San Mateo 7:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Jesúspaꞌ alla yexhaterraneterr poꞌpoñ, ñeñthpaꞌ ateth oterraneterr: —Eꞌñe senamoeñoth, Yomporñapaꞌ apaschaꞌ. Seꞌnameꞌteñothpaꞌ señchchaꞌ; sexhoreꞌteñoth, Yomporñapaꞌ eꞌñe poeꞌmhñoteñothespaꞌ eꞌñech kowen toramphsapas.

San Mateo 7:7 Iomraidhean Croise

San Mateo 18:19

‘Ñamha oꞌch alla noterrserr: Poꞌñoxh ñerraꞌm epsheñas arr patsro oꞌch eꞌñe saꞌpoktatwe epsheñoꞌmares ñeñthchaꞌ senamoennan Nompor ñeñth poeꞌntañoꞌtsen ñapaꞌ amaꞌt erraꞌtsena senamoeñ xhokmach eꞌñe ateth pennas.

San Mateo 21:22

Amaꞌt allowen erraꞌtsenchaꞌ es senamh Yompor eꞌñe semaꞌyocheñoth, ñerraꞌm xho senamoeñ eꞌñe seyemteñokmañen, ñeñthñapaꞌ sagaphchaꞌ.

San Mateo 6:33

Sapaꞌ añchaꞌña eꞌñe ñanom semaꞌyoxhrena Yomporekop atthoch atarr ayochreshathtena ña. Ñamha añchaꞌña semaꞌyoxhrena ñeñth eꞌñe pokteꞌ enten ña, allochñapaꞌ ñachña sapaꞌyeneꞌ ñeñth allpon sepalltaꞌyena samha.

San Mateo 7:8

Tharroꞌmar ñeñth es enamareꞌtetspaꞌ ñetña es agëtset; ñamha ñeñth es eꞌnameꞌtets ñetñapaꞌ xhokmach eñchet ñamha erraꞌtsen ñeñth xhoreꞌtyeneꞌ ñetñapaꞌ eꞌñe eꞌmhñotenanet Yompor.

San Marcos 11:24

Amaꞌt allowen erraꞌtsenchaꞌ es senam semaꞌyocheñoth, ñerraꞌm xho senam eꞌñe seyemteñokmañen, ñeñthñapaꞌ sagaphchaꞌ.

San Lucas 13:25

Ñeñthpaꞌ oꞌch netmaꞌntacha ateth ñerraꞌmrratheꞌ esempo oꞌch xhen ñeñth apakllatheshaꞌ ñañapaꞌ oꞌch tantwena oꞌch eꞌñe echarr yottampeswena. Allempopaꞌ amaꞌt eꞌñe eseshapaꞌ amach eshek beꞌthosoña all. Allempoña amaꞌtchaꞌ shonteseñ oꞌch sewaxhaꞌta all petothach sechorros allothchaꞌ sexhoreꞌtos apakllatheshaꞌ. Allña sapaꞌ atethchaꞌ sotos: “Ayochreshathe petoramphsapoey.” Ñapaꞌ atethchaꞌ otapas: “Napaꞌ ama nentarso, erroththeꞌ sewenaña sa.”

San Lucas 18:1

Allempoña Jesúspaꞌ alla serrpareꞌtaterraneterr tomaꞌnteñtso atthoch eñochet ñeñth poktetsa yokop xhokmach yemaꞌyochena amach yemoenmeꞌchatsche maꞌyochatsa.

San Juan 15:16

Sapaꞌ ama sayeꞌ naꞌkrerraye, napaꞌ naña saꞌkrerreꞌña sa. Atthoña oꞌ napoerresña llesens atthoch seta meꞌtarsats atthoch eꞌñe kowen es sorrtatyen ñeñth kowen enten Yompor. Ñeñthpaꞌ ñeñthchaꞌ seꞌmer seperr ñeñthña seꞌmerpaꞌ amach awañañathterro amaꞌt awatha. Allochñapaꞌ amaꞌt erraꞌtsena senamoeñ Apa eꞌñe na nesoꞌchño eꞌñe seyemteñothen na, ñapaꞌ apaschaꞌ.

San Juan 15:7

‘Ñerraꞌm separrokmaterrna ñerraꞌm xhokma sokthapeꞌchennan neñoñ eschaꞌ senamoen napaꞌ napaschaꞌ.

San Juan 4:10

Jesúsñapaꞌ ateth otererr: —Ñerraꞌm peñoteñeñ ñeñth eꞌñe attha apoeney Yompor, ñamha ñerraꞌm peñotennoñ na ñeñthen photeneꞌ phapoen oñ, phapaꞌ oꞌch penamoennoñ na nañapaꞌ oꞌch napospeñ oñ kowen alloch eꞌñe phokrrañ. Ñeñth oteñ oꞌch aph kowen oñ, añ oteñ Yompor poꞌkowenña, tharraña koyaneshaꞌñapaꞌ ama eñoche,

Romanos 2:7

Ñerraꞌm xhokma yokthapeꞌchen eꞌñe kowen Yomporekop, ñamha ñerraꞌm xhokma yoktheññañ poꞌkowenña, ñamha ñerraꞌm añ yeꞌnen atthoch ñapaꞌ eꞌñech kowen entwerrey, ñamha atthoch apwerreychaꞌ ñeñth alloch yokrrerra errponowañen, allempoña poꞌñoxhpaꞌ apwerreychaꞌ atthoch yapaꞌ korretsayach yoksheñeshokmañen thayothen eꞌñe errponañowen.

Romanos 3:11

Ñamha amaꞌt poesheñarrotheya ama xhennayo yeyoxhro atthoch yeñotoñ Yompor poꞌkowenña. Amachña añeyeꞌ yeꞌneno ñeñth ateth moenen Yompor, amaꞌt poesheñarrotheya.

Hebreos 11:6

Ñerraꞌm ama yeyemteñe Yompor amach errothenoth yokshateñe amaꞌt eꞌñe mamesha. Tharraña ñerraꞌm eseshaꞌ moeneneꞌ oꞌch yemteret ñamet Yompor añ poktetsa oꞌch otet poꞌñoxhpaꞌ Yomporpaꞌ eñall, ñamha eñoteretepaꞌchña Yomporpaꞌ xhokmach koshaterran allowen ñeñth eꞌneneꞌ ña.

Santiago 5:15

Ñerraꞌm eꞌñe poeyemteñothet Yompor maꞌyochetpaꞌ atsnañethñapaꞌ korrerrach. Tharroꞌmar Yomporpaꞌ ñach awamenkath perreꞌ. Ñamha ñerraꞌm añ oꞌ phowa ñeñth ama pokteyayepaꞌ allempo Yomporpaꞌ oꞌch alla peretnerrñañ poꞌchñar.

1 San Juan 3:22

Attho yameꞌñerrñaña poꞌñoñ ñeñth ateth oteney, ñapaꞌ atarr koshenya; ñeñthoꞌmarña ñerraꞌm es yenamoeñ, ñapaꞌ xhokmach eꞌñe poꞌñoxh apoeney.