San Mateo 8:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allempoña err Jesús aspenthothpaꞌ kothaꞌwanererr acheñeneshaꞌ nanak shonteꞌ.

San Mateo 8:1 Iomraidhean Croise

San Mateo 12:15

Jesúsña eñotanetpaꞌ awerr alloth. Shonteꞌ acheñeneshaxhno kothaꞌwanereterr. Allowen ñeñth atsnaꞌtyetspaꞌ eꞌñe aꞌkrratyeswerranet.

San Mateo 15:30

Allñapaꞌ alla waxherrñañerr shonteꞌ acheñeneshaꞌ. Wapatyerrñañeterr chekaꞌrepaxhno, mankoxhno, aporoꞌyethexhno, opananeshaxhno ñamha wapatoñet shonteꞌ poꞌpotantañexhno. Ñeñthñapaꞌ alla nanatyesosñañet paꞌrrphoth. Ñañapaꞌ eꞌñe aꞌkrratyeswerranet.

San Mateo 19:2

Kothaꞌwanererr shonteꞌ acheñeneshaꞌ allñapaꞌ aꞌkrratyeswerraneterr allowenet patsnañetheret.

San Mateo 20:29

Allothñapaꞌ alla meterreterr Jericóthpaꞌ kothaꞌwanererr shonteꞌ acheñeneshaꞌ.

San Mateo 4:25

Shonteꞌ acheñeneshaꞌ ñeñth kothaꞌyeseꞌ. Kothaꞌyes galileoꞌmarneshaꞌ, ñamha decapolisoꞌmarneshaꞌ ñamha jerusaléñoꞌmarneshaꞌ, ñamha judeoꞌmarneshaꞌ; amaꞌt ñeñth yexhetsa Jordanaso yomhtaꞌnpaꞌ oꞌ eꞌñe kothaꞌyeswet.

San Mateo 7:29

Tharroꞌmar ñapaꞌ atarr kowen yexhatenanet ñerraꞌmrratheꞌ ñeñth allsensarethtetsa Partseshoth. Judioneshaꞌ paꞌmhchaꞌtaretherneshaꞌ ñeñth atarr etsotayenayeñ ñoñets ñeñth ateth anareth, ñetñapaꞌ ama eꞌñeyeꞌ attheyeꞌ yexhateneto.

San Mateo 8:18

Poꞌpocheño allempo Jesúspaꞌ entapoenanerr shonteꞌ acheñeneshaꞌ xha emchorraꞌweñerr, ñañapaꞌ ateth otan poeyochreshaꞌ: —Theꞌpaꞌ oꞌch awamphsey yomhtaꞌn.

San Mateo 8:2

Allñapaꞌ wapoña poesheñarr ñeñth osen poetsarñats ñeñth otenet lepra. Xhap Jesúseshopaꞌ allentha konkorposana Jesúspaꞌ ateth otos: —Ayochreshathe ñerraꞌm pha moenats phapaꞌ ñeñtheph atarr awamenkatheshaph phaꞌkrratayeꞌcherren allochñapaꞌ atthoch eꞌñe kowen entwerren acheñeneshaꞌ.

San Marcos 3:7

Allempoña Jesúspaꞌ awerr saꞌpatophñoꞌmar poeyochreshaꞌna. Shonteꞌ acheñ galileoꞌmarneshaꞌpaꞌ kothaꞌwanmet ñamet. Ñamha shonteꞌ poꞌpotantañexhno acheñeneshaꞌ ñetña allempo eꞌmareꞌteñet Jesús ñapaꞌ atarr kowen orrtatyen ñetpaꞌxhoꞌña allentha waxhaꞌtyesoñet ñamet. Allemhatheñ anetsoth waxhaꞌtyeset Judeoth, Jerusaléñoth, Idumeoth, Jordanas yomhtaꞌnoth, ñamha alloꞌmarneshaꞌ ñeñth wetsa Tiroth ñamha Sidónoth. Ñetpaꞌ añ atarr moenenet oꞌch enteñetaꞌ Jesús.

San Lucas 5:15

Elloña atarr nanak serrpareꞌtyeñet, oꞌ errakmañen epaꞌwa atthoꞌ pena Jesús. Ñeñthoꞌmarña shonteꞌ acheñeneshaꞌ waxhaꞌtoñet atthoch eꞌmhñotoñet poꞌñoñ ñamha atthoch aꞌkrratyesapanet allowen paꞌtsnañetheret.