San Mateo 9:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allothña Jesúspaꞌ aꞌterr noñthopaꞌ pechaterra, xherr anetso all aꞌpoena.

San Mateo 9:1 Iomraidhean Croise

San Mateo 4:13

Xherr Galileopaꞌ ama aꞌpowerro anetso Nazareto, arraña serr Capernaumo, allña yexhaꞌwerra. Ñeñth Capernaumpaꞌ eꞌñe saꞌpatophñoꞌtsen, allara ñeñth otenet Zabulónnaneshaꞌ paꞌnetser ñamha Neftaleneshaꞌ paꞌnetser.

San Mateo 7:6

Jesúspaꞌ ateth oterraneterr poꞌpoñ: —Ñeñth ama kexhpoenaye pachmhareñ ñamha pathpareñ amach alla seserrpareꞌtaterraneteꞌthe Parets poꞌkowenña. Tharroꞌmar ñetpaꞌ attha penet ñerraꞌmrratheꞌ ochek. Ñewa, ochek ñerraꞌm esempo amaꞌtchaꞌ atarr kowen yaphpaꞌ yaꞌnach rremaꞌpes xhach axhotaꞌteypaꞌ oꞌch shetsay. Ñamha amaꞌt ateth ñerraꞌm chañcho ñerraꞌm esempo es yenaꞌ ñesho amaꞌtchaꞌ atarr kowen yenten ya, yeser, chañchoñapaꞌ atthach athmamaꞌtamphsey tharroꞌmar chañchopaꞌ ama esoyeꞌ entenano amaꞌt ñeñth atarr kowen.

San Mateo 8:18

Poꞌpocheño allempo Jesúspaꞌ entapoenanerr shonteꞌ acheñeneshaꞌ xha emchorraꞌweñerr, ñañapaꞌ ateth otan poeyochreshaꞌ: —Theꞌpaꞌ oꞌch awamphsey yomhtaꞌn.

San Mateo 8:23

Allempoña Jesúspaꞌ aꞌtapos noñtho poeyochreshaꞌñapaꞌ kothaꞌwanmet, awamphset rroxhaꞌsoneth atarr saꞌpo.

San Marcos 5:21

Allempoñapaꞌ awamperrerr Jesús noñtho, oꞌ alla xherrerr añemhtaꞌn alloth ta awaña. Allñapaꞌ oꞌ alla emchorraꞌwererr shonteꞌ acheñeneshaꞌ eꞌñe all saꞌpatophño.

San Lucas 8:37

Allempoña allowen acheñeneshaꞌ ñeñth yexhaꞌyetsa all ñeñth gadaroꞌmarneshaꞌ ñetñapaꞌ poeyorñothet ateth otoset Jesús: —Theꞌpaꞌ oꞌch awerreph arroth. Allempoña Jesúspaꞌ aꞌterr noñtho oꞌch awerr.

San Lucas 8:40

Allempoña alla xherr Jesús añemhtaꞌn alloth ta awaña. Acheñeneshaꞌña allpaꞌ eꞌñe poksheñeshaꞌ agapapoeñet tharroꞌmar oꞌ atarr koweret oꞌch werra.

El Apocalipsis 22:11

Tharraña eꞌñe allempotheñ allowen ñeñth ama kowenayeꞌ es petso ñeñthpaꞌ alloꞌnepaꞌch senet phatseꞌtyeset ñeñth ama kowenayeꞌ enteno Yompor. Allowenet ñeñth añach yexhenet sosyaꞌtsañexhno, ñetpaꞌ alloꞌnepaꞌch senet yexhkatyesnomoet ñeñth atarr sosyaꞌtsañexhno. Tharraña allowen ñeñth eꞌñech kowen es phaꞌyenetpaꞌ ñetñapaꞌ alloꞌnepaꞌch senet eꞌñe kowen es phaꞌyestset. Ñamha allowen ñeñth maꞌyoxhrenaya ñeñth attho sherbeñet Parets, ñetpaꞌxhoꞌña alloꞌnepaꞌch senet maꞌyoxhrenet ñeñth atarr kowen enten Parets.