San Mateo 8:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Allñapaꞌ wapoña poesheñarr ñeñth osen poetsarñats ñeñth otenet lepra. Xhap Jesúseshopaꞌ allentha konkorposana Jesúspaꞌ ateth otos: —Ayochreshathe ñerraꞌm pha moenats phapaꞌ ñeñtheph atarr awamenkatheshaph phaꞌkrratayeꞌcherren allochñapaꞌ atthoch eꞌñe kowen entwerren acheñeneshaꞌ.

San Mateo 8:2 Iomraidhean Croise

San Mateo 10:8

Ñamha alla oterranerr poeyochreshaꞌ: —Ñeñth atsnaꞌtyetspaꞌ saꞌkrratyesnomanetchaꞌ, ñeñth rromayetspaꞌ setantatyesnomhchaꞌ, ñeñth osyen poetsarñatspaꞌ saꞌkrratyesnomhchaꞌ atthoch eꞌñe kowen entwerranet acheñeneshaꞌ, sekexhpatatyeschaꞌ ñamha oneñethexhno ñeñth chorraꞌyenaya acheñeneshaꞌ. Sapaꞌ eꞌñe attha aparethes womenkñats attho es kowen sorrtatyen Yomporekop, ñeñthoꞌmarña sapaꞌxhoꞌña eꞌñech attha sapaꞌyesanet samha, amach secobratstaneto ñeñth ateth oꞌ sephaꞌyesanet.

San Mateo 13:58

Ama ameꞌñeñeto ñeñthoꞌmarña allpaꞌ ama atonocheyeꞌ orrtataneto poꞌpartsoña.

San Mateo 14:33

Ñeñthña noñthoꞌtsaꞌyenpaꞌ allenthepaꞌtchaꞌ konkorpanrrortanaꞌtapetpaꞌ ateth otyeset: —Poꞌñoxhepaꞌt phapaꞌ eꞌñe Parets Poechemereph.

San Mateo 15:25

Koyaneshaꞌña ñeñth ama israelenaꞌtareyayepaꞌ ñañapaꞌ allentha on eꞌñe ñesho konkorposñañapaꞌ ateth otos: —Xhoña Nepapareshachaꞌ pebensamphsayeꞌcherrnan nakñeꞌther.

San Mateo 18:26

Allempoñapaꞌ allentha konkorpanaꞌcha paꞌtarwasañer ñeñth tebeneꞌ, ñeñthpaꞌ ateth otareꞌch: “Amach nomporchaꞌ pemaꞌyoreꞌtatsetno, netsaꞌtwerrphach akopha.”

San Mateo 2:11

Allempoñapaꞌ oꞌ beꞌthososet pokollo, allña entoset cheshatholl epoet pachor María. Konkorpanaꞌtosyetpaꞌ maꞌyochosyet. Torampesyesoset poꞌtsapotpaꞌ aposet eꞌñe attha oro, aposet tsach poeseꞌ ñeñth atarr eñmosath. Aposet ñamha eñmosath poerets.

San Mateo 20:20

Allempoñapaꞌ ponmosya ñeñth pachor pen Jacobo ñamha Juan ñeñth Zebedeo poechemereshaꞌ. Wapa epoet epsheñoꞌmar poechoyor, ñañapaꞌ konkorpanaꞌtosana Jesús atthoch es enamos.

San Mateo 26:6

Pamtharrña Jesúspaꞌ Betanioꞌtsen all Simón paꞌpakllo, ñeñthña Simónpaꞌ ñeñth oseꞌth poetsarñats.

San Mateo 28:17

Allempo entosetpaꞌ ñetñapaꞌ xha konkorpaꞌrretyesoset. Poesheñaꞌtetsñapaꞌ xha echarrtanet poeyoxhro.

San Mateo 28:9

Mataxhetsetpaꞌ Jesúsñapaꞌ awepaꞌtchaꞌ poktanet, womhchaꞌtapanet. Ñetñapaꞌ allentha ponemhyet, rromoset paꞌrrphoth konkorposñañet.

San Mateo 4:9

Oneñethñapaꞌ alla otwererr: —Ñerraꞌm na pemaꞌyocheñothen oꞌch pekonkorpanaꞌtna, napaꞌ napaphchaꞌ ora allowen ñeñth kowen pentyen arr.

San Mateo 8:1

Allempoña err Jesús aspenthothpaꞌ kothaꞌwanererr acheñeneshaꞌ nanak shonteꞌ.

San Mateo 8:25

Attheña poeyochreshaꞌñapaꞌ ponemhyet Jesús all moenpaꞌ opoeret ateth ochet: —¡Phaꞌkeshphatayeꞌchey Ayochreshathe poꞌñoxhwachkaꞌye yokllaꞌwerratheꞌ!

San Mateo 9:18

Allempo ateth eñorena Jesúspaꞌ wapa ñamha poesheñarr ñeñth amhchaꞌtarethtetsa judioneshakop, konkorposñañapaꞌ ateth otos: —Nesñeñpaꞌ eꞌñe errteꞌ rromoets. Tharraña amaꞌt oꞌ rromañpaꞌ theꞌpaꞌ oꞌch phoktherren, amaꞌt atthapaꞌ oꞌch phaꞌphlleñaꞌ phototh atthoch oꞌch alla korrerra.

San Lucas 4:27

Elloña oꞌch alla neyerpaterrserr poꞌpoñ ñeñth ateth peꞌth ñamha Eliseo, ñapaꞌxhoꞌña ñeñth aꞌmhtayeꞌth Yompor poꞌñoñ awath. Ñewa, allempopaꞌ shonteꞌ israelenaꞌtarneshaꞌ ñeñth osyen poetsarñats ñeñth otenet lepra all anetso Israel all yexheꞌth Eliseo. Tharraña amaꞌt attheñ amaꞌt poesheñarrothapaꞌ ama aꞌkrratereña Eliseo eꞌñe all Israelo. Ñapaꞌ aña aꞌkrraterr ñeñth poꞌpoñenaꞌtar acheñ ñeñthpaꞌ añ paꞌsoꞌcheñ Naamán ñeñthpaꞌ poꞌpoñ anetsoꞌmarneshaꞌ; ñeñth paꞌnetser penpaꞌ añ paꞌsoꞌcheñ Siria.

San Juan 9:38

Ñañapaꞌ allentha konkorpa ñeshopaꞌ ateth otererr: —Nameꞌñerrphach, Partseshachaꞌ.

Los Hechos 10:14

Pedroñapaꞌ ateth ot: —Ama, Nomporchaꞌ, nerreñe. Napaꞌ amaꞌt awathapaꞌ ama nerrare ñeñth ama arrapawoyaye ateth yeyxhena ya ñeñthey judioneshay.

Los Hechos 10:25

Oꞌ wapa Pedro. Oꞌ wapapaꞌ Cornelioñapaꞌ oꞌ tantnoma atthoch oꞌch poktaph. Oꞌ konkorposñaña oꞌch maꞌyochaphya.

1 Corintios 14:25

Allempoñapaꞌ ñatoꞌ oꞌch yoreꞌtanet poꞌchñaret ñeñth kothapeꞌchatyenawet poeyoxhro eꞌñe aꞌnawa ñatoꞌ poellkëñothetpaꞌ oꞌch konkorpoet ñatoꞌ oꞌch agëret ñamet Yompor. Tharroꞌmar ñatoꞌ allempopaꞌ oꞌch ot: “Poꞌñoxhepaꞌt Yompor seꞌñoratyeneꞌ.”

El Apocalipsis 19:10

Nañapaꞌ nekonkorposa mellañotheñ paꞌrrpho ñeñth neserrpareꞌtateneꞌ oꞌch nemaꞌyochyañ, tharraña ñapaꞌ ateth oten: —Napaꞌ amach pemaꞌyochatsetno, napaꞌ añana ñeñthen pethorrapretenaya Yomporekop ñamha allowen pemoꞌnasheñneshaxhno ñeñth serrpareꞌteneꞌ attho ameꞌñeñet Jesús. Phapaꞌ añchaꞌña pemaꞌyocha Yompor ñapoeth. Tharroꞌmar allowen ñeñth aꞌmhteneꞌ Yompor poꞌñoñ, eꞌñe ña Poekamkëñothpaꞌ añ serrpareꞌtenet ñeñth attho yameꞌñeña Jesús.