Tito 2:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Ñamha ñeñth ama kowen enteno Yomporpaꞌ añ pokteꞌ oꞌch yaꞌypoꞌñaꞌwer, ñamha ñeñth allpon yemnatseꞌtyen arr patsropaꞌ añ pokteꞌ ñamha oꞌch yaꞌypoꞌñaꞌwer, tharroꞌmar poemorrenteñoth Yomporpaꞌ ñeñthoꞌmar yexhatey ateth. Añña pokteꞌ amaꞌt añe patsropaꞌ oꞌch yepena ñeñth kowentetsa, ñamha oꞌch yepena ñeñth ateth pokteꞌ enten Yompor, ñamha ñeñth ateth moenen oꞌch yetsotoñ.

Tito 2:12 Iomraidhean Croise

San Mateo 12:32

Ñamha ñerraꞌm eseshaꞌ nesaseneꞌ na Ñeñthen Acheñetosets ñeñthpaꞌ aphretnaꞌpoꞌ nenteñ. Tharraña ñerraꞌm eseshaꞌ añ achmhareꞌteññañet Parets Poekamkëñ ñeñthñapaꞌ amakaꞌye aphretnaꞌpawoyeꞌ nenteñe. Ñeñthpaꞌ amach aphretnaꞌpawoterro eꞌñe thayotheñ errponowañen.

San Mateo 16:24

Allempoña Jesúspaꞌ ateth otan poeyochreshaꞌ: —Ñerraꞌm eseshaꞌ moeneneꞌ oꞌch kotherrnet na eꞌñe poꞌñoxh atthoch neyochreshaꞌ neperranet, añ poktetsa sewanmoetepaꞌña ñeñth ateth moenenet eꞌñe ñokpoeta. Atthochña ñetpaꞌ oꞌch eꞌñe tomaꞌnteret ñeñth chechneneꞌ poꞌkorsoch allchaꞌ moeroxhtet ñamet. Atthochña kotherrnet eꞌñe poꞌñoxh.

San Mateo 28:20

Ñamha xhokmach oꞌch eꞌñe seyxhatyesanet allochñapaꞌ atthoch eꞌñe kowen ameꞌñerrnanet eꞌñe ora ñeñth allpon oꞌ notwas. Ñamha señochepaꞌch napaꞌ eꞌñe patheꞌtets yeth xhokmach alloꞌtseney parro atthoch xhokma nebensareꞌtampenes amaꞌt tharrempowach esempowañen allempoch mellapoterra. Ñeñthpaꞌ atthetepaꞌch Nompore. Allowa.

San Lucas 1:6

Ñetña epsheñoꞌmaretpaꞌ Yomporñapaꞌ eꞌñe pokteꞌ entenanet ñeñth ateth penet ñet, eꞌñe kowen etsotweññañet ora poꞌñoñ ñeñth ateth anareth awathotheñ acheñeneshakop ñeñthchaꞌ ateth phowenet. Ñeñthoꞌmarña amaꞌt poesheñarrapaꞌ amach errothenoth otarethteto, “ama pokteyaye ñeñth ateth sepena.”

San Lucas 1:75

Atthoch yetsotoñ ñeñth eꞌñe pokteꞌ enten Parets allochñapaꞌ atthochña pokteꞌ enteney ñamha acheñeneshaꞌ attho eꞌñe kowen es yephaꞌyen eꞌñech tharrempowa esempowach yokrrena arr patsro.

San Juan 14:30

‘Theꞌ eꞌñe parroꞌtseneypaꞌ oꞌwañchaꞌ alloꞌna neñosnen shonteꞌ tharroꞌmar oꞌ wapmocha oneñeth ñeñth paꞌmhchaꞌtarether pen acheñeneshaꞌ arr patsro. Tharraña amaꞌt oꞌ wapañpaꞌ eꞌñe ñothapaꞌ amach erroth phosno.

San Juan 6:25

Allempoña entoset yomhtaꞌnpaꞌ ateth otoset: —Maestro, ¿esempoꞌtña pexherrña pha arrma?

Los Hechos 24:16

Ñeñthoꞌmarña napaꞌ xhokma nemaꞌyoxhrena atthoch Yomporpaꞌ enten eꞌñe kowen, ñamha atthoch acheñeneshaꞌpaꞌxhoꞌña oꞌch entennet eꞌñe kowen ñamet.

Los Hechos 24:25

Allempoña xhap Pablopaꞌ oꞌ serrpareꞌtatanet kowen ñeñth ateth yepena ya ñeñthey ameꞌñetsa. Ñamha ateth otanet añchaꞌ yemaꞌyoxhra atthoch eꞌñe pokteꞌ es yephaꞌyen, ñamha amach yephatsto ñeñth ama kowenayaye tharroꞌmar Yomporpaꞌ tsaꞌtatwerryach allempoch akrerran allowen acheñeneshaꞌ. Ñeñtha otwa Pablopaꞌ añña Félixpaꞌ xha yoren. Allempopaꞌ alla oter: —Theꞌpaꞌ orrerreph, esempochña eꞌñe poktaꞌwerrnanerrpaꞌ oꞌch alla nexhoreꞌtaterrperr.

Romanos 12:2

Allochñapaꞌ amach alloꞌna ateth es yephatseꞌtyesneno ñeñth ateth yeyxhen ya añe patsro, ellochña yokthapeꞌcherr etserra atthoch etserrataterrnay Yompor yokthaphña. Atthochña eꞌñe kowen señoch erraꞌtsentheꞌña moenen Yompor ñeñth eꞌñe kowen enten ña, ñamha ñeñthchaꞌña koshateneꞌ eꞌñe poktakma.

Romanos 6:12

Ñeñthoꞌmarña theꞌpaꞌ oꞌch notas, amach semnatatsche soꞌchñarpaꞌ oꞌch alla tarwasaterrnaserr saꞌrromñathechets. Allochñapaꞌ amach alloꞌna sephatseꞌtyesneno ñeñth ateth moenatseꞌtatyenes sechets.

Romanos 6:19

Ñewa, Yompor pokthaphñothpaꞌ ateth netmaꞌntatensa attho yokrrena acheñey arr patsro allochñapaꞌ kowenchaꞌ xhaponasa seyoxhro Yompor pokthaphña. Ñeñth notenes poꞌñoxhpaꞌ ñeñthpaꞌ ateth sepeꞌth awath eꞌñe pokteꞌ senteꞌth eꞌñe ora sechtsowen alloꞌna seteꞌth phatseꞌtnomoeꞌ sosyaꞌtsañ ñeñth ama kowenayeꞌ enteno Yompor. Theꞌpaꞌxhoꞌña atthekmoepaꞌch eꞌñe pokteꞌ senteñ ora sechtsowen oꞌch sepomoerra Yomporekop, allochñapaꞌ atthoch saꞌkowentatarethterra eꞌñe kowen Partsokop ñeñth eꞌñe ateth moenen ña.

Romanos 8:13

Tharroꞌmar ñerraꞌm alloꞌna yokrraꞌnena ñeñth ateth kothapeꞌchateney yechetspaꞌ ñerraꞌm yerromapaꞌ yechenkaꞌwerrach yoꞌchñaroth, tharraña ñerraꞌm Parets Poekamkëñoth oꞌch yaꞌypoꞌñerr ñeñth ateth phatseꞌtateney yechetspaꞌ yañapaꞌ korretsayach.

2 Corintios 1:12

Ñewa, theꞌpaꞌ oꞌch notas poꞌpoñ ñeñth ateth nokthapeꞌchen. Napaꞌ ñeñthña atarr nokshateneꞌ nanak. Napaꞌ neñotena neyoxhro poꞌñoxh arr patsropaꞌ xhokma nokthapeꞌchen ñeñth ateth pokteꞌ enten Parets. Eꞌñe nameꞌñeñoth Yompor, napaꞌ ama nemno oꞌch eseshaꞌ neshkaꞌyes amaꞌt mamesha. Elloña sapaꞌ ama nemno oꞌch neshkas amaꞌt eꞌñe mamesha. Ama aña neyemteno ñeñth ateth yokthapeꞌchen ya acheñey arr patsro, añchaꞌña neyemteñoth Yompor atthoch ñach neyenpoeneꞌ. Eꞌñe poemoereñoth ñachña neñotateneꞌ ñeñth kowen enten ña.

2 Corintios 7:1

Ñewa, eꞌñe nemorrenteñothes, masheñneshachaꞌ ñamha noxhaneshachaꞌ oꞌ notwas ateth oteney Yompor ñeñthchaꞌ ateth perrnay. Ñeñthoꞌmarña theꞌpaꞌ añ poktetsa yokop yapaꞌ oꞌch yeswanem ora allowen ñeñth xhokma aꞌsosyateneꞌ yechets ñamha ñeñth xhokma aꞌsosyateneꞌ amaꞌt yekamkëñ. Añña eꞌñe yemhchaꞌnaꞌteñoth Yomporpaꞌ añchaꞌña yemaꞌyoxhrena ñeñth pokteꞌ enten ña.

Gálatas 1:4

Ñeñthara Jesucristo ñeñth eꞌñe pokteꞌ enteꞌ oꞌch rroma yoꞌchñarekop atthochña yapaꞌ kowenoꞌtseneychaꞌ amaꞌt añ patsropaꞌ sosyaꞌtsañoꞌtsenya, tharroꞌmar ñeñthpaꞌ ateth pokteꞌ eñch Pompor ñeñthara Yompor ñeñth nanak Parets.

Gálatas 5:24

Ñamha ñeñth poꞌñoxh oꞌ poeyochreshaꞌ perr Cristo Jesúspaꞌ oꞌ wenerran ñeñth ateth moenatseꞌtyen yechets ñeñth attho es yeyeꞌchyena ya acheñey. Ñeñthpaꞌ eꞌñech ateth yentena ñerraꞌm akorsoꞌtamphsarethey.

Efesios 1:4

Ateth awath paꞌmothrotheñ allempo ama ayexhkatarethtenaꞌ añe patserpaꞌ Yomporñapaꞌ allempotheñña akramperrey parro epay Poechemer Cristo atthoch yapaꞌ aꞌparrokmataterreychaꞌ epay Poechemer. Tharroꞌmar añekop akramperrey Poechemereshoth allochña yapaꞌ añach eꞌñe yemaꞌyoxhrena ñeñth kowentetsa Partsokop. Allochñapaꞌ atthochña eꞌñe pokteꞌ entweney Yompor, amach eñalle atthoch otteñeꞌcherrey amaꞌt eꞌñe mamesha.

Efesios 2:2

Aña seyxheꞌth ñeñth ateth phatseꞌtyena acheñeneshaꞌ arr patsro ñeñth ama ameꞌñetso. Allempo sapaꞌ aña sameꞌñatayeꞌth oneñeth ñeñth paꞌmhchaꞌtarether pen allowen ñeñth errakmañen amhchaꞌnoxhetyetsa entoth ñeñth ama entpawoyaye. Ñeñthña oneñeth pokthaphñapaꞌ ñeñth atarr koshateneꞌ allowen acheñeneshaꞌ ñeñth athparñathtetsa theꞌ arr patsro.

Colosenses 1:22

Tharraña theꞌña Yomporpaꞌ oꞌ eꞌñe parrokmataterres eꞌñe ñesho. Ñewa, allempo amoeroxhtatarethta Cristo eꞌñe ña poꞌchtso attho rroma, ñeñthpaꞌ atthochña eꞌñe parrokmataterres samha. Oꞌ eꞌñe parrokmataterres atthothña sapaꞌxhoꞌña oꞌ saꞌkowentatarethterra Partsokop, ñamha atthoch amach saꞌthanmarethterro, amach eñalle atthoch sotteñeꞌcharethterra. Theꞌpaꞌ atethkaꞌye enterresña Yompor.

1 Tesalonicenses 4:7

Yomporpaꞌ ama añekpayeꞌ xhoreꞌtenye oꞌch aña ateth yephaꞌyes ñeñth atarr sosey, añekopña xhoreꞌteney oꞌch eꞌñe yaꞌkowentatarethterra ñokop.

1 Tesalonicenses 4:9

Attho semorrenteña allowen masheñneshaxhnopaꞌ theꞌña sapaꞌ ama sepallteno oꞌch alla noterrserr necartoth, sapaꞌ oꞌ eñotaterres Yompor atthoch semorrentannerra allowenes.

1 Timoteo 4:12

Ñamha xhokmach phorrta eꞌñe kowen acheñeneshakop, atthoch ñetpaꞌ eꞌmhñotapet amaꞌt phapaꞌ nanak wepoeshaph. Ñamha xhokmach phorrta kowen amaꞌt ateth peꞌñorena, ñamha amaꞌt allempo es pephaꞌyen. Ñamha xhokmach pemoereña acheñeneshaꞌ, ñamha xhokmach phameꞌñya eꞌñe kowen Yompor, ñamha amaꞌt peyoxhropaꞌ xhokmach phokthapeꞌch eꞌñe kowen ñeñth ateth pena ñeñth eꞌñe poꞌñoxh Cristonaꞌtartetsa. Allochñapaꞌ eꞌñe peshoth añña acheñeneshaꞌ ñeñth ameꞌñetsapaꞌ oꞌch xhapanet poeyoxhreto ñeñth ateth kowentetsa Yomporekop.

1 Timoteo 6:17

Theꞌpaꞌ oꞌch notaph poꞌpoñ. Ñeñth nanak echekmathtetsa añ patsropaꞌ oꞌch photanet amach ommoꞌchatsteto eꞌñe poꞌchekmoth, ñamha amach kothapeꞌchatsteto ñatoꞌ pokhllayorothpaꞌ amach es pallterreto, tharroꞌmar ñeñthpaꞌ wañerrchaꞌ esempowañen. Añña yemchetepaꞌ Yompor ñeñth ama arromñatheshayaye ñamha ñeñth yapoeneꞌ shonteꞌ esokmañen ñeñthchaꞌ xhokma yokshateneꞌ.

1 Timoteo 6:9

Tharroꞌmar ñeñth moenets oꞌch echan esokmañenpaꞌ amach errothenoth awantano attho topatyeney oneñeth. Atthach paꞌnamen yeꞌchatseꞌtyenet ñeñth ama es sherbetso. Elloña ñeñthpaꞌ ñeñthchaꞌ anmawet chenkëñtso esempowañen.

2 Timoteo 3:12

Ñewa, yapaꞌ yeñoteñ erraꞌtsenchaꞌ moenats oꞌch kothan eꞌñe kowen Cristo Jesúspaꞌ xhokmach moeroxhtatanet ñeñth eꞌmoñeꞌtenawet.

2 Timoteo 4:10

Tharroꞌmar arr masheñ Demaspaꞌ oꞌ aꞌypoꞌñaꞌnerren arr napoeth, ñapaꞌ oꞌ awerr Tesalónico, tharroꞌmar ñapaꞌ aña nanak morrentena ñeñth patsoꞌmarekpa. Añpaꞌxhoꞌña masheñ Crescentepaꞌ oꞌ awoꞌ ñamha Galacio. Ñamha masheñ Titopaꞌ oꞌ awoꞌ anetso Dalmacio.

Tito 3:3

Ñeñthpaꞌ eꞌñe pokteꞌ atethchaꞌ phannenet tharroꞌmar yapaꞌxhoꞌña yeñoteñ awathpaꞌ aña yephatseꞌtyeseꞌth ñeñth ama pokteyaye. Yapaꞌxhoꞌña atthach ama es yepxheꞌthe allempo nanak yephatseꞌtyeseꞌth sosyaꞌtsañ. Ñamha nanak yathpareꞌteꞌth awath, ñamha aña yexhatyesyeteꞌth ñeñth ama poꞌñoxhoyaye kothaphñats. Yechetspaꞌ aña nanak moenatseꞌtatyeꞌth ñeñth ama kowenayaye ñamha allempopaꞌ aña nanak yoksheꞌth paꞌnamen sosyaꞌtsañexhno. Ñamha allempopaꞌ nanak atsrreꞌmoxhen yentannaꞌtyeseꞌth ñamha nanak es yeyeꞌchapretannaꞌtyeseꞌth. Ñamha allempopaꞌ ñerraꞌm eseshaꞌ yeꞌmoñeꞌteꞌpaꞌ yapaꞌxhoꞌña oꞌchxhoꞌ yeꞌmoñeꞌchxhoꞌ yamha.

Hebreos 8:11

Ñamha allempo allowenetpaꞌ eꞌñech eñotwerrnanet ñeñthchaꞌ ateth nokthapeꞌchaterranet kowen poeyoxhreto. Allowenetpaꞌ eꞌñech atthekma eñoterrnet pomporneshowenet amaꞌt ñamha añetholleshowen amaꞌt ñeñth atarr sherbets amaꞌt ñamha ñeñth ama esoyeꞌ enteñeto. Ñeñthoꞌmarña allempo ñeñth amhchaꞌnaꞌtpoꞌ entetsapaꞌ ama pallteno oꞌch yexhatan poꞌpotantañ pamoꞌts amaꞌt ñamha paꞌmoꞌnasheñ. Amach eseshaꞌ oterraweteꞌthe theꞌpaꞌ añ poktetsa oꞌch señoter Yompor, tharroꞌmar allempopaꞌ oꞌch eꞌñe eñotwerrnet.

Santiago 1:27

Añña eꞌñe pokteꞌ enten Yompor Apa ñeñthchaꞌ ateth yesherbeñ ña eꞌñe kowen: Oꞌch yeyenpoeñ wokchaneshaxhno, ñamha rrethorrnaneshaꞌ ñerraꞌm esempo es moeroxhtatenawet. Ñamha yapaꞌ amach yaꞌsosyatatsto yechets ñeñth ateth phatseꞌtyena ñeñth ama ameꞌñetso arr patsro.

2 San Pedro 2:9

Ñeñthoꞌmarña Yomporpaꞌ eñoteñ atthoch aꞌkeshphatan ñeñth eꞌñe pokteꞌ es pets, ñerraꞌm esempo oꞌ wapanet topateñets womenk. Ñamha eñoteñ atthoch moeroxhtatan ñeñth ama pokteyeꞌ es petso. Alloꞌnach moeroxhtatnenanet esempowañenchaꞌ akrarethetwerra allowen acheñeneshaꞌ. Allempopaꞌ moeñwerranetchaꞌ koñchaꞌpoetso.

2 San Pedro 3:11

Oꞌch poywapaꞌ oꞌch eꞌyowa ora esokmañen. Ñeñthoꞌmarña sapaꞌ añ poktetsa sokop. Oꞌch sokthapeꞌcherr eꞌñe kowen Partsokop, ñamha oꞌch sepomwerra sañeña eꞌñe Yomporekop.

1 San Juan 2:27

Tharroꞌmar Jesucristo oꞌ chorraterrsa Parets Poekamkëñ, ñeñthoꞌmarña sapaꞌ ama sepallteno oꞌch eseshaꞌ yexhatas tharroꞌmar ñapaꞌ eñotataschaꞌ allowen. Ñamha ñeñthchaꞌ ateth yexhaterres ñapaꞌ eꞌñekaꞌye poꞌñoxh ateth, ñeñthpaꞌ ama shekëñtsoyaye. Ñeñth ateth yexhatenes sapaꞌ alloꞌnepaꞌch sesen parrokmatenaya Cristo.

1 San Juan 2:6

Ñerraꞌm eseshaꞌ otets, ñapaꞌ eꞌñoꞌ parrokmaten epoet Yompor, ñeñthepñapaꞌ orrtatyesanepaꞌña ñeñth ateth phaꞌyeseꞌth Yompor Poechemer ñeñth Jesucristo.

1 San Juan 5:19

Theꞌña yapaꞌ yeñoteñ oꞌ yeyomporenaꞌtarterra ya. Poꞌpotantañña acheñeneshaꞌ arr patsro ñeñth ama ameꞌñetso, ñetñapaꞌ aña yochreshaꞌtenawet oneñeth.

San Judas 1:18

Ñeñthpaꞌ ateth otyeteꞌth: “Allempoch mellapoterrmochapaꞌ orrterrach ñeñthchaꞌ achmhareꞌterreꞌ Parets. Añach yexhenet ñeñth moenatseꞌtyenet ñañeñeta, ñeñthpaꞌ amaꞌt mameshapaꞌ ama kowenayeꞌ enteñe Parets.”

El Apocalipsis 14:12

Ñeñthoꞌmarña alloweney ñeñthey eꞌñe poeyochreshaꞌ peney Parets ñeñthey ameꞌñenaya Yompor poꞌñoñ ñeñth ateth oteney ñeñthey eꞌñe yemtenaya Jesús, yokopñapaꞌ añ poktetsa oꞌch yaꞌwantaꞌwen eꞌñe akopha ñeñth allpon paꞌnamen es yewenoya.