San Mateo 9:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho13 Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop. Sokoppaꞌ añ poktetsa ñerraꞌm oꞌch awerrespaꞌ señotwerrepaꞌchña ñeñth ateth yexhateney añ Yompor poꞌñoñ ñeñth ateth anareth awathotheñ. Ñeñthpaꞌ ateth oteney Yompor: “Napaꞌ ama eꞌñe aña kowen nenteno oꞌch sapoenen sayara ñeñth semtsen nokop. Añeꞌnaña atarr kowen nenten oꞌch semoereña allowen samoꞌtseshaꞌ.” Faic an caibideil |
San Mateo 9:13
39 Iomraidhean Croise
Ñewa, añ ñoñetspaꞌ ñeñthña ateth oteꞌth Yompor awath: “Napaꞌ ama eꞌñe aña kowen nenteno oꞌch sapoenen sayara ñeñth semtsen nokop. Añeꞌnaña atarr kowen nenten oꞌch semoereña allowen samoꞌtseshaꞌ.” Ñerraꞌm xho xhennasañ seyoxhro ñeñth ateth oteney Yompor, amach erroth sotatscheña amaꞌt erraꞌtsena acheñer ñeñth eꞌñe pokteꞌ enten Yompor.
Allempoña Jesúspaꞌ ateth oterraneterr: —Sapaꞌ amaꞌt awathapaꞌ amaꞌtña selleyareña ñeñth ateth anwareth Yompor poꞌñoñ awathotheñ. Tharroꞌmar ñeñthpaꞌ ateth oten nokop, na atmaꞌntatareth mapoeꞌ. Ñeñthpaꞌ ateth oten: Añ mapoeꞌ ñeñth ama pokteyeꞌ entyeno ñeñth thomatyeneꞌ pokoll, ñeñthña theꞌpaꞌ oꞌ anarethterra ñeñthchaꞌ ello atarr kowen sherberrets eꞌñe ateth ñerraꞌm kellpach allo eꞌñe kowen echarr orratenet pokoll. Ñeñthpaꞌ Yomporkaꞌyeña ateth phateneꞌ, ñeñthoꞌmarña yapaꞌ eꞌñe kowen yenteñ. Arrpaꞌ allowa ateth tomaꞌntaterrerr Jesús eꞌñe ñañeña.
Sapaꞌ amaꞌtña selleyareña ñeñth ateth kellkëꞌth awath Moisés atthoch señoch amaꞌt ñeñth oꞌ kollaꞌwapaꞌ ñetñapaꞌ korretseta. Ñewa, all akellkareth tsachmoꞌr ñeñth eꞌñe ñotha wortets. Allothñakaꞌyeña Yomporpaꞌ eñoranaꞌtanaña Moisés; ñeñthpaꞌ atethkaꞌ otña Yompor allempo: “Napaꞌ ñeñthen Poꞌyomporer pen Abraham ñamha Isaac, ñamha Jacob.”
Ñerraꞌm xhoch yemorrenteña Yompor eꞌñe yeyoxhrokmañen eꞌñe yeñoteñowen, ñamha eꞌñe yekamkëñoth yemorreñchach eꞌñe yewamenkowen ñamha ñerraꞌm atarr yemorrenteña ñamha yamoꞌts eꞌñe ateth atarr yemorrentena yañeña, ñeñthkaꞌyeña atarr nanak sherbets. Ellokaꞌyeña metanaꞌtwenan allowen poꞌpoñexhno amaꞌt ayarraxhno ñeñth yemtsayen Yomporekop, amaꞌt ñamha allowen ñeñth yachamoen allo yesherbeñ Yompor.
Ateth eꞌmanet Jesús, ñañapaꞌ ateth tomaꞌntatanet: —Ñeñth eꞌñe womech entetsapaꞌ ñetpaꞌ ama eꞌneñetoña apartañ. Añña ñeñth atsnaꞌtetspaꞌ ñetñapaꞌ xhokma eꞌnenet ñeñthchaꞌ aꞌkrraterrawet. Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop.
Ñeñtha otwapaꞌ allempoñapaꞌ alla momaꞌwet allowenet. Allempoñapaꞌ oꞌ ayeꞌchoxhtatoñet Yompor, ateth otet: —Amaꞌt poꞌpoñ acheñ ñeñth ama judioneshayaye Yomporpaꞌ moeneñ oꞌch kothapeꞌcherret ello kowen alloch ñetpaꞌxhoꞌña korretsetach poksheñeshokmañen eꞌñe thayotheñ errponañowen. Allowa ñeñth ateth pha Pedro ñamha Cornelio.
Pedroñapaꞌ ateth otanet: —Theꞌpaꞌ aña poktetsa ñeñthchaꞌ seperra allowenes. Theꞌ sellkëñoth oꞌch sokthapeꞌcherr ello kowen Yomporekop. Allochñapaꞌ Yomporpaꞌ peretnaꞌwerrnaschaꞌ soꞌchñar. Eꞌñe sameꞌñeñoth Jesucristo añ pokteꞌ theꞌ oꞌch sapatarethterra Partsokop. Allochñapaꞌ Paretspaꞌ chorraterrsach Poekamkëñ.
Poesheñaꞌtets acheñpaꞌ otenet oꞌ meten shonteꞌ char amoꞌ werro. Tharraña yapaꞌ yeñoteñ Yepartseshar xhokmach aꞌpoktatan poꞌñoñ oꞌch werra. Yapaꞌ yeñoteñ tharroꞌmar amoꞌ werro añ kowen ñatoꞌ esempoch oꞌch yokthapeꞌchwerr ello kowen Yomporekop alloweney. Ñapaꞌ nanak moerenya ama moeno amaꞌt eseshapaꞌ oꞌch chenkërra.
Sanasan