Tito 1:14 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho14 ñamha allochñapaꞌ amach alloꞌna eꞌmhñotneññañeto ñeñth poeserrparña peꞌth awathnaneshañ judioneshaꞌ, ñamha allochñapaꞌ amach alloꞌna eꞌmhñotneñe acheñeneshaꞌ ñeñth ateth yexhatyenanet ñeñthchaꞌ ateth pet, tharroꞌmar ñetpaꞌ xhach athpareꞌtenet ñoñets ñeñth eꞌñe poꞌñoxh Yompor poꞌñoñ. Faic an caibideil |
Tito 1:14
10 Iomraidhean Croise
Tharraña theꞌpaꞌ oꞌ senterr ñeñth eꞌñe poꞌñoxh Yompor, amapaꞌ ñatoꞌ oꞌch yot, Yomporpaꞌ oꞌ enterres sa. Theꞌñapaꞌ esoꞌmareꞌtña semneñ oꞌch alla sepoerrerra, oꞌch alla sameꞌñerra añ kothaphñats ñeñth ama es sherbeno sañapaꞌ alloꞌch poꞌnoxh sekeshperra. Esoꞌmareꞌt semneñña oꞌch alla sethorrerrerr nanak ñeñth eꞌñe orrena.
Ñeñthoꞌmarña theꞌpaꞌ oꞌch notas, seꞌmhñoterepaꞌch Yompor ñeñth seꞌñoranaꞌtenaya theꞌ. Tharroꞌmar awath israelenaꞌtarneshaꞌ ñeñth ama eꞌmhñotayeꞌthe Yompor allempo eñoranaꞌtaneteꞌth arr patsro, ñetñapaꞌ ama eseshayeꞌ keshphatso. Ñeñthoꞌmarña yeñoteñ ñerraꞌm yapaꞌ amach yeꞌmhñotere yamha Yompor ñeñth yeꞌñoranaꞌtenaya theꞌ poeꞌntañoth, elloña yapaꞌxhoꞌña amaꞌt poesheñarrotheyapaꞌ amach eseshay keshperrtso.
Yapaꞌ poꞌñoxh ñerraꞌm oꞌch alla yepoerrerra xha yottena ñerraꞌmrratheꞌ ochek. Yapaꞌ oꞌch alla yepoerrerra “ateth ñerraꞌm ochek oꞌch aꞌtatsta; oꞌch aꞌtatsetwapaꞌ thematenpaꞌ oꞌch alla poerrerra alloꞌtsen paꞌtatsña.” Amapaꞌ xha yottena ñerraꞌm ateth pena ñamha chañcho. “Chañchopaꞌ oꞌch apa; oꞌchña apwapaꞌ oꞌchxhoꞌ alla poerrerra atstso allchaꞌ eꞌyaphnaꞌtwerra oꞌch alla atsotseñeꞌchwerr.” Amaꞌt awathotheñ ateth oteteꞌth ateth pena ochek, ñamha ateth pena chañcho.
Sanasan