Tito 1:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Ñamha ñeñthchaꞌ paꞌmhchaꞌtarether phaꞌyes ñeñth ameꞌñetsapaꞌ eꞌñech yemtenana poktakma añ ñoñets ñeñth eꞌñe poꞌñoxh Yompor poꞌñoñ ñeñth ateth yexhateñet. Allochñapaꞌ ñapaꞌxhoꞌña eꞌñech atthekma yexhatan ñamha poꞌpotantañexhno ñeñth eꞌñe paxharr kothaphñats, ñamha ñeñth eñoteneꞌ atthoch anapoenan eꞌñe kowenakma ñeñth achmhareꞌteneꞌ Yompor poꞌñoñ atthoch ñetpaꞌ amach errothenoth anapeto.

Tito 1:9 Iomraidhean Croise

Los Hechos 18:28

Oꞌ eñotatanet poꞌñoxh Jesúspaꞌ ñeñthkaꞌyeña Cristoterrets ñeñth atarr kowenet awathotheñ. Yompor poꞌñoñoth ñeñth akellkareth awathotheñ oꞌ gatyesanet attho Jesús oꞌ etsotatwan ñeñth akellkareth awathotheñ. Ñeñth alloꞌtsaꞌyen allowen acheñpaꞌ eꞌñe poꞌwamenkokma yexhatanet. Allempoña amaꞌt poesheñarra judioneshaꞌpaꞌ ama erroth otenayeꞌ enteto.

1 Corintios 14:24

Tharraña ñerraꞌm esempoña saꞌpothen allowenes Yompor poꞌñoñ eꞌñe eñotoxhen ñerraꞌm allempoña wapa ñeñth ama ameꞌñetso amapaꞌ ñeñth errteꞌ eꞌmhñotetspaꞌ ñeñthña ateth seserrpareꞌten Yompor poꞌñoñpaꞌ ñatoꞌ allowenetpaꞌ oꞌch xhapanet poeyoxhro, oꞌch eñotet ñañeñeta ñeñth ateth kothapeꞌchyenet ñetpaꞌ ñeñthpaꞌ ama pokteyaye Yomporekop.

1 Tesalonicenses 5:21

Allowen amaꞌt erraꞌtsena xhochña ñanom señoch ñatoꞌ eꞌñetheꞌ kowen ñatoꞌpaꞌ amatheꞌ kowenayaye. Ñeñth allowen erraꞌtsenchaꞌ eꞌñe kowen sentyes ñeñthñapaꞌ amach sekexhpatstere amaꞌt awatha.

2 Tesalonicenses 2:15

Ñeñthoꞌmarña oꞌch, masheñneshachaꞌ ñamha noxhaneshachaꞌ, noterrserr: Sapaꞌ eꞌñepaꞌchña womenk sephaꞌnom seyoxher Yomporekop. Ñamha ora allpon ñeñth yeyxhatyesaseꞌth eꞌñe ya yenamoth yeserrpareꞌtataseꞌth amaꞌt ñamha yecartoth ñeñthñapaꞌ eꞌñepaꞌch womenk seyoxhreꞌcha.

1 Timoteo 1:10

Ñamha añekpa anareth añ ñoñets añ acheñrekop ñeñth kañoreshaꞌtets, ñamha ñeñth agëneꞌ pakma, ñamha ñeñth aꞌyetyeneꞌ acheñ, ñamha ñeñth attha tomaꞌtyets, ñamha ñeñth shekareꞌtyets amaꞌtchaꞌ atarr womenk nenaneñña poꞌñoñ Yompor paꞌsoꞌchño, ñamha amaꞌt erraꞌtsentheꞌ acheñer ñeñth athpareꞌteneꞌ ñeñth ateth kowen yexhateney Yompor poꞌñoñ.

1 Timoteo 1:15

Ñeñthoꞌmar theꞌpaꞌ oꞌ neñoter añepaꞌtña ñoñets ñeñth eꞌñe poꞌñoxh: Cristo Jesúspaꞌ añekopña wapa añ patso atthoch aꞌkeshphatosan allowen ochñatheneshaꞌ. Ñeñthoꞌmarña theꞌ napaꞌ neñotena, allowen ñeñth ochñatheneshaꞌpaꞌ na ello metanaꞌtwenawet poꞌchñaret. Ñeñthoꞌmar theꞌpaꞌ aña poktetsa oꞌch yameꞌñaꞌwerra ñeñthara añ ñoñets.

1 Timoteo 4:9

Ñeñth ateth notenephpaꞌ eꞌñe poꞌñoxh ateth, ñeñthoꞌmarña añ pokteꞌ oꞌch ameꞌñyet allowenet.

1 Timoteo 6:3

Ñerraꞌm eseshaꞌ yexhatats poꞌpoñ kothaphñats ñeñth ama attheyaye ateth yexhateney Yepartseshar Jesucristo ñeñth poꞌñoxh ateth moenen Yomporpaꞌ

2 Timoteo 1:13

Phapaꞌ xhokmach phokthapeꞌch ñeñth ateth oꞌ neyxhatwanmaph, ñeñthara ñoñets ñeñth eꞌñe paxharr kothaphñats. Ñamha peparrokmateñoth Cristo Jesúspaꞌ xhokmach phameꞌñya kowen, ñamha xhokmach phaꞌmoerañta.

2 Timoteo 2:2

Allpon peꞌmoneꞌth ñeñth ateth neserrpareꞌtacheꞌth shonteꞌ acheñeneshaꞌpaꞌ phapaꞌxhoꞌña theꞌpaꞌ atthekmach peyxhach poꞌpoñexhno ñeñth ameꞌñetsa atthoch ñetpaꞌxhoꞌña eñochet yexhatet allowen pamoꞌtseshaꞌ.

2 Timoteo 2:25

Ñamha añ pokteꞌ oꞌch alla yokthapeꞌchater kowen ñeñth yeꞌmoñeꞌteneꞌ. Tharraña eꞌñech akopha yokthapeꞌchatyerranet eꞌñe kowen. Ñamha oꞌch yekwenanet eꞌñe akopha esempowañenchaꞌ xhapanet poeyoxhro ñeñth eꞌñe poꞌñoxh kowen enten Yompor. Ñamha oꞌch yekwenanet esempowañenchaꞌ kothapeꞌcherret ello eꞌñe kowen Yomporekop.

2 Timoteo 3:14

Tharraña phapaꞌ xhokmach phokthapeꞌch ñeñth ateth ayxhataretheph, ñeñthara ñeñth amaꞌt phapaꞌ oꞌ peñoter ñeñth eꞌñe poꞌñoxh kowen kothaphñats. Tharroꞌmar phapaꞌ peyemtenya ñeñthey peyxhateꞌ awathotheñ.

2 Timoteo 4:3

Tharroꞌmar esempowañenpaꞌ xhapchaꞌ allempo acheñeneshaꞌpaꞌ oꞌwañchaꞌ moenet oꞌch ameꞌñet ñeñth eꞌñe paxharr kothaphñats, ñeñth ateth yexhateney Yompor poꞌñoñ. Allempopaꞌ añach eꞌnyerret erraꞌtsentheꞌ serrpareꞌteneꞌ kothaphñatser ñeñth eꞌñe kowen entenet ñet atthothchaꞌña atonterraña ñeñthchaꞌ yexhaterrawet ñeñth eꞌñe ñet pokthaphñet.

Tito 1:11

Ñeñthoꞌmarña añ palltetsa oꞌwañchaꞌ yexhatyenet poꞌpoñeꞌttsokma kothaphñats. Tharroꞌmar ñetpaꞌ attha nanak moññeꞌtateñet acheñeneshaꞌ pokthaphña; ama poesheñaꞌttsayaya ateth petso amaꞌt allowen ñeñth parro yexhaꞌyenet. Ñetpaꞌxhoꞌña aña yexhatenet ñeñth ama pokteyaye. Ñamha añekpa yexhatenet atthoch ganet kelle, tharraña ñeñthpaꞌ apenkoxhena.

Tito 2:1

Tharraña phokoppaꞌ añña poktetsa oꞌch peyxhateñ acheñeneshaꞌ ñeñth eꞌñe paxharr kothaphñats Yomporekop.

San Judas 1:3

Theꞌpaꞌ oꞌch notas, masheñneshachaꞌ ñamha noxhaneshachaꞌ napaꞌ atarr nemneñ oꞌtheꞌ nekellkonas atthoch neñotatas ñeñth eꞌñe errothenothchaꞌña aꞌkeshphatarethey eꞌñe alloweney ñeñthey ameꞌñenaya Jesucristo. Tharraña theꞌpaꞌ añ nenten ñeñth atarr palltetsa oꞌch notas, nankëpaꞌch semaꞌyoxhra añ ñeñth attho yameꞌñena atthochña eꞌñech kowen semoñena, atthoch amach semnateñe amaꞌt poesheñarra oꞌch aꞌpoꞌpoñetonaset ñeñth ateth yameꞌñeña Jesucristo.

El Apocalipsis 2:25

Añña notenes, amach sekexhpatsche ñeñth attho sokthapeꞌchen kowen Yomporekop, amaꞌt thayotheñ ñamha esempowañen allempoch nowerra.

El Apocalipsis 3:11

Oꞌch eꞌñe mamerrerrpaꞌ oꞌch nowerrnasa. Ñeñth attho allpon sameꞌñena oꞌch eꞌñe señotwanem amach sekexhpatsche. Allochñapaꞌ amaꞌt eseshapaꞌ amach errothenoth poerratamphsaso ñeñth noꞌpatatensa ñeñthchaꞌ atarr sokshaterreꞌ.

El Apocalipsis 3:3

Xhokmachña seyerpoeña ñeñth attho aserrpareꞌtatarethes awañmoꞌchotheñ. Amach sepsatsche añ ñoñets ñeñth sameꞌñataya. Ñeñthoꞌmarña theꞌpaꞌ añ poktetsa oꞌch alla sokthapeꞌcherr kowen Yomporekop. Ñerraꞌm ama attheyeꞌ sepeno napaꞌ machayothach nowerrnasa ateth ñerraꞌmrratheꞌ eñethpaꞌ amach señoteñe esempopaꞌ machayothach waponasa.