañexhno, amapaꞌ ñeñth ateth pena paꞌllerrnaneshaꞌ ñamha ñeñth ateth pena amaseꞌñeth. Ñamha poꞌpoñ ñeñth ateth moenatseꞌtyen yechetspaꞌ ñeñthpaꞌ ateth ñerraꞌmrratheꞌ eꞌmoñeꞌtannaꞌteñets, ñamha orroteñets, ñamha yeꞌchapretannaꞌteñets, ñamha atsrreꞌmareꞌteñets, ñamha moparrñats, ñamha elloptanneñets attho amach eꞌñe amoꞌtstanneneto, ñamha ateth pena ñeñth kothapeꞌchyeneꞌ poꞌpoñ kothaphñats ñeñth ama poꞌñoxhoyaye.

2 Tesalonicenses 3:14

Ñerraꞌm eseshaꞌch ama eꞌmhñotaye ateth yotenes añ yecartoth, ñeñthña acheñerpaꞌ oꞌch seꞌñotorrtach ñapaꞌ xhokma ateth pena. Sañapaꞌ ñatoꞌtña seyemteñaꞌña ñeñth ateth petsa, allochñapaꞌ atthothchaꞌ penkërra.

2 Tesalonicenses 3:6

Theꞌñapaꞌ, masheñneshachaꞌ, oꞌch notas eꞌñe Yaꞌmhchaꞌtarether Jesucristo paꞌsoꞌchño, sapaꞌ ñatoꞌt seyemteñaꞌña ñeñth atarr kellañets ñeñth amach moeno tarwasaꞌ. Ñeñth ateth petsapaꞌ ama moeno oꞌch ameꞌñanaña ñeñth ateth yeyxhatenes.

2 Timoteo 3:5

Ñamha allempopaꞌ amaꞌtchaꞌ ottenetañ ñerraꞌmrratheꞌ ameꞌñenetpaꞌ, tharraña amach poꞌñoxhayeꞌ ameꞌñeneto. Tharroꞌmar ñetpaꞌ amach poꞌñoxhayeꞌ moeneñeto oꞌch xhapanet poeyoxhro ñeñth kowentetsa Yomporekop atthoch womenk phaꞌnmoet poeyoxher eꞌñe poꞌñoxh. Ñeñth ateth acheñpaꞌ amach pekwaꞌphsatsche.

2 San Pedro 2:1

Theꞌpaꞌ oꞌch notas ñamha poꞌpoñ. Awathpaꞌ orrteꞌth ashkañ ñeñth ama Yomporeyeꞌ poꞌñoñ orrtateteꞌthe, ñeñthpaꞌ attha shekaneꞌth israelenaꞌtarneshaꞌ. Sapaꞌxhoꞌña atthekmach orrtonasa ñeñth amach Yomporeyeꞌ poꞌñoñ aꞌpotheno. Eꞌñe aꞌnawapaꞌ oꞌch yexhatas poꞌpoñ pokthaphña. Tharroꞌmarchaꞌ ñetpaꞌ ateth pet atthothchaꞌ aꞌchenkatatwerres. Oꞌch aꞌnasotamphsasa attho Yepartseshar Cristopaꞌ ñeñthña tsaꞌterroyaña yoꞌchñar. Tharraña ñetpaꞌ machayothach aꞌchenkatatwerret ñañeñeta.

2 San Juan 1:10

Ñerraꞌm eseshaꞌch wapatsa sesho ñapaꞌ atethchaꞌ otos ñapaꞌxhoꞌ añoꞌ yexhaten Yompor poꞌñoñ tharraña ñapaꞌ ñerraꞌm ama attheyeꞌ yexhateno ateth yexhaten Cristopaꞌ ñewa, amach sagapatsche sepakllo. Amaꞌt sewomhchaꞌteñothapaꞌ amach sotatsche, “Yomporeꞌt phaꞌnatenaya.”