Tito 1:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Theꞌpaꞌ oꞌch notaph, napaꞌ attho nenaꞌnmaph awaña Creto atthoch phach aꞌpoktatyeseꞌ ñeñth palltaꞌyetsa, ñamha phach akraꞌyeseꞌ poesheñaꞌtets ñeñthchaꞌ penaꞌyes allemeñ anetsoꞌmar ñeñthchaꞌ pomporneshaꞌ phaꞌyes ñeñth ameꞌñetsa. Añmapaꞌ ñeñthña ateth notnomoeph awañmoꞌcha.

Tito 1:5 Iomraidhean Croise

Los Hechos 11:30

Allpon echyenetpaꞌ allpon apaꞌyeset. Ateth aꞌpoktachetpaꞌ atethxhoꞌ pet. Oꞌ apoeñet Bernabé ñamha Saulo, ñetñapaꞌ anmet Jerusaléño, allñapaꞌ aposet ñeñth pomporneshaꞌ pen ñeñth ameꞌñetsa Jerusaléño.

Los Hechos 14:23

Oꞌ naꞌyeset poesheñaꞌtets acheñ ñeñthchaꞌ pompor phaꞌyes ñeñth pameꞌñeñoth apxhaꞌyetsa. Poethoreꞌteñothetpaꞌ oꞌ maꞌyochampesyet ñeñthchaꞌ pomporneshaꞌ phaꞌyeset, ateth ochet: —Yomporepaꞌch seyenpoeꞌ, ñeñthara Yompor ñeñth oꞌ sameꞌñaꞌwerra. Ateth phaꞌyeset ora allowen anetso all ameꞌñaꞌyesa acheñeneshaꞌ.

Los Hechos 2:11

Amaꞌt ñamha judioneshaꞌ shonteꞌ, ñamha amaꞌt ñeñth ameꞌñaten judioneshaꞌ. Ñamha ñeñth wetsa Cretoth ñamha Arabioth. Ya theꞌpaꞌ oꞌ eꞌñe yeꞌmyes eꞌñe yokma yeñoño ateth ayeꞌchoxhtateññañet Parets poꞌkowenña eꞌñe yeñoño.

Los Hechos 27:12

Ñamha all Sowaꞌpoetso Kowenpaꞌ, ama tama kowenayaye oꞌch allaya allempo xhen orrnoteñtsopo. Ñamha allowenetpaꞌ oꞌ eꞌñe pokteꞌ entwet oꞌch awamperryerr alloth. Arroꞌchña yexhap sowaꞌpoetso all oteñet Fenice, tharraña allara anetso Creta. Oꞌ sechet Sowaꞌpoetso Feniceo tharroꞌmar allpaꞌ ama tama orrnoteno. Allñapaꞌ allach yaꞌposa tharrempowa oꞌch metwen orrnoteñtsopo.

Los Hechos 27:13

Allempoñapaꞌ oꞌ wapa mhorr poꞌpshemhtañoth, tharraña ñeñthpaꞌ mamesha mhorraren. Allempoñapaꞌ otyeset: —Theꞌpaꞌ pokteꞌ oꞌch awerryerr. Allempoñapaꞌ oꞌxhoꞌ cheterret ñeñth rremoeneꞌ botepaꞌ oꞌxhoꞌ awamperryerr. Allothñapaꞌ eꞌñe tophñaꞌsoꞌmara yoñmampes allara anetso Creta.

Los Hechos 27:21

Ñamha allponmat ama es yerro. Allempoña Pablopaꞌ thompaꞌ ot: —Ñerraꞌm amach masheñneshachaꞌ sathpaꞌnoñe ateth notaseñ, amach yonñe Cretoth, theꞌpaꞌ amatheꞌ es yeyoreꞌtenayñe ñamha allempopaꞌ amatheꞌ yechenkatsreꞌtañe.

Los Hechos 27:7

Allempoña oꞌ allponmat awamphsey eꞌñe akophapaꞌ eꞌñe yemoeroxhenñotha yemet ñamha Gnidoth. Allothpaꞌxhoꞌña ama moenaterryerro mhorr oꞌch awerryerr eꞌñe paxharr, ñeñthoꞌmarña yepotesampeswanerrerr koñeꞌth pats ñeñth paꞌsoꞌcheñ Creta atthoch ñeñth patspaꞌ oꞌch aꞌnpamphsey mhorr. Allñapaꞌ allponoꞌmar yoñom allekma etsotenet ñeñth paꞌsoꞌcheñ Salmón.

1 Corintios 11:34

Tharraña ñerraꞌm eseshas cheporratsapaꞌ eꞌñe pokteꞌ oꞌch serrerraꞌ sepakllo. Tharroꞌmar ama pokteyaye eꞌñe sapxheñothpaꞌ oꞌch sekoñchatannaꞌta. Ñamha poꞌpoñexhno ñeñth palltetsapaꞌ allach neserrpareꞌtatoses ñerraꞌm esempoch nexhap sesho.

1 Corintios 14:40

Tharraña amaꞌt erraꞌtsenchaꞌ sephaꞌyespaꞌ eꞌñech kowen sesen ñeñth poktetsa, ñamha xhokmach semnatannaꞌta oꞌch es sephaꞌyes eꞌñe sapthepaꞌtets.

1 Corintios 4:17

Ñeñthoꞌmarña nemñonas masheñ Timoteo; ñapaꞌxhoꞌña nechemer nepeñ. Ñapaꞌ nanak nemorrenteña, ñapaꞌ xhokma ameꞌñenana Yepartseshar. Ñapaꞌ ñach seyerpateꞌ Cristo pokthaphña ñeñthara kothaphñats neyxhatyes errakmañen erratheꞌ pameꞌñeñothet apxhenet Yomporekop.

Colosenses 2:5

Amaꞌtchaꞌ ama alloꞌtsenno eꞌñe na tharraña neyerpoeñothes neyoxhropaꞌ eꞌñe parroꞌtsaꞌyenakmay. Sapaꞌ eꞌñech noksheñeshaꞌ nentyenes attho eꞌñe kowenareꞌ es sorrtatyen. Ñamha nentenes attho eꞌñe sameꞌñeñoth Cristo oꞌ eꞌñe womenk sephaꞌyen seyoxher ñokop.

1 Timoteo 1:3

Ñamha theꞌpaꞌ oꞌch notaph, awañmoꞌcha allempo nesechena oꞌch awen Macedoniopaꞌ ateth notnomoeph, phapaꞌ allach phaꞌpa Efeso atthoch phach kothapeꞌchatyeseꞌ ñeñth yexhatyets poꞌpoñ kothaphñats, atthoch ñetpaꞌ amach alloꞌna yexhatneneto ñet pokthaphñet ñeñth ama poꞌñoxhoyaye. Theꞌpaꞌ ñeñthekopña nekellkënnaph añ carta allochñapaꞌ oꞌch alla neyerpaterrperr.

2 Timoteo 2:2

Allpon peꞌmoneꞌth ñeñth ateth neserrpareꞌtacheꞌth shonteꞌ acheñeneshaꞌpaꞌ phapaꞌxhoꞌña theꞌpaꞌ atthekmach peyxhach poꞌpoñexhno ñeñth ameꞌñetsa atthoch ñetpaꞌxhoꞌña eñochet yexhatet allowen pamoꞌtseshaꞌ.

Tito 1:12

Poesheñarr kretoꞌmarneshaꞌ ñeñth nanak etsoteneꞌ eꞌñe ñañeñeta pokthaphñetpaꞌ ñeñthña acheñer ama pokteyeꞌ entenano pamoꞌtseshaꞌ ñeñthoꞌmarña ateth oten pamoꞌtseshakop: “Allowen namoꞌts kretoꞌmarneshaꞌpaꞌ ñetpaꞌ xhokma nanak tomaꞌtampeñet pamoꞌtseshaꞌ, ñamha ñetpaꞌ nanak atsrreꞌmñathet eꞌñe atthet ñerraꞌmrratheꞌ berr ñeñth nanak bellak, ñamha nanak kellañtsareret, atarr arakët ama ayetñatheto.”