San Mateo 9:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Elloñapaꞌ alla tomaꞌntaterraneterr ñeñth ateth yexhen judioneshaꞌ arr patsro, ñeñthoꞌmarña ateth otanet: —Yapaꞌ ñerraꞌm mellashañ yeshtampaꞌ amach yelltatsche emarr lletamtso. Tharroꞌmar amaꞌt ateth yephatseꞌchpaꞌ ñeñthpaꞌ eꞌñech orrena yellteñ tharroꞌmar ñeñth emarr lletamoetspaꞌ ñerraꞌm esempo yatsamaꞌtampespaꞌ xhach chellamaꞌta xhach martseꞌtatanña shetamtsosheꞌm. Ñeñthña yelltenpaꞌ alloꞌnach sen rrarrtseꞌtats nanak.

San Mateo 9:16 Iomraidhean Croise

San Mateo 9:15

Jesúsñapaꞌ alla tomaꞌntatanet, ateth otanet: —Ñeñth awaꞌñarethexhno all rrallmeꞌchapreteñet ñeñth errteꞌ senaꞌtetsa, ama pokteyaye oꞌch yotanet amach es serraꞌyesatsto. Amach yellkatatstaneto tharroꞌmar ateth koshapreteñet ñeñth senaꞌtetsa. Tharraña ñerraꞌm esempo machayotha saꞌnerranet ñeñth senaꞌtetsa, ñeñthña parro yemoetyena allempoña ñetpaꞌ eꞌñe poellkëñothet kexhpaꞌwerretchaꞌ poerrar, amach arrenayeꞌ enterreto. Ñeñthpaꞌ atthochña thoreꞌterret allempo Yomporekop eꞌñe poꞌñoxh. Arrpaꞌ allowa wañ ñeñth ateth Jesús tomaꞌntata ña senaꞌtostsa.

San Mateo 9:17

Jesúsñapaꞌ alla tomaꞌntaterraneterr poꞌpoñ ñeñth ateth yexhen judioneshaꞌ oꞌch yexhkatenet paꞌrrom orroth. Ñeñthoꞌmarña ateth otanet: —Amaꞌt poesheñarrotheyapaꞌ amach yeshatstoña vinos emasa mellashaꞌmhañ orrotho ñeñth ayexhkatareth paꞌrrom. Tharroꞌmar ñerraꞌm ateth yepeꞌpaꞌ oꞌch chasaꞌña vinospaꞌ xhach aꞌptsan orroth, vinosñapaꞌ eꞌñech shebwa, ñeñthña orrothpaꞌ amaꞌt mameshapaꞌ amach es sherberro. Añña ñerraꞌm emasa vinos, arrchaꞌña yesheꞌ emerra orrotho ñeñth ayexhkatareth paꞌrrom. Allochñapaꞌ amaꞌtchaꞌ chasaꞌ vinospaꞌ amach xha potsaꞌpsoña vinos, ñeñthpaꞌ allach yechen epoꞌmar. Ñeñthpaꞌ atthoña Jesúspaꞌ eñotatanet ña pokthaphña eꞌñe etserra.

San Marcos 2:21

Elloñapaꞌ oꞌ alla tomaꞌntaterraneterr ñeñth ateth yexhen judioneshaꞌ arr patsro ñeñthoꞌmarña ateth otanet: —Yapaꞌ ñerraꞌm mellashañ yeshtampaꞌ amach yelltatsche emarr lletamtso. Tharroꞌmar amaꞌt ateth yephatsechpaꞌ ñeñthpaꞌ eꞌñech orrena yellteñ tharroꞌmar ñeñth emarr lletamoetspaꞌ ñerraꞌm esempo yatsamaꞌtampespaꞌ xhach chellamaꞌta xhach martseꞌtatanña shetamtsosheꞌm. Ñeñthña yelltenpaꞌ alloꞌnach sen rrarrtseꞌtats nanak. Ñeñthpaꞌ atthoña Jesúspaꞌ eñotatanet ña pokthaphña eꞌñe etserra.

San Lucas 5:36

Elloñapaꞌ oꞌ alla tomaꞌntaterraneterr ñeñth ateth yexhen judioneshaꞌ arr patsro ñeñthoꞌmarña ateth otanet: —Ñewa, ñerraꞌm yechen epma yeshtam, patherr emarr ñamha poꞌpoñ mellashañpaꞌ amach yerrarratstoña emarr yeshtam alloch yelltaꞌ yeshtam mellashañ all rrarraꞌnen. Tharroꞌmar amaꞌt ateth yephatsechpaꞌ ñeñthpaꞌ eꞌñech orrena. Amaꞌt yeshtam emarrpaꞌ oꞌwañchaꞌ kowenta all yerrarreñ. Ñamha yeshtam mellashañ amaꞌt oꞌ yelltereñ emarropaꞌ amach alla kowenterro tharroꞌmar ñeñth allo oꞌ yellterpaꞌ ama mellashañekmayaye, ñeñthoꞌmarña amach ñeñthtatere. Ñeñthpaꞌ atthoña Jesúspaꞌ eñotatanet ña pokthaphña eꞌñe etserra.

San Juan 16:12

‘Shontemeñ ñeñthchaꞌ notaseñ tharraña theꞌ sapaꞌ amatheꞌ errothenoth xhaponaso seyoxhro.

1 Corintios 13:13

Ñeñthoꞌmar theꞌpaꞌ yeñoteñ eñall maꞌpa ñeñthchaꞌ ama awañañathtatso ñeñthpaꞌ añ: attho yeyemteña Yompor, ñamha attho yeyemteñoth yekwameꞌteñ ñeñth oꞌpatatenya, ñamha attho yemorrentannena. Tharraña añ maꞌpoꞌmarpaꞌ añña nanak sherbets Yomporekop attho yemorrenteña allowen acheñeneshaꞌ.

2 Corintios 9:12

Ñerraꞌm atethchaꞌ sepena es apaꞌyeseꞌ masheñneshaꞌ ñeñth ameꞌñetsa, ama eꞌñe añekpa sherbeno atthoch es sapoenanet ñeñth palltenet. Añekpaꞌnaña sherben atthoch ñetpaꞌxhoꞌña atarrchaꞌ xhoreꞌchet Yompor oꞌch ochet: “Parasyos, Nompore, pha yapateneꞌ ñeñth allpon yepalltena.”