San Mateo 6:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Sañapaꞌ atethchaꞌña kowen semaꞌyochaña sa: Yompore Partso ñeñtheph peꞌntañoꞌtsen, yentapepaꞌch pha atarr Partsoph.

San Mateo 6:9 Iomraidhean Croise

San Mateo 10:29

‘Elloña theꞌpaꞌ napaꞌ oꞌch notas: Xhokmach seyemcha Yompor, poꞌñoxh ñapaꞌ ñach sekwampeneꞌ. Amaꞌt othetholleshaꞌpaꞌxhoꞌña xhokma kowampeñ. Ñewa, amaꞌt yapaꞌ yeñoteñ othethollpaꞌ ama tama sherbeno. Amaꞌt yepomatset epa othetholleshaꞌpaꞌ ñeñthpaꞌ ama tsaꞌteyaye, eꞌñe poetallarratholla centavo tsaꞌtena. Tharraña amaꞌt attheñpaꞌ amaꞌt pathrra othetholl amach rromo atthoch shoraꞌnom ñerraꞌm ama Sompor moenataye ateth. Ñeñthoꞌmarña notenes: Amaꞌt mameshapaꞌ amach semhchaꞌtatsto, Yomporchaꞌña eꞌñe seyemta. Attho atarr morrentenana othetholleshaꞌ elloña sapaꞌ atarr nanak morrentensa. Ñewa, amaꞌt allpon sechetholleshaꞌ allpon soñoꞌtsen ñapaꞌ eꞌñe eñotennas.

San Mateo 23:9

Ñamha arr patsro amaꞌt poesheñarra amach seyomporer sephatstaneto. Tharroꞌmar sapaꞌ eꞌñekaꞌye pathrraña Sompor ñeñth poeꞌntañoꞌtsen.

San Mateo 26:29

Napaꞌ oꞌch notas: Theꞌpaꞌ amach alla norrerreꞌthe añ narmetsos thayotheñ tharrempowach allempoch alla ello yorrerrerr parro allempoch amhchaꞌtarethetwerra Apa.

San Mateo 26:42

Jesúsñapaꞌ alla awerrerr poepocheño oꞌch maꞌyocherrerr, ñeñthara ateth otwerrerr: —Ñerraꞌm Apachaꞌ aña pemnaten oꞌch xhapona ñeñthchaꞌ atarr naꞌmoeroxhtateꞌ, ñerraꞌm ama errothenoth phaꞌwañatamperrno, ñeñthpaꞌ eꞌñe pokteꞌ. Añepaꞌchña ateth pephaton ñeñth pemnen pha.

San Mateo 5:16

Sapaꞌ atthekmoepaꞌchña sorrtatyen ñeñth kowen enten Yompor. Allochñapaꞌ poꞌpotantañpaꞌxhoꞌña eꞌñech kowenareꞌ entennaset ateth es sorrtatyen kowen. Atthochña ñetpaꞌxhoꞌña kowentatapreterrnasetchaꞌ Seyomporer ñeñth poeꞌntañoꞌtsen.

San Mateo 5:48

Ñeñthoꞌmarña napaꞌ notenes: Sapaꞌ eꞌñepaꞌchña kowenareꞌ es sorrtatyen allowenakop eꞌñe ateth pena Sompor ñeñth poeꞌntañoꞌtsen eꞌñe kowenareꞌ es orrtatyenña ña.

San Mateo 6:14

‘Ñerraꞌm sa xhokma sephretnannena attho erroth sephannenapaꞌ sapaꞌxhoꞌña xhokmach peretnerresña Sompor ñeñth poeꞌntañoꞌtsen.

San Mateo 6:6

Sañapaꞌ ñerraꞌm esempo semaꞌyochenapaꞌ oꞌch sebeꞌthosyes soꞌponro xhochña seyottamphsa atthochña sapaꞌ amach sommoꞌcheñotha semaꞌyocheñoña Sompor, ñeñthpaꞌ eꞌñech ñapoeth alloꞌtsenes epas. Allochñapaꞌ Sompor ñeñth eꞌñe ñaptha senteneꞌ ñachña sapoerreꞌ ñeñthchaꞌ ello atarr sokshaterreꞌ.

San Lucas 15:18

Theꞌpaꞌ oꞌch awerren apoesho; theꞌ napaꞌ atethchaꞌ notwer: Apachaꞌ, napaꞌ oꞌ nephowa ñeñth ama kowenayaye Yomporekop amaꞌt ñamha phokop.

San Lucas 15:21

Poechemerñapaꞌ ateth otweñ: “Apachaꞌ, napaꞌ oꞌ nephowa ñeñth ama kowenayaye Yomporekop amaꞌt ñamha phokop. Na theꞌpaꞌ ama kowenayayno atthoch pechemer pephapoerren.”

San Lucas 2:14

Ateth otoset: ¡Ayeꞌchoxhtaterrapoꞌch Yeyomporer ñeñth poeꞌntañoꞌtsen! Amaꞌt ñamha acheñeneshaꞌ ñeñth añe patsroꞌtsen koshaꞌrrtetepaꞌ ñamet ñeñth koshaten Yompor.

San Juan 20:17

Jesúspaꞌ ateth otererr: —Amach xha perrmatsetno, napaꞌ ama naꞌtenaꞌ Apoesho. Arrña orraph masheñneshesho oꞌch photenanetaꞌ napaꞌ oꞌch naꞌterr Nomporesho ñeñth Neyomporer nepen ñeñthara ñeñth Seyomporer sepen samha.

Romanos 1:7

Theꞌpaꞌ eꞌñe newomhchaꞌteñothes sa, napaꞌ oꞌch notas: Yomporepaꞌchña sebensareꞌtampeneꞌ ñeñth nanak Parets epoet Poechemer Jesucristo ñeñth Yepartseshar yepen. Ñetepaꞌchña sokshateneꞌ eꞌñe sa seyoxhro allowenes.

Romanos 8:15

Ñeñthoꞌmarña amach alla yemhchaꞌterrerro ateth ñerraꞌmrratheꞌ ñeñth ñañrets, atarrchaꞌ mechaꞌtenan pamoꞌmteꞌ. Tharroꞌmar yapaꞌ allempotheñ oꞌ yagërrñañ Yompor Poekamkëñ yañapaꞌ oꞌ poechemer perrey poꞌñoxh. Ñeñthoꞌmarña amach yemhchaꞌnañotheyeꞌ yemaꞌyocheñothpaꞌ oꞌch yexhoreꞌch, oꞌch yoch: “Apa.”

Gálatas 1:1

Masheñneshachaꞌ ñamha noxhaneshachaꞌ ñeñthes allowenes sameꞌñeñoth apxhaꞌyetsa allemeñ anetso Galacioꞌmar. Na Pablon sekellkëneꞌña añ carta ñeñthen Jesucristo poellsensaren. Napaꞌ ama acheñeyeꞌ nellsensenaye, Jesucristoña nellsenseneꞌ epoet Pompor Parets ñeñth tantaterreꞌ Poechemer rromoth. Ñamha allowen masheñneshaxhno ñeñth parro arroꞌtsenen, ñetpaꞌxhoꞌña moeneñet oꞌch womhchaꞌtaset ñamet añ necartoth.

Gálatas 4:6

Theꞌña Yomporpaꞌ oꞌ poechemer perrey ñeñthoꞌmar oꞌ moeñerrnay Poekamkëñ ñeñthchaꞌ yexherrtsa yeyoxhro. Ñeñthña Poechemer Poekamkëñpaꞌ ñeñthchaꞌ yeñotateneꞌ ñerraꞌm esempo yexhoreꞌch amaꞌt Paretspaꞌ eꞌñe pokteꞌ oꞌch yoch, “Apa.”

1 Timoteo 6:16

Ñamha ñeñthara Yompor ñeñth ñapoeth ama arromñatheshayaye, ñeñthara Yompor ñeñth yexhetsa alloꞌtsen poetareꞌ ñeñth nanak aꞌrrechatañ all amach errothenoth yexhapo. Amaꞌt poesheñarra acheñpaꞌ ama poentare all, tharroꞌmar amatheꞌ errothenoth yexhapo. Ñeñthoꞌmarña yaꞌyeꞌchoxhtatoñepaꞌch Yompor, ñamha awamenkathepaꞌch thayotheñ errponowañen. Ñeñthpaꞌ atthetepaꞌch, Nompore.

1 San Pedro 1:17

Yomporpaꞌ ñach tsaꞌtaterrawet allpon yexhkatyeseteꞌth ñeñth ama kowenayaye. Amach eñalleña amaꞌt poesheñarra ñeñthchaꞌ keshphatsa ñeñth ama ameꞌñenaye ña. Attho yemaꞌyocheña Yompor ñeñthchaꞌ yetsaꞌtatwerraya, ñeñthepñapaꞌ theꞌpaꞌ amhchaꞌnaꞌtpoꞌch Yompor. Amaꞌt allponmat sokrrena arr patsro ñeñthpaꞌ ama saꞌnetsreyaye, eꞌñech thayotheñ semhchaꞌnaꞌtnomh Yompor.

El Apocalipsis 4:11

Yompore, ñeñtheph Yepartseshareph, ñeñtheph nanak Partsoph, ya añ poktetsa oꞌch yekowentatonaph ñeñtheph amhchaꞌnaꞌtpaweph ñamha atarr awamenkatheph. Tharroꞌmar pha yexhkatyeneꞌ ora allpon ñeñth eñall, eꞌñe pha pemneññoth awoꞌt eñalletyesa, eꞌñe pha peñoñoth awoꞌt yexhkaꞌyena ñeñth allpon eñall.

El Apocalipsis 5:12

Ñeñth mellañotheñneshaꞌ ñetñapaꞌ eꞌmorrtenet womenk all axhoteñet Cristo ñeñth atmaꞌntatareth Carnero. Ñeñthpaꞌ ateth otenet: Cristo ñeñth tomaꞌntenaya Carnero ñeñth amtsarethtatsa, ñapaꞌ eꞌñe kowenareꞌ es phaꞌyen ñeñthoꞌmarña ñapaꞌ eꞌñe pokteꞌ awamenkathtena, agapanepaꞌ shonteꞌ esokmañen ñamha eꞌñe pokteꞌ eñotañtepaꞌch, ñamha eꞌñe pokteꞌ partsotepaꞌch, ñamha eꞌñe pokteꞌ amhchaꞌnaꞌtpawotepaꞌch. Ñamha eꞌñe pokteꞌ ya yekowentateñoth yaꞌyeꞌchoxhtatoñepaꞌch.