Tito 2:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Ñamha amachña xha etyeneto atthoch poꞌpatronaretpaꞌ eꞌñech yemtenanet poktakma. Allochñapaꞌ eꞌñe pameꞌñeñothet kowen poꞌpatronaretpaꞌ añña acheñeneshaꞌpaꞌ eꞌñech kowen entapretenet Yompor pokthaphña, ñeñthara ñeñth Yaꞌkeshphatañer yepen.

Tito 2:10 Iomraidhean Croise

San Mateo 24:45

Jesúsñapaꞌ alla tomaꞌntaterraneterr poꞌpoñoneth, ateth oterraneterr: —Allowenespaꞌ atethchaꞌ sepha eꞌñe kowen ateth ñerraꞌmrratheꞌ poesheñarr yakma ñeñth atarr ameꞌñañathtetsa ñamha eꞌñech eñotenan ñeñth atarr sherbets. Ñeñthña yakmarpaꞌ añ yechenaya pamoꞌmteꞌ eꞌñe alla paꞌpakllo. Añchaꞌ poꞌtarwas pen xhokmach apaꞌyesan allowen poꞌpotantañ pamoꞌmteꞌ paꞌtarwasañer poerraret allpon ñeñth poktetsa poesheñaꞌttsokop. Ñapaꞌ atthekmach penanet, xhokmach apoenanet ñerraꞌm esempoch xherrerr allempo ateth anareth ñokop oꞌch alla apaꞌyerraneterr poꞌpocheño. Ñapaꞌ xhokmach ateth pena amach kexhpoenaneto tharroꞌmar ñapaꞌ eꞌñe eñoteñ atthoch eꞌñe koshatenan pamoꞌmteꞌ.

San Mateo 5:16

Sapaꞌ atthekmoepaꞌchña sorrtatyen ñeñth kowen enten Yompor. Allochñapaꞌ poꞌpotantañpaꞌxhoꞌña eꞌñech kowenareꞌ entennaset ateth es sorrtatyen kowen. Atthochña ñetpaꞌxhoꞌña kowentatapreterrnasetchaꞌ Seyomporer ñeñth poeꞌntañoꞌtsen.

San Lucas 1:47

Nekamkëñowen atarr noksheña Yepapar ñeñth Yaꞌkeshphatañer yepen.

San Lucas 1:80

Añña cheshatholl Juanpaꞌ alloꞌna sen atarretnomtsa. Poekamkëñothpaꞌ atarr awamenkathetnena. Ñañapaꞌ alla yexhena allaphar amayo tharrempowa allempo orrta israelenaꞌtarneshesho.

San Lucas 16:10

‘Elloña oꞌch notas: —Amaꞌt eꞌñe koñeꞌtha yechen ñerraꞌm añekop yesherbhateñ ñeñth kowen enten Yompor, ñañapaꞌ eñoteney ateth ñerraꞌm amaꞌt atarr aton yechen attherach yesherbhateñ ñokop. Tharraña amaꞌt eꞌñe koñeꞌtha yechen ñerraꞌm ama añekpayeꞌ yesherbhateñe ñokop, ñañapaꞌ eꞌñech eñoteney atthoña amaꞌtchaꞌ atarr aton yecheneñpaꞌ attherach amach es yesherbhateñe ñokop.

San Juan 12:6

Ñapaꞌ ama poellkëñotheyeꞌ wokchañneshaxhnokop ateth oto. Ñapaꞌ tharroꞌmara ateth ot, ñapaꞌ atarrkaꞌye eñeth. Ñapaꞌ eꞌñe ñakma anmampeneꞌ kellayepoꞌr ñeñth allowenakop, ñapaꞌ allothña etenña kelle ñeñth eshaꞌtenet all.

1 Corintios 4:2

Ñewa, yeñoteñ ñerraꞌm erraꞌtseney eyecharetheypaꞌ añchaꞌña ateth yepena ateth yechenyet.

Efesios 4:1

Ñeñthoꞌmarña theꞌpaꞌ añ notenes amaꞌt na ñeñthen ayottamphsarethen eꞌñe nethorreñoth serrpareꞌteꞌ Yepartseshar Cristo. Theꞌpaꞌ oꞌch notas: Eꞌñech kowen es sorrtatyen ñeñth ateth poktetsa añekop ñeñth oꞌ waꞌñerr Yompor ñeñthchaꞌ poeyochreshaꞌ perr ateth ñerraꞌm sa.

Filipenses 1:27

Theꞌpaꞌ añach notas, xhokmoepaꞌch sokrra eꞌñe kowen ñeñth ateth yorrtaten ñeñthey ameꞌñenaya Cristo poꞌñoñ. Allochñapaꞌ ñerraꞌm machayotha nabhcherrsaꞌ amapaꞌ ñerraꞌm amaꞌtchaꞌ ama yabhchannerropaꞌ eꞌñepaꞌchña kowen neꞌmareꞌtenes attho eꞌñe womenk sepen seyoxher atthoch eꞌñe pathrra sokthapeꞌchen. Ñamha oꞌch neꞌmareꞌtas attho sapaꞌ semaꞌyoxhrena allowenes parro atthoch semoñena añ kowen ñoñets alloch yekeshperra.

Filipenses 4:8

Theꞌña, masheñnesha ñamha noxhanesha, eꞌñe allowanenpaꞌ oꞌch noterres, añchaꞌña sokthapeꞌchyes ora erraꞌtsentheꞌ señoten ñeñth eꞌñe kowenetyetsa ñamha ñeñth ora kowen entwapotetsa. Ñeñthchaꞌña sokthapeꞌchyes ora erraꞌtsentheꞌ ñeñth ama shekëñtsoyaye, allothpaꞌ ñamha ora erraꞌtsentheꞌ asherben entpawotets, allothpaꞌ ñamha ora erraꞌtsentheꞌ ñeñth poktetsa, allothpaꞌ ñamha ora erraꞌtsentheꞌ ñeñth ama sosyaꞌtsañeyaye, ñamha ora erraꞌtsentheꞌ amorrentannaꞌtatañtetsa, ñamha ora erraꞌtsentheꞌ ñeñth eꞌñe kowen aserrpareꞌtpawotets. Ora allpon añexhnopaꞌ ñeñthchaꞌña ateth sokthapeꞌchyes.

1 Timoteo 1:1

Masheñe Timoteo ñeñtheph eꞌñe yameꞌñeñoth eꞌñe ateth nenteneph ñerraꞌmrratheꞌ eꞌñe nechemer nepeneph, na Pablon pekellkëneꞌña añ carta ñeñthen Jesucristo poellsensaren, tharroꞌmar ñeñthpaꞌ ateth llesenserren Yompor Parets epoet Poechemer Jesucristo ñeñthchaꞌ nanak yeyemterra. Ñeñthpaꞌ ñeñthara Yompor ñeñth Yaꞌkeshphatañer yepen, ñamha ñeñthara Poechemer Jesucristo ñeñth Yepartseshar yepen. Theꞌpaꞌ eꞌñe newomhchaꞌteñothephpaꞌ oꞌch notaph, Yomporepaꞌchña pebensareꞌtampeneꞌ ñeñth nanak Parets epoet Poechemer Cristo Jesús ñeñth Yepartseshar yepen. Ñetepaꞌchña pemoerenaya. Ñetepaꞌchña phokshateneꞌ eꞌñe pha peyoxhro.

1 Timoteo 5:17

Theꞌpaꞌ oꞌch notaph poꞌpoñ. Ñeñth pomporneshaꞌ pen ñeñth ameꞌñetsapaꞌ ñerraꞌm eꞌñe kowen amhchaꞌtarethtenetpaꞌ eꞌñe pokteꞌ acheñeneshaꞌpaꞌ kowenchaꞌ kosheñet, ñamha ellopaꞌ añ pokteꞌ oꞌch es apoeñet ñeñth palltena. Ñeñthpaꞌ ñeñthchaꞌ ateth sepeñ erraꞌtsenchaꞌ ñeñtha poꞌtarwas peꞌ attho serrpareꞌten, ñamha ñeñth eꞌñe maꞌyoxhrenaya yexhatets Yompor poꞌñoñ.

1 Timoteo 6:1

Theꞌpaꞌ oꞌch notaph poꞌpoñ ñeñth poktetsa ñeñthchaꞌ ateth pha ñeñth atarwasatareth eꞌñe attha ñeñthara ñeñth oꞌ ameꞌñerrana Cristo. Añ pokteꞌ ñetpaꞌ kowenchaꞌ eñchet poꞌpatronar, atthoch eꞌñe ñothothetpaꞌ amach errothenoth eñalle atthoch achmhareꞌtachet Yompor, ñamha ñeñth ateth yeyxhaten Cristokop.

1 Timoteo 6:3

Ñerraꞌm eseshaꞌ yexhatats poꞌpoñ kothaphñats ñeñth ama attheyaye ateth yexhateney Yepartseshar Jesucristo ñeñth poꞌñoxh ateth moenen Yomporpaꞌ

Tito 3:4

Tharraña allempoña Yomporpaꞌ eñotatey eꞌñe ña poemoereñothpaꞌ moeneñ oꞌch yenpaꞌy, eꞌñe allempokma yapaꞌ atthothña aꞌkeshphaterrey, ñeñthoꞌmarña Yomporpaꞌ ñeñth Yaꞌkeshphatañer yepen.

1 San Pedro 2:12

Ñeñth ama ameꞌñetso seshopaꞌ añ poktetsa oꞌch sorrtatoñ ñeñth ateth eꞌñe kowenareꞌ es sepen. Allochñapaꞌ ñerraꞌm moeneñet oꞌch sasareꞌtasetpaꞌ oꞌch entonaset attho eꞌñe kowenareꞌ es sepen. Allochñapaꞌ ñerraꞌm esempo werra Cristo atthoch eñotatwerrey ñeñth ateth yephaꞌyena, ñetpaꞌxhoꞌña oꞌch ayeꞌchoxhtaterrñañet Yompor.

1 San Pedro 3:16

Xhokmach eꞌñe señmañeshaꞌ seyoxhro eꞌñech kowenareꞌ es sepen. Allochñapaꞌ ñerraꞌm amaꞌt esempo sasareꞌtenyetpaꞌ ñeñthña attho eꞌñe pokteꞌ es yephaꞌyen Cristokoppaꞌ ñeñthpaꞌ ñeñthchaꞌña penkatawet.

2 San Juan 1:9

Ñerraꞌm erraꞌtsenchaꞌ ama atthekmayeꞌ yexhatatso ñeñth ateth yexhateney Cristo, ñerraꞌm xha aꞌpoꞌpoñeteññañ poꞌñoñ, ñeñth ateth petsapaꞌ amach Yomporeyeꞌ yemteno. Añchaꞌña erraꞌtseneytheꞌ alloꞌna kotheneꞌ Cristo poꞌñoñ yapaꞌ eꞌñe poꞌñoxh yeyemteña Yompor Parets eꞌñe Poechemereꞌna.