San Mateo 8:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Ñeñthe yethrokma allempo ellerrenpaꞌ waxhaꞌtateññañeterr shonteꞌ ñeñth chorraꞌyena oneñeth. Jesúsñapaꞌ eꞌñe poꞌñoñotha kexhpatwerranet oneñeth ñeñth chorraꞌyenawet. Ñamha allowen ñeñth atsnaꞌtyetspaꞌ oꞌ aꞌkrratyesapanet.

San Mateo 8:16 Iomraidhean Croise

San Mateo 12:22

Jesúspaꞌ alla wapaterrñañeterr poesheñarr yakma ñeñth aporoꞌyeth ñeñth chorrena oneñeth xha opanatateñ. Jesúsñapaꞌ aꞌkrrataph, ñeñthña opanerpaꞌ oꞌ alla eñorerra, ñamha oꞌ eꞌñe kowen kowerr.

San Mateo 14:14

Allempoña sewosa Jesús noñthothpaꞌ alla entwerraneterr oꞌ alla shontaꞌwerrerr acheñeneshaꞌ. Ñañapaꞌ atarr nanak moeraꞌwerraneterr. Allñapaꞌ oꞌ alla aꞌkrratyeswerraneterr patsnañether.

San Mateo 8:15

Jesúsñapaꞌ allentha aꞌphllosñañ potpaꞌ xha metwerretsña poꞌwrateña. Allentha tantapaꞌ oꞌ yemaꞌtallmeꞌchapha.

San Mateo 8:33

Acheñeneshaꞌña ñeñth kowampeneꞌ chañcho, ñetñapaꞌ allentha matrraꞌtet ñamet poꞌyorñoth, awanmoet anetso. Allñapaꞌ serrpareꞌtyesoset ora ateth oꞌ perra ñeñth chorraꞌyeseꞌth oneñeth.

San Mateo 9:2

Allñapaꞌ wapatamphsoñet echarrtaña, poecheknapeꞌna. Jesúsñapaꞌ eñotapanet ñetpaꞌ atarr nanak yemteñet. Allempoña ñapaꞌ otapan echarrtaña: —Xhochña neyochre phoksherra tharroꞌmar theꞌ ñeñth phoꞌchñarpaꞌ aphretnaꞌwarethterra.

San Marcos 2:3

Attheñapaꞌ wapatamphsoñet ñamha echarrtaña ñeñthñapaꞌ paꞌtatssheña ñeñth anmampeneꞌ poecheknaphoth.

San Marcos 9:25

Allempoña Jesúspaꞌ entapan shonteꞌ acheñeneshaꞌ ñeñth mataxhetsa ñeshoneth, ñañapaꞌ allentha otan oneñeth: —Pha oneñethe, opanatatañeph, aꞌpaketatañeph, theꞌñapaꞌ oꞌch notaph: Pekexhpaꞌner cheshachor eꞌñe thayekma, amaꞌt errponaña amach alla pechorrereꞌthe.

San Lucas 13:12

Jesúsñapaꞌ all eñchpaꞌ oꞌ xhoreꞌtospaꞌ ateth och: —Noxha theꞌpaꞌ pasaterrephchaꞌ ñeñth attho atarr pemoeroxhtena.

San Lucas 4:40

Ñeñthe yethrokma allempo oꞌ emoena atsneꞌpaꞌ acheñeneshaꞌña allowenet ñeñth atsnaꞌtyets pamoꞌtseshaꞌ ñetñapaꞌ oꞌ wapatyesnenet atsnañeth eꞌñe Jesúsesho. Ñañapaꞌ naꞌyesapanet pot ñesheto poesheñaꞌttset, atthoña aꞌkrratyesapanet allowenet.

San Lucas 4:41

Ñamha shonteꞌ acheñeneshaꞌ kaxhpatatyesapanet oneñeth ñeñth poerranaroth otnomoeꞌ Jesús: —Phapaꞌ ñeñtheph eꞌñe poꞌñoxh Parets Poechemereph. Tharraña Jesúspaꞌ aꞌmtsoñeñtanet, ama moenataneto oꞌch eñoranaꞌtnomet, tharroꞌmar ñetpaꞌ eꞌñe eñotnomet ñapaꞌ ñeñth Cristotets.

Los Hechos 5:15

Añña ñeñth atsnaꞌtyetspaꞌ oꞌ anmet aꞌyeneth allekma chopeñeꞌchenet. Allñapaꞌ oꞌ phanrraꞌtyesoset topantso, ñamha poesheñaꞌtetspaꞌ ñatoꞌ ora poꞌmayeꞌna. Tharroꞌmar anmarethetyeset allekma chopeñeꞌchenet allochñapaꞌ ñerraꞌm macheꞌ wena Pedropaꞌ eshekchaꞌ amaꞌt paꞌchoyesheꞌma poꞌpomaꞌmteñapaꞌ xhapchaꞌ ñesheto, ñatoꞌ atthothpaꞌ oꞌch korrerret.