San Mateo 9:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Poesheñaꞌtetsña ñeñth etsotayenayeñ ñoñets ñeñth ateth anareth ñetñapaꞌ attha otatseꞌtyeset poeyoxhreto eꞌñe ñagattseta, ñeñthpaꞌ ateth otet: “Añ acheñerpaꞌ xha achmenan Yompor.”

San Mateo 9:3 Iomraidhean Croise

San Mateo 26:65

Korneshaꞌñapaꞌ ñeñtha eꞌmpaꞌ allentha rrarreꞌtan paꞌshtam eꞌñe patsrreꞌmoeñoth, ñeñthpaꞌ ateth ot: —Oꞌkaꞌye xha achmhareꞌtanña Yompor. Ñeñthepñapaꞌ amach yeꞌnatsche poꞌpsheñeñ ñeñthchaꞌ aꞌmethamphsoseꞌ. Theꞌ amaꞌt sapaꞌ oꞌkaꞌye seꞌmh ateth achmhareꞌtenan Yompor. ¿Errothenaꞌt senteñña sa?

San Mateo 7:29

Tharroꞌmar ñapaꞌ atarr kowen yexhatenanet ñerraꞌmrratheꞌ ñeñth allsensarethtetsa Partseshoth. Judioneshaꞌ paꞌmhchaꞌtaretherneshaꞌ ñeñth atarr etsotayenayeñ ñoñets ñeñth ateth anareth, ñetñapaꞌ ama eꞌñeyeꞌ attheyeꞌ yexhateneto.

San Marcos 14:64

Theꞌ amaꞌt sapaꞌ oꞌkaꞌye seꞌmh ateth achmhareꞌtenan Yompor. ¿Errothenaꞌt senteñña sa? Ñetña allowenetpaꞌ ateth otyeset: —Ña poꞌñoxhpaꞌ atarrkaꞌye nanak achmhareꞌtenan Yompor, pokteꞌñaxhoꞌ theꞌpaꞌ oꞌch semtsatach.

San Marcos 3:28

Jesúspaꞌ alla oterraneterr: —Napaꞌ oꞌch notas, poꞌñoxh allowen paꞌnamen sosyaꞌtsañexhno ñeñth ama pokteyeꞌ enteno Yompor amaꞌt ñamha achmhareꞌtannaꞌteñets ñeñthpaꞌ aphretnaꞌpoꞌ nenteñ.

San Marcos 3:29

Tharraña ñerraꞌm eseshaꞌ añ achmhareꞌteññañet Parets Poekamkëñ ñeñthñapaꞌ amakaꞌye aphretnaꞌpawoyeꞌ nenteñe. Ñeñthña poꞌchñaretpaꞌ amachkaꞌye aphretnaꞌpawoterro eꞌñe thayotheñ errponowañen.

San Marcos 7:21

Eꞌñe yeyoxhroth wena kothaphñats ñeñth amaꞌt mameshapaꞌ ama kowenayaye, ñeñthpaꞌ añ: chetapretannaꞌteñets thaporets, kañoreshaꞌteñets, moetsannaꞌteñets,

San Lucas 5:21

Otweꞌ atethpaꞌ añña fariseoneshaꞌ ñamha ñeñth atarr etsotayenayeñ ñoñets ñeñth ateth anareth judioneshakop, ñetñapaꞌ otatseꞌtet ñañeñeta: —Eseshaꞌwañakaꞌye oꞌ achmhareꞌtanña Yompor. Arr patsropaꞌ amaꞌt poesheñarra ama eñalleña ñeñth peretneneꞌ ochñarets, ñapthaña Yompor peretneneꞌ ochñarets.