San Mateo 7:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Jesúspaꞌ ateth oterraneterr: —Sapaꞌ eꞌñe atthothapaꞌ amach sotteñeꞌchatsche poꞌpsheñeñ allochñapaꞌ amach otteñeꞌcherrso samha Yompor.

San Mateo 7:1 Iomraidhean Croise

San Mateo 7:2

Tharroꞌmar ñerraꞌm ateth sotteñeꞌchyeñ poꞌpotantañ, Yomporpaꞌxhoꞌña eꞌñech atthekma otteñeꞌcherres samha. Ñerraꞌm errponochchaꞌ sotteñeꞌchyeñ poꞌpotantañpaꞌ sapaꞌxhoꞌña eꞌñech allponoch otteñeꞌcherres samha Yompor.

San Lucas 6:37

‘Sapaꞌ amach sotatsche poꞌpsheñeñ “ama pokteyaye ñeñth ateth sephaꞌyena”, allochñapaꞌ amach otwerrso samha Yompor ama pokteyaye ñeñth ateth sephaꞌyena samha. Ñamha eꞌñe atthothapaꞌ amach sottheñeꞌchatsche poꞌpsheñeñ allochñapaꞌ Yomporpaꞌxhoꞌña amach otteñeꞌchwerrso samha, xhochña eꞌñe kowen sephretnannena allochñapaꞌ Yomporpaꞌxhoꞌña eꞌñech kowen peretnaꞌwerres samha.

San Lucas 6:41

Amach ateth sentatsche poꞌpotantañ ñerraꞌm ñetpaꞌ ama kowenayeꞌ es peneto amaꞌt sapaꞌ ama sentenoña ñeñth ateth sephaꞌyena sa; ñeñthpaꞌ ello semhtaneñña poꞌpotantañ ñeñth ateth es phaꞌyenet ñet. Ñerraꞌm ama kowenayeꞌ es sepeno samhapaꞌ amach sotatscheña poꞌpotantañ: “Masheñchaꞌ napaꞌ oꞌch nokthapeꞌchaterreph eꞌñe kowen.” Tharroꞌmar ñerraꞌm ateth sepenapaꞌ xha sommoꞌchena. Ñanomchaꞌña añ sewaporeꞌterr ñeñth ama kowenayeꞌ sepeno sa, allochñapaꞌ atthoch señoch kothapeꞌchateꞌ samoꞌts eꞌñe kowen. Ñeñthpaꞌ añ tomaꞌntena oꞌch senten poꞌpsheñeñ paꞌklloyoꞌtsen poepachña amaꞌt sa seklloyopaꞌ alloꞌtsen tsach; ñeñthñapaꞌ ama senteñe. Ñerraꞌm atethpaꞌ amach errothenoth socheña poꞌpsheñeñ: “Masheñchaꞌ napaꞌ oꞌch nechterrnaph peklloyoth pepachña.” Tharroꞌmar añ tsach ñeñth seklloyoꞌtsenpaꞌ xha aꞌnpoennasña atthoch eꞌñe kowen es sentyen. Ñanomchaꞌña añ sewaporeꞌterr tsach seklloyoth allochñapaꞌ atthoch eꞌñe kowen es sentyen. Atthochña eꞌñe kowen sechterrñañ poꞌpsheñeñ poepachña paꞌklloyoth.

San Juan 8:7

Ñetñapaꞌ alla aꞌphthoꞌtereterr. Jesúsña echanterrtsapaꞌ ateth otanet: —Ñerraꞌm erraꞌtsenothestheꞌ ama eñalle soꞌchñarpaꞌ sarrolleꞌchkaꞌye sanom.

Santiago 3:1

Masheñneshachaꞌ ñamha noxhaneshachaꞌ, theꞌpaꞌ oꞌch notas poꞌpoñ. Ama pokteyaye oꞌch sechen shonteꞌ ñeñth moenets oꞌch kothapeꞌchaten ñeñth kowentetsa Yomporekop. Tharroꞌmar señoteñ ñeñthey kothapeꞌchatets kowen Yomporekoppaꞌ ello nanakchaꞌ yoroxhenoꞌtseney ñerraꞌm esempo yepena ñeñth ama kowenayaye tharroꞌmar Yomporpaꞌ amach pokteyeꞌ entenye amaꞌt eꞌñe mamesha.