San Mateo 8:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Allempoña xherr Jesús Capernaumopaꞌ allñapaꞌ wapoña poesheñarr solltar poꞌkaphtaner, ñeñthñapaꞌ romoꞌmarneshaꞌ ama judioneshayaye. Ñañapaꞌ atarr otareꞌtosan Jesús,

San Mateo 8:5 Iomraidhean Croise

San Mateo 11:23

Ñamha sa capernaumoꞌmarneshachaꞌ xhatheꞌ sotenapañ attho eꞌñe kowen sentyena sañeña, Yomporñapaꞌ allenthach aꞌtapaterres poeꞌntaño. Ñeñthpaꞌ amachkaꞌye attheyeꞌ perrsoña Yompor, allachkaꞌye waporeꞌterres oꞌpono koñchaꞌpoetso all parraren tsoꞌ. Tharroꞌmar amaꞌt atarr norrtatonaseñ nepartsoña sesho, sañapaꞌ amaña semnoña oꞌch sokthapeꞌcherr kowen Yomporekop. Ñerraꞌm arrchaꞌ ñanom norrtatañ awathotheñ nepartsoña sodomoꞌmarneshesho ñetpaꞌ allorokmatheꞌ kothapeꞌcherretañ kowen Yomporekop. Allempopaꞌ amatheꞌ aꞌpoyatatarethterretañeña paꞌnetser. Oratheꞌ alloꞌtsenaraña.

San Mateo 27:54

Eꞌñe allempo rroma Jesús, solltarneshaꞌña epoet poꞌkaphtaner ñeñth allpon kowampeneꞌ Jesús, ñetñapaꞌ eꞌñe enteñet ñeñth ateth phaꞌyesa allempo, attho pella pats. Ñeñthoꞌmarña ñetpaꞌ atarr yorenet. Allempoñapaꞌ ateth otet: —Poꞌñoxhwakaꞌye añmapaꞌ Partsepaꞌtkaꞌye Poechemer.

San Mateo 4:13

Xherr Galileopaꞌ ama aꞌpowerro anetso Nazareto, arraña serr Capernaumo, allña yexhaꞌwerra. Ñeñth Capernaumpaꞌ eꞌñe saꞌpatophñoꞌtsen, allara ñeñth otenet Zabulónnaneshaꞌ paꞌnetser ñamha Neftaleneshaꞌ paꞌnetser.

San Mateo 9:1

Allothña Jesúspaꞌ aꞌterr noñthopaꞌ pechaterra, xherr anetso all aꞌpoena.

San Marcos 15:39

Capitánña ñeñth romoꞌmarneshaꞌpaꞌ ñeñth thets allameꞌtets ñañapaꞌ eꞌñe entenan Jesús attho rroma, allempoña ñapaꞌ ateth ot: —Poꞌñoxhwakaꞌye añ acheñerpaꞌ Partsepaꞌtkaꞌye Poechemer.

San Marcos 2:1

Oꞌña met allponmat Jesúsñapaꞌ oꞌ alla xherrerr anetso Capernaumo. Acheñeneshaꞌñapaꞌ eꞌmareꞌchet oꞌ alla xherrerr pokollo.

Los Hechos 22:25

Allempoñapaꞌ oꞌ wankët Pablo atthoch ashtet. Wankaꞌwet Pabloñapaꞌ otan capitán ñeñth thets allameꞌtets: —Taꞌ, ¿pokteꞌt senteñ oꞌch sashteꞌ acheñ ñeñth romanonaꞌtar, ñamha ama señoteñaꞌ ñeñth ateth pena? Ñoñets ñeñth ateth anareth Romothpaꞌ taꞌ, ¿pokteꞌtheꞌ?

Los Hechos 23:17

Allothña Pablopaꞌ oꞌ xhoreꞌtan poesheñarr capitán, ateth och: —Añ wepoeshaꞌpaꞌ oꞌch phanemh alloꞌtsen phaꞌmhchaꞌtarether tharroꞌmar ñapaꞌ atarr moeneñ oꞌch es aꞌmethenaꞌ.

Los Hechos 23:23

Allempoña amhchaꞌtarethpaꞌ agotatan epsheña poꞌcapitáner. Allempoña oꞌ xhapoetpaꞌ ateth otapanet: —Cherraꞌch a las nueve tsappaꞌ oꞌch sekamrat doscientos solltarneshaꞌ ñamha setenta ñeñth montenaya kawall, allothpaꞌ ñamha doscientos ñeñth orreneꞌ moetsamets alloch kellaret. Allothpaꞌ oꞌch sanem patherr kawall amapaꞌ epa alloch montaꞌnma Pablo. Allothñapaꞌ oꞌch sawanma Cesareo atthoch sexhapach kowen Pablo alloꞌtsen gobernador Félix.

Los Hechos 27:13

Allempoñapaꞌ oꞌ wapa mhorr poꞌpshemhtañoth, tharraña ñeñthpaꞌ mamesha mhorraren. Allempoñapaꞌ otyeset: —Theꞌpaꞌ pokteꞌ oꞌch awerryerr. Allempoñapaꞌ oꞌxhoꞌ cheterret ñeñth rremoeneꞌ botepaꞌ oꞌxhoꞌ awamperryerr. Allothñapaꞌ eꞌñe tophñaꞌsoꞌmara yoñmampes allara anetso Creta.

Los Hechos 27:31

Allempoña Pablopaꞌ eñotanet ateth kothapeꞌchen ñeñth tarwasets botopaꞌ ateth otan capitán ñamha poꞌpoñexhno solltarneshaꞌ ateth otanet: —Ñerraꞌm ama alla aꞌpoeto botopaꞌ sapaꞌ amatheꞌ errothenoth sekeshperro amaꞌt poesheñarrothesa.

Los Hechos 27:43

Tharraña capitánpaꞌ nanak moeneñ oꞌch aꞌkeshphatan Pablo ñeñthoꞌmarña ama moenataneto oꞌch moetsanachet. Ateth otanet: —Ñerraꞌm eseshaꞌtheꞌ eñoteneꞌ pathatsapaꞌ oꞌch sepatha sanom atthoch sephchata yomhtaꞌn.

Los Hechos 9:38

Allempoña ñeñth ameꞌñetsa allpaꞌ oꞌ eꞌmareꞌchet Pedro allameꞌttsoꞌtsena all anets Lido. Oꞌ eꞌmareꞌchetpaꞌ oꞌ moeñet epsheña yakma atthoch oteñetaꞌ onepaꞌ all allorokma. Allempoña xhapoet Pedreshopaꞌ