Tito 2:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ Atthekmach peyxhach ñamha yakmaneshaꞌ ñeñth wepaneshameñ atthoch ñetpaꞌxhoꞌña oꞌch eñochet ñeñthchaꞌ ateth phaꞌyeset ñeñth poktetsa.

Tito 2:6 Iomraidhean Croise

1 Tesalonicenses 5:6

Ñeñthoꞌmarña oꞌch notas: Yapaꞌ amach xha yekhllatsto Yomporekop, tharroꞌmar ñerraꞌm ateth yephapaꞌ xhach yottena ñerraꞌm xha yemoen Yomporekop ateth pena poꞌpotantañ ñeñth attha es poexhaꞌyetsa. Yapaꞌ amachña xha yemanrraꞌtatsto xhochña eꞌñe yeñotena atthochña yeñoseꞌreꞌtyeswena.

1 Timoteo 5:1

Masheñe Timoteo, theꞌpaꞌ oꞌch noterrperr poꞌpoñ. Amach pecheꞌptareꞌtatsche ñeñth poꞌnareꞌ yakma ñerraꞌm esempo pantenet. Elloña xhochña phokthapeꞌchaterranet kowen eꞌñe akopha. Atethchaꞌ pentanet ñerraꞌmrratheꞌ eꞌñe phompor pepenanet. Añña allowen weparneshaxhnopaꞌ atethchaꞌ pentanet ñerraꞌmrratheꞌ eꞌñe pemoꞌnasheñ pepenanet poktakma.

1 San Pedro 5:5

Ñeñthes wepaneshas, theꞌpaꞌ napaꞌ oꞌch notas samha. Añ poktetsa oꞌch sameꞌñeña ñeñth poꞌn yakma ñeñth sompor sepen. Poꞌñoxh oꞌch notas allowenes, eꞌñech kowen sameꞌñannena amach sañeña eꞌñe kowen entatstatso tharroꞌmar: Yomporpaꞌ ama pokteyeꞌ entenano ñeñth ateth ommoꞌchetsa. Añña ñeñth ama esoyeꞌ entetso ñeñthña atarr moerenaña Yompor.

1 San Juan 2:13

Ñamha theꞌpaꞌ oꞌch notas samha allowenes ñeñthes eꞌñe pomporneshaꞌ penset. Sa theꞌpaꞌ oꞌ señoter Cristo ñeñth eꞌñe awathotheñ eñall amaꞌt eꞌñe allempotheñ ama ayexhkatarethtenaꞌ pats; ñeñthoꞌmarña theꞌpaꞌ ateth nekellkënnas samha. Ñamha theꞌpaꞌ oꞌch notas samha allowenes ñeñthes wepoeshares, sapaꞌ oꞌ eꞌñe sathpareꞌter oneñeth; ñeñthoꞌmarña sokop theꞌpaꞌ ateth nekellkënnas samha. Ñamha sa nechemerneshachaꞌ theꞌ sapaꞌ oꞌ eꞌñe señoter ateth penaña Yompor Parets; ñeñthoꞌmarña theꞌpaꞌ ateth nekellkënnas eꞌñe sokop.