San Mateo 7:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Jesúsñapaꞌ ateth oterraneterr: —Ñeñth notyenayeñ: “Phapaꞌ poꞌñoxh naꞌyochreshather nepeneph”, tharraña amach allowenakmayeꞌ xhapoeto all amhchaꞌtarethtena Nompor Parets ñeñth poeꞌntañoꞌtsen. Añach xhapyerrets all ñeñth eꞌñe poꞌñoxh ateth peneꞌ ñeñth ateth moenen Nompor ñeñth poeꞌntañoꞌtsen.

San Mateo 7:21 Iomraidhean Croise

San Mateo 12:50

Ñewa, amaꞌt erraꞌtsena ñeñthchaꞌ eꞌñe ateth phoweneꞌ ñeñth ateth moenen Nompor ñeñth poeꞌntañoꞌtsen ñeñthkaꞌyeña eꞌñe poꞌñoxh nemoꞌnasheñ nepen ñeñthña noxh nepen ñeñthña nachor nepen.

San Mateo 16:17

Jesúsñapaꞌ ateth och: —Nanak kosheñtsoꞌtseneph, Simóna ñeñtheph Jonás poechemereph tharroꞌmar attho peñotenenpaꞌ ñeñthpaꞌ ama arromñatheshayeꞌ peñotatenaye; naña Nompor peñotateneꞌ ñeñth poeꞌntañoꞌtsen.

San Mateo 18:10

Jesúspaꞌ alla oterranerr poeyochreshaꞌ: —Eꞌñech señota, añepaꞌchña atarr asherben senten ñeñth ama ommoꞌchetso ñeñth ateth petsa ñerraꞌm cheshatholl ñeñthñapaꞌ eꞌñech poeñmañeshaꞌ yemtenna. Tharroꞌmarña theꞌpaꞌ oꞌch notas, ñeñth ama pommoꞌcheñotheyeꞌ nameꞌñenayo ñokpoetpaꞌ eñalletkaꞌyeña poꞌmhllañotheñer ñeñthchaꞌ kowampenawet. Ñeñthña poꞌmhllañotheñretpaꞌ xhokma Yomporeshoꞌtsenet allña eꞌñe kowen eꞌmhñotenanetña Yompor poeꞌntaño.

San Mateo 18:19

‘Ñamha oꞌch alla noterrserr: Poꞌñoxh ñerraꞌm epsheñas arr patsro oꞌch eꞌñe saꞌpoktatwe epsheñoꞌmares ñeñthchaꞌ senamoennan Nompor ñeñth poeꞌntañoꞌtsen ñapaꞌ amaꞌt erraꞌtsena senamoeñ xhokmach eꞌñe ateth pennas.

San Mateo 18:3

Allempoñapaꞌ ateth otanet: —Poꞌñoxh napaꞌ oꞌch notas: Ñerraꞌm ama xho sekexhpaꞌwerro sommoꞌcheña atthoch oꞌch ateth sepena kowen ñerraꞌmrratheꞌ añ cheshatholl ñeñth ama eñotenanaꞌ oꞌch ommoꞌchena, sañapaꞌ amatheꞌ errothenoth es soꞌpaterroña attho atarr ayochreshathtena Yompor poeꞌntañoth.

San Mateo 18:35

‘Sapaꞌxhoꞌña eꞌñe poesheñaꞌttsosña ñerraꞌm amach sephretnere samoꞌtspaꞌ eꞌñech atthekma perres samha Nompor ñeñth poeꞌntañoꞌtsen. Xhokmoepaꞌch eꞌñe kowen sephretnannenaña sa eꞌñe seyoxhrokmañen.

San Mateo 19:24

Ñeñthpaꞌ atethchaꞌ netmaꞌntacha. Yapaꞌ yeñoteñ berr añekmoen allpon ñerraꞌm wakësh atarrkaꞌye thorrapoꞌ oꞌch eshoꞌtosa añethollponathollo ateth ñerraꞌmrratheꞌ akosh poetathollo. Ñeñthpaꞌ atethkaꞌye penaña acheñ ñeñth ekhllayoreth ello atarr thorrapoꞌ oꞌch agapan ñamha Yompor poꞌkowenña ñeñth attho ayochreshathtena ña (tharroꞌmar ñetpaꞌ ama moeneñeto oꞌch sewanmoet ñeñth atarr morrentenet ñet atthoch poeyochreshaꞌ perranetañ Yompor).

San Mateo 25:10

Ñet awanmatset oꞌch rañtheñetaꞌpaꞌ ñeñthña senaꞌtetsapaꞌ eꞌñe allorokma xhen. Ñeñthña poꞌpoñ amnarsheña ñeñth eꞌñe poꞌñoxh xhokma eñoseꞌrtetsa, ñetñapaꞌ beꞌthosxhaꞌtet parro epoet ñeñth senaꞌtetsa. Allñapaꞌ allchaꞌ atarr koshameꞌtapreteret. Allñapaꞌ eꞌñe echarr yottamphset.

San Mateo 25:21

Poꞌpatronarpaꞌ ateth och: “Eꞌñe pokteꞌ neyochrechaꞌ; phapaꞌ atarr kowen pesherbenen. Phapaꞌ eꞌñe kowen petsoton ñeñth ateth notnomoeph. Amaꞌt allponatholla napaꞌnmaph awaña, phañapaꞌ atarroꞌt kowen pesherbhaton. Ñeñthoꞌmarña theꞌpaꞌ oꞌch nenwerreph phach nekwamphsapreterreꞌ ñeñth atarr aton. Theꞌña phapaꞌ pebeꞌthos allchaꞌ atarr phokshapreterrna.”

San Mateo 26:39

Ñañapaꞌ awoꞌ aꞌyentheyeꞌ all rremosa patso ateth maꞌyochosa: —Apa, ñerraꞌm errothenothpaꞌ arepaꞌchña pemnatatsche oꞌch xhapona ñeñth atarr amoeroxhtatañ nenten. Tharraña ñerraꞌm phach moenats añepaꞌchña ateth pephaton ñeñth pemnen pha, amachña añeyaye ñeñth nemnen na.

San Mateo 26:42

Jesúsñapaꞌ alla awerrerr poepocheño oꞌch maꞌyocherrerr, ñeñthara ateth otwerrerr: —Ñerraꞌm Apachaꞌ aña pemnaten oꞌch xhapona ñeñthchaꞌ atarr naꞌmoeroxhtateꞌ, ñerraꞌm ama errothenoth phaꞌwañatamperrno, ñeñthpaꞌ eꞌñe pokteꞌ. Añepaꞌchña ateth pephaton ñeñth pemnen pha.

San Marcos 3:35

Ñewa, amaꞌt erraꞌtsena ñeñth eꞌñe ateth phoweneꞌ ñeñth ateth moenen Nompor ñeñth poeꞌntañoꞌtsen ñeñthkaꞌyeña eꞌñe poꞌñoxh nemoꞌnasheñ nepen ñeñthña noxh nepen ñeñthña nachor nepen.

San Lucas 11:28

Jesúsñapaꞌ ateth och: —Elloña allowenetpaꞌ atarr kosheñtsoꞌtsaꞌyenet ñeñth poeꞌmhñoteñothet Yompor poꞌñoñ eꞌñe ateth phowenet.

San Lucas 13:25

Ñeñthpaꞌ oꞌch netmaꞌntacha ateth ñerraꞌmrratheꞌ esempo oꞌch xhen ñeñth apakllatheshaꞌ ñañapaꞌ oꞌch tantwena oꞌch eꞌñe echarr yottampeswena. Allempopaꞌ amaꞌt eꞌñe eseshapaꞌ amach eshek beꞌthosoña all. Allempoña amaꞌtchaꞌ shonteseñ oꞌch sewaxhaꞌta all petothach sechorros allothchaꞌ sexhoreꞌtos apakllatheshaꞌ. Allña sapaꞌ atethchaꞌ sotos: “Ayochreshathe petoramphsapoey.” Ñapaꞌ atethchaꞌ otapas: “Napaꞌ ama nentarso, erroththeꞌ sewenaña sa.”

San Lucas 18:25

Ñewa, ñeñthpaꞌ atethchaꞌ netmaꞌntacha. Poꞌñoxh yapaꞌ yeñoteñ berr añekmoen allpon ñerraꞌm wakësh atarrkaꞌye thorrapoꞌ oꞌch eshoꞌtosa añethollponathollo ateth ñerraꞌmrratheꞌ akosh poetathollo. Ñeñthpaꞌ atethkaꞌye penaña acheñ ñeñth ekhllayoreth ello atarr thorrapoꞌ oꞌch agapan ñamha Yompor poꞌkowenña ñeñth attho ayochreshathtena ña (tharroꞌmar ñetpaꞌ ama moeneñeto oꞌch sewanmoet ñeñth atarr morrentenet ñet atthoch poeyochreshaꞌ perranetañ Yompor).

San Lucas 6:46

‘Sapaꞌ esoꞌmarwañakaꞌyeña sotenen napaꞌ Saꞌyochreshatheroꞌ sepenen, sapaꞌ amakaꞌ xhoyeꞌ sameꞌñenno ñeñth ateth oꞌ notwas.

San Juan 14:7

Ñerraꞌm oꞌ señoterrnoñ na, Nomporeꞌnatheꞌña señoterreñ. Thayotheñña eꞌñe poꞌñoxhpaꞌ oꞌch señoter tharroꞌmar theꞌpaꞌ oꞌ senter.

San Juan 15:23

Ñeñthoꞌmarña ñerraꞌm eseshaꞌ neꞌmoñeꞌteneꞌ na, Nomporeꞌnaña eꞌmoñeꞌtennanet.

San Juan 3:5

Jesúsñapaꞌ ateth otererr: —Eꞌñe poꞌñoxh noteneph, erraꞌtsenchaꞌ ama eñalleterrtso oñoth ñamha Yompor Poekamkëñoth, amatheꞌ errothenoth poeyochreshaꞌ perraneto Yompor ñeñthoꞌmarña amach eshek oꞌpatapreteretoña Yompor poꞌkowenña ñeñth attho ayochreshathtena ña.

San Juan 5:17

Jesúsñapaꞌ ateth otanet: —Nompor eꞌñe themeꞌttsen atarr thorrena ñeñthoꞌmarña napaꞌxhoꞌña atarr nemneñ oꞌch nethorra namha.

San Juan 6:40

Añmapaꞌ ñeñthña moenen Nompor: Erraꞌtsenchaꞌ neñoterreꞌ ñerraꞌm ameꞌñerrnetchaꞌ na ñeñthen Yompor Poechemeren, ñetñapaꞌ korretsetach poksheñeshokmañen thayotheñ amaꞌt errponañowen. Ñetñapaꞌ xhokmach netantaterranet esempowañen.

San Juan 7:17

Ñerraꞌm eseshaꞌña moeneꞌ oꞌch ateth pet ñeñth moenen Yompor ñetñapaꞌ eñochetchaꞌ neyxhateñpaꞌ Yomporo amakaꞌye nothayeꞌ neñeno.

Los Hechos 14:22

Ora allowanen taꞌyeset yenpoet ñeñth ameꞌñetsa atthothchaꞌ womenk pet poeyoxher. Oꞌ kothapeꞌchatanet ñamha atthoch xhokma yemchet Yompor amaꞌt esempo wapanet moeroxhteñets. Tharroꞌmar eꞌñe yemoeroxhteñoth yexhapchaꞌ all amhchaꞌtarethtena Yompor.

Romanos 12:2

Allochñapaꞌ amach alloꞌna ateth es yephatseꞌtyesneno ñeñth ateth yeyxhen ya añe patsro, ellochña yokthapeꞌcherr etserra atthoch etserrataterrnay Yompor yokthaphña. Atthochña eꞌñe kowen señoch erraꞌtsentheꞌña moenen Yompor ñeñth eꞌñe kowen enten ña, ñamha ñeñthchaꞌña koshateneꞌ eꞌñe poktakma.

Romanos 2:13

Tharroꞌmar Yomporpaꞌ ama pokteyeꞌ entenano ñeñth attha eꞌmoeneꞌ orrena poꞌñoñ all serrpareꞌteññañet. Añña pokteꞌ enten Yompor, oꞌch ateth penet ñeñth eꞌñe ateth oten poꞌñoñ.

Efesios 6:6

Amachña eꞌñe poekwampeñothesa semaꞌyoreꞌteno tarwasats atthoch eꞌñe kowen sokshach sepatronar atthoch eꞌñe pokteꞌ entenes. Añchaꞌña amaꞌt acheñekpa setarwasenpaꞌ eꞌñechña ateth sesherbeñ kowen ñerraꞌmrratheꞌ Cristo sesherben. Eꞌñechña seyoxhrokmañen sepena kowen ñeñth ateth moenen Yompor.

Colosenses 4:12

Ñamha masheñ Epafras ñeñth parroꞌmarneshas, ñapaꞌxhoꞌña moeneñ oꞌch womhchaꞌtas ñamha. Ñapaꞌxhoꞌña nanak thorrena Cristokop. Eꞌñe poemaꞌyocheñoth womenkpaꞌ atarr thorrena sokop. Poemaꞌyocheñothpaꞌ xhokma enamatennas Yomporeshoth atthoch eꞌñe womenk sephaꞌnom seyoxher Yomporekop. Ñamha añ enamoennas atthoch eꞌñech poktakma xhaponasa seyoxhro ora allowen ñeñth ateth moenen Yompor.

1 Tesalonicenses 4:3

Poꞌñoxh ñeñthpaꞌ Yomporña moeneꞌña ateth, sapaꞌ oꞌch saꞌkowentatarethterra ñokop atthochña amaꞌt poesheñarrothapaꞌ amach sechtatscheña ñeñth ama sethaporeyaye.

1 Tesalonicenses 5:18

Ñamha amaꞌt errothenoꞌtsensa xhokmoepaꞌch separasyosoꞌteñ Yompor tharroꞌmar ñeñthpaꞌ ateth moenen eꞌñe yokop allowenakpay ñeñthey yemtenoya Poechemer ñeñth Cristo Jesús.

Tito 1:16

Ñeñth ateth acheñpaꞌ amaꞌt otenetañ eñoteñetoꞌ Yomporpaꞌ tharraña ñeñth ateth phatseꞌtyenetpaꞌ yeñoteñ ñeñthpaꞌ ama attheyaye. Ñeñth Yomporpaꞌ ama pokteyeꞌ entapretenaneto, tharroꞌmar ñetpaꞌ ama es otapaweto, ñamha ñetpaꞌ ama es sherbeneto amaꞌt mamesha.

Hebreos 4:6

Ñeñthoꞌmar yeñoteñ ñeñth eꞌmayeñ awath kowen ñoñets ñetpaꞌ amach eseshayeꞌ xherrtso allchaꞌ amesaterranet Yompor atthoch eꞌñe kowen poeyoxhrowen kosherret tharroꞌmar ñetpaꞌ ama eseshayeꞌ ameꞌñaꞌpawoyeꞌ entaye Yompor. Tharraña amaꞌt attheñpaꞌ yeñoteñ Yomporpaꞌ ama poenesho poꞌñoñ. Ñeñthoꞌmarña theꞌpaꞌ yeñoteñ Yomporpaꞌ attherach eꞌñe kowen amesaterran amaꞌt erraꞌtsena ñeñthchaꞌ poꞌñoxh ameꞌñaꞌpoꞌ enterreꞌ, atthochña ñetpaꞌ xherretchaꞌ allchaꞌ eꞌñe kowen kosherret.

Santiago 1:22

Ñamha sapaꞌ amach eꞌñe orrena seꞌmatstoñe Yompor poꞌñoñ, xhochña sorrtatyesña ñeñth ateth oteney. Tharroꞌmar ñeñth eꞌñe orrena eꞌmoeneꞌ Yompor poꞌñoñpaꞌ ñeñthpaꞌ ñañeñach shekëtsa tharroꞌmar xhatheꞌ otenapañ ñatoꞌ ñeñthatheꞌ poktetsa ñokop atthoch keshperra.

1 San Pedro 2:15

Tharroꞌmar ateth moenen Yompor: xhokmach yorrtaten ateth eꞌñe kowenareꞌ es yepen. Ñatoꞌ yorrtateñoth eꞌñe kowenpaꞌ oꞌch kexhpaꞌwerret attho eñosatseꞌtyenet. Ñetpaꞌ pathpareꞌteñothet eñosatseꞌtyenet tharroꞌmar ama es eñoteneto. Ñatoꞌ yorrtateñoth eꞌñe kowenpaꞌ oꞌch yekexhpatwerranet attho eñosatseꞌtyenet.

1 San Pedro 4:2

Allochñapaꞌ amach alloꞌna yephaꞌneno ateth moenatyesyeꞌth yechets awath. Yokoppaꞌ añ poktetsa oꞌch yokthapeꞌchen ñeñth ateth moenen Yompor.

El Apocalipsis 22:14

Atarr kosheñtsoꞌtsen allowen ñeñth eꞌñe pokteꞌ enten Yompor oꞌch tsomwerrñañet Yompor poenaren alloch eꞌñe korrerret poktakma. Allempopaꞌ amach alla rromoerreteꞌthe. Ñeñthpaꞌ ñeñthchaꞌña eꞌñe yomhaꞌwerret ñesho. Ñewa, ñeñth eꞌñe pokteꞌ enten Yompor ñeñthpaꞌ allowen ñeñth eꞌñe eꞌshowarethterra poꞌchñar eꞌñe pameꞌñeñothet Cristo. Ñatoꞌ oꞌch netmaꞌntacha ateth: Ñetpaꞌ oꞌ eꞌñe tsamaꞌtwerret paꞌshtamoet atthoch eꞌñe pokteꞌ entanet Yompor oꞌch beꞌthoset yetarro eshekchaꞌ xhapoet Yompor paꞌnetsro.

El Apocalipsis 3:5

Ñeñth metanaꞌtweꞌ allowen paꞌnamen topateñets ñeñth ama nepoerramperrayo, ñetpaꞌ neshtamtaterranet shetamoets ñeñth atarr wallamaꞌth. Ñetpaꞌ amach neꞌsherraneto paꞌsoꞌcheñ all akellkarethtenet Yompor poꞌlibro atthochña ñetpaꞌ korretsetach. Ñetñapaꞌ nechmeꞌtaterranetchaꞌ ñeñth na Nompor ñamha allowen poꞌmhllañotheñnaneshar.