Tito 1:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Poesheñarr kretoꞌmarneshaꞌ ñeñth nanak etsoteneꞌ eꞌñe ñañeñeta pokthaphñetpaꞌ ñeñthña acheñer ama pokteyeꞌ entenano pamoꞌtseshaꞌ ñeñthoꞌmarña ateth oten pamoꞌtseshakop: “Allowen namoꞌts kretoꞌmarneshaꞌpaꞌ ñetpaꞌ xhokma nanak tomaꞌtampeñet pamoꞌtseshaꞌ, ñamha ñetpaꞌ nanak atsrreꞌmñathet eꞌñe atthet ñerraꞌmrratheꞌ berr ñeñth nanak bellak, ñamha nanak kellañtsareret, atarr arakët ama ayetñatheto.”

Tito 1:12 Iomraidhean Croise

Los Hechos 17:28

Tharroꞌmar eꞌñe ñeshoth theꞌpaꞌ yokrrena ñamha eꞌñe ñeshothpaꞌ yechopeꞌchen, ñamha eꞌñe ñeshothpaꞌ yeꞌñalleta. Amaꞌt ateth kellkëꞌth awath poesheñarr samoꞌts sa ñeñth etsotayeꞌth ñoñets. Añmapaꞌ ñeñth kellkëꞌth samoꞌts awath: “Theꞌña poꞌñoxh Yomporpaꞌ poechemereshaꞌ peney.”

Los Hechos 2:11

Amaꞌt ñamha judioneshaꞌ shonteꞌ, ñamha amaꞌt ñeñth ameꞌñaten judioneshaꞌ. Ñamha ñeñth wetsa Cretoth ñamha Arabioth. Ya theꞌpaꞌ oꞌ eꞌñe yeꞌmyes eꞌñe yokma yeñoño ateth ayeꞌchoxhtateññañet Parets poꞌkowenña eꞌñe yeñoño.

Los Hechos 27:12

Ñamha all Sowaꞌpoetso Kowenpaꞌ, ama tama kowenayaye oꞌch allaya allempo xhen orrnoteñtsopo. Ñamha allowenetpaꞌ oꞌ eꞌñe pokteꞌ entwet oꞌch awamperryerr alloth. Arroꞌchña yexhap sowaꞌpoetso all oteñet Fenice, tharraña allara anetso Creta. Oꞌ sechet Sowaꞌpoetso Feniceo tharroꞌmar allpaꞌ ama tama orrnoteno. Allñapaꞌ allach yaꞌposa tharrempowa oꞌch metwen orrnoteñtsopo.

Los Hechos 27:13

Allempoñapaꞌ oꞌ wapa mhorr poꞌpshemhtañoth, tharraña ñeñthpaꞌ mamesha mhorraren. Allempoñapaꞌ otyeset: —Theꞌpaꞌ pokteꞌ oꞌch awerryerr. Allempoñapaꞌ oꞌxhoꞌ cheterret ñeñth rremoeneꞌ botepaꞌ oꞌxhoꞌ awamperryerr. Allothñapaꞌ eꞌñe tophñaꞌsoꞌmara yoñmampes allara anetso Creta.

Los Hechos 27:7

Allempoña oꞌ allponmat awamphsey eꞌñe akophapaꞌ eꞌñe yemoeroxhenñotha yemet ñamha Gnidoth. Allothpaꞌxhoꞌña ama moenaterryerro mhorr oꞌch awerryerr eꞌñe paxharr, ñeñthoꞌmarña yepotesampeswanerrerr koñeꞌth pats ñeñth paꞌsoꞌcheñ Creta atthoch ñeñth patspaꞌ oꞌch aꞌnpamphsey mhorr. Allñapaꞌ allponoꞌmar yoñom allekma etsotenet ñeñth paꞌsoꞌcheñ Salmón.

Romanos 16:18

Tharroꞌmar ñetpaꞌ ama añeyeꞌ sherbeneto Yepartseshar Jesucristo. Aña kothapeꞌchenet ñeñth ateth moenenet ñet poꞌchets attho korrenet. Attho serrpareꞌtenet koxhneshaꞌ ñoñets, ñeñthpaꞌ attha shekëñet acheñeneshaꞌ ñeñth ama womenkayeꞌ penaye poeyoxher.

Filipenses 3:19

Ñetpaꞌ aña oꞌpatenawet atthoch allowenetpaꞌ eꞌñech chenkaꞌwerret. Añach yomhaꞌyenet atthoch rraꞌyenet amapaꞌ orrareꞌtyenet. Ñeñth ateth yomhatseꞌtyenetpaꞌ ñeñthpaꞌ ateth ñerraꞌmrratheꞌ ñeñtha poꞌyomporer penet. Amaꞌt ñeñthchaꞌ penkatawetañpaꞌ tharraña ñetñapaꞌ ñeñthach atarr koshatenawet. Ñamha añach eꞌñe nenet poeyoxhro ñeñthchaꞌ ateth koshatseꞌtatyenawet arr patsro.

1 Timoteo 4:2

Tharroꞌmar oꞌch alla ameꞌñeret acheñ ñeñth ashkañtetsa, ñeñthara acheñ ñeñth ama es xhenoyo poeyoxhro amaꞌt mamesha amaꞌt allempo oꞌ achmhareꞌtwan Yompor.

Tito 1:5

Theꞌpaꞌ oꞌch notaph, napaꞌ attho nenaꞌnmaph awaña Creto atthoch phach aꞌpoktatyeseꞌ ñeñth palltaꞌyetsa, ñamha phach akraꞌyeseꞌ poesheñaꞌtets ñeñthchaꞌ penaꞌyes allemeñ anetsoꞌmar ñeñthchaꞌ pomporneshaꞌ phaꞌyes ñeñth ameꞌñetsa. Añmapaꞌ ñeñthña ateth notnomoeph awañmoꞌcha.

2 San Pedro 2:12

Tharroꞌmar ñeñth ama Yomporeyeꞌ poꞌñoñ yexhatetso ñetñapaꞌ sasareꞌtenet tharroꞌmar ama es eñoteneto, eꞌñe atthet ñerraꞌm es berr ñeñth ama es eñotetso. Ateth moenaꞌyenetpaꞌ atethchaꞌ penet. Ñeñth ateth eñalletetsa ateth ñerraꞌm es berr; tsapathonethpaꞌ oꞌch rromoeñet. Oꞌch rromoetpaꞌ oꞌch moetset. Ñeñth ama Yomporeyeꞌ poꞌñoñ yexhatetsopaꞌ ñetpaꞌxhoꞌña esempowañen atthekmach aꞌkllatwarethterret.

2 San Pedro 2:15

Tharroꞌmar ñetpaꞌ oꞌ poeswerret ñeñth poktetsa. Oꞌ saꞌnmet Yompor nanak ellaphar. Ñetpaꞌ kothaꞌneñet ateth peꞌth Balaam ñeñth Beor poechemer. Ñapaꞌ awathpaꞌ añach kowen enteꞌth oꞌch phaꞌyesa ñeñth ama pokteyaye alloña ganeꞌth shonteꞌ kelle.