San Mateo 8:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ ñeñthpaꞌ ateth otos: —Nomporchaꞌ nepakllopaꞌ atarr paꞌnathtenapa neñañra. Alla phanena poꞌmayo nanak moeroxhtena xha echarrtena.

San Mateo 8:6 Iomraidhean Croise

San Mateo 4:24

Attheñapaꞌ eꞌmareꞌtwet errapharen amaꞌt Sirioꞌmar. Wapatyesoñet allowen ñeñth moeroxhtatyen atsnañets. Wapatyesoñet ñeñth osyen paꞌnamen atsnañets ñamha ñeñth atserrphañaxhno. Wapatyesoñet ñamha ñeñth chorraꞌyena oneñeth ñamha ñeñth othañaxhno ñamha echarrtañaxhno. Allowenetpaꞌ ñañapaꞌ eꞌñe aꞌkrratyeswerranet.

San Mateo 8:7

Jesúsñapaꞌ ateth och: —Amaꞌtpaꞌ napaꞌ oꞌch awen oꞌch naꞌkrrateraꞌ.

San Mateo 9:2

Allñapaꞌ wapatamphsoñet echarrtaña, poecheknapeꞌna. Jesúsñapaꞌ eñotapanet ñetpaꞌ atarr nanak yemteñet. Allempoña ñapaꞌ otapan echarrtaña: —Xhochña neyochre phoksherra tharroꞌmar theꞌ ñeñth phoꞌchñarpaꞌ aphretnaꞌwarethterra.

Los Hechos 10:7

Ñeñtha otwapaꞌ oꞌ awerr. Awerrpaꞌ Cornelioñapaꞌ xhoreꞌtan epsheña ñeñth tarwasets eꞌñe alla pokollo, xhoreꞌtan ñamha poesheñarr poꞌsolltarer ñeñthpaꞌ aña poꞌtarwas penet atthoch kowampeñet poꞌcapitánret. Añpaꞌ ñeñth kowen kothapeꞌchets Partsokop ñamha.

Los Hechos 8:7

Shonteꞌ acheñ ñeñth chorraꞌyeseꞌth oneñeth allempopaꞌ eꞌñe kexhpatyesweretña oneñeth attho chorrenana acheñ. Allempo kexhpatyesweret oneñethñapaꞌ oꞌch rranareꞌtnoma. Ñamha shonteꞌ acheñ ñeñth echarretyestseꞌthpaꞌ oꞌ korraꞌwerret. Amaꞌt ñeñth chekareꞌpayestseꞌthpaꞌ oꞌ aꞌkrratyeswawerranet Felipe.

Los Hechos 9:33

Allñapaꞌ entosan poesheñarr yakma añ paꞌsoꞌcheñ Eneas. Ñapaꞌ awathotheñ echarrtena alla phanena oꞌ posok char.

Colosenses 3:11

Attho yetserrataterr yokthaphña Cristokop, yaña alloweneypaꞌ eꞌñechkaꞌye atthekma poechemer phoweneyña Yompor. Ñeñthoꞌmarña yokoppaꞌ ama eñalleña atthoch yotarethta yapaꞌ poꞌpoñoꞌ acheñrey, yapaꞌ ellopaꞌtetstataretheyoꞌ añoꞌ judioneshayayye, añoꞌ atsorraretheyayye, ñamha poꞌpoñoꞌ acheñrey ñeñth awapña poꞌpoñ anetsoth ñamha ñeñtheyoꞌ yapaꞌ añoꞌ es yeñoteno ñamha ñeñth acheñrey ñeñtheyoꞌ atarwasatarethey eꞌñe attha ñamha ñeñth acheñrey eꞌñe kowenoꞌtseney, tharroꞌmar Cristopaꞌ ñeñthkaꞌyeña eꞌñe allowenakpay, ñapaꞌ ña eꞌñe yechorraꞌwenaya alloweney paꞌnamen acheñrey ñeñth parrokmatenaya.

Colosenses 4:1

Ñamha sapaꞌ oꞌch notas samha ñeñthes pamoꞌmteꞌ pen ñeñth setarwasaten. Sapaꞌ atethchaꞌ sepeꞌña saꞌtarwasañer ñeñth eꞌñe pokteꞌ entenet ñet. Ñamha sapaꞌ señochepaꞌch sapaꞌxhoꞌña sechenkaꞌyeña Samoꞌmteꞌ ñeñth poeꞌntañoꞌtsen.

1 Timoteo 6:2

Ñamha ñeñth atarwasatareth eꞌñe attha, ñerraꞌm poꞌpatronarpaꞌ ameꞌñenet ñametpaꞌ elloña allempopaꞌ amach athpareꞌtatscheto amaꞌt mamesha, tharroꞌmar oꞌ paꞌmoꞌnasheñ peret eꞌñe pameꞌñeñothet Yompor. Amach otaphsaꞌtatsteto “theꞌpaꞌ amaꞌtchaꞌ ama eꞌñe nameꞌñyo nepatronarñaꞌ oꞌ ameꞌñerrapaꞌ amach erroth phaꞌno.” Elloña theꞌpaꞌ eꞌñech yemorrenteñeshaꞌ yesherbeñ yemoꞌnasheñ eꞌñe kowen. Masheñe Timoteo, añpaꞌ xhokmach peyxhatanet, ñamha oꞌch photanet ñeñthchaꞌ ateth pet.

Filemón 1:16

Theꞌpaꞌ oꞌwañchaꞌ ateth peñch ñerraꞌmrratheꞌ phaꞌtarwasañra pepeñ ñeñth ama esoyeꞌ penteꞌthe. Theꞌpaꞌ eꞌñechña ateth penter ñerraꞌmrratheꞌ eꞌñe pemoꞌnasheñ ñeñth atarr pemorrentena. Napaꞌ atarr nemoereña elloña phapaꞌ oꞌch atarr pemoerya nanak tharroꞌmar ñapaꞌ ama eꞌñe attha pemoꞌnasheñ pepeñe ateth yephannena alloweney acheñey, theꞌñapaꞌ eꞌñe yameꞌñeñoth Yompor oꞌch eꞌñe pemoꞌnasheñtera eꞌñe poktakma.