San Mateo 8:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Capitánña poepatareꞌteñothpaꞌ ateth och: —Na Nomporchaꞌpaꞌ ama kowenayayno atthoch pebeꞌthosapoꞌtampesna nepakllo. Arrothach phot: “Amaꞌtpaꞌ korrerrepaꞌ peñañra”, neñañrañapaꞌ akrrerrocheꞌch.

San Mateo 8:8 Iomraidhean Croise

San Mateo 3:11

Elloña Juanpaꞌ ateth oterraneterr: —Ñeñthes kothapeꞌcherreꞌ kowen Yomporekop napaꞌ amaꞌt eꞌñe poꞌñoxh napatensoñ Yomporekop, napaꞌ eꞌñekaꞌye oñochaya napatenes. Tharraña Cristo ñeñthchaꞌ wapatsa chentaꞌpaꞌ ñapaꞌ añchaꞌkaꞌye chorratossa Parets Poekamkëñ ñeñth ateth ñerraꞌm tsoꞌ. Ñapaꞌ ñeñth atarr awamenkatheshaꞌ nañapaꞌ ama tama awamenkatheyayno. Ñapaꞌ ñeñthña atarr sherbets, nañapaꞌ ama es nesherbeno atthoch amaꞌt poꞌsapatapaꞌ oꞌch nanmoñ.

San Mateo 3:14

Juanñapaꞌ eñoratsa xha moeneñeñ oꞌch emman Jesús. Ñeñthpaꞌ ateth otaph: —Ama pokteyaye oꞌch napatapaph pha, añña poktetsa phachña napatoseꞌ. Phapaꞌ esoꞌmarwachñakaꞌye phonña nesho, phakaꞌyeña ñeñtheph atarr sherbets.

San Mateo 8:3

Jesúsña anretapaꞌ allentha aꞌphlleꞌ, ateth och: —Napaꞌ nemneñkaꞌye, metwerrepaꞌña peptsarña allochñapaꞌ atthoch eꞌñe kowen entwerreph allowen acheñeneshaꞌ. Yakmañapaꞌ allorokmoepaꞌtchaꞌ metwerña poeptsarñapaꞌ xha kowenterrtsa.

San Mateo 8:7

Jesúsñapaꞌ ateth och: —Amaꞌtpaꞌ napaꞌ oꞌch awen oꞌch naꞌkrrateraꞌ.

San Mateo 8:9

Tharroꞌmar napaꞌ ñeñthen ñeñth ateth petsa ñeñth ateth otenen ñeñth neyechenaya na. Napaꞌxhoꞌña eñall ñeñth neyechena namha ñeñth nesolltarer nepen. Ñerraꞌm poesheñarr solltar noteñ: “Phapaꞌ oꞌch aweph aꞌyo”, ñañapaꞌ oꞌchxhoꞌ awoꞌ. Ñamha poꞌpsheñeñ solltar ñerraꞌm noch: “Phapaꞌ aphon arr”, ñañapaꞌ oꞌchxhoꞌ wapa. Ñamha poꞌpsheñeñ naꞌtarwasañer ñerraꞌm noch: “Phapaꞌ arrchaꞌ petarwasaꞌmoen”, ñapaꞌ allchaꞌxhoꞌ tarwasaꞌmoen. Ñeñthoꞌmarña napaꞌ neñoteneph ñerraꞌm errothen photenpaꞌ eꞌñechkaꞌye ateth pena.

San Lucas 15:19

Napaꞌ ama kowenayayno atthoch pechemer pephapoerren. Theꞌ napaꞌ aña poktetsa nokop phapaꞌ phaꞌtarwasañrach pephapoerren.”

San Lucas 15:21

Poechemerñapaꞌ ateth otweñ: “Apachaꞌ, napaꞌ oꞌ nephowa ñeñth ama kowenayaye Yomporekop amaꞌt ñamha phokop. Na theꞌpaꞌ ama kowenayayno atthoch pechemer pephapoerren.”

San Lucas 5:8

Allempoña ateth eñch Simón Pedro ñañapaꞌ pomaꞌyorñekma ponmana Jesús, konkorposa paꞌrrphoth, all otos: —Amach Partseshachaꞌ alloꞌna peyemtatsetnenno tharroꞌmar napaꞌ ñeñthen atarr ochñathen.

San Juan 1:27

Ñapaꞌ amaꞌtchaꞌ chenta wapapaꞌ ñapaꞌ ñeñthkaꞌyeña ello atarr sherbets; nañapaꞌ ama es nesherbeno atthoch amaꞌt poꞌsapatrexhapaꞌ oꞌch nepyampes.