San Mateo 6:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ Sañapaꞌ ñerraꞌm esempo semaꞌyochenapaꞌ oꞌch sebeꞌthosyes soꞌponro xhochña seyottamphsa atthochña sapaꞌ amach sommoꞌcheñotha semaꞌyocheñoña Sompor, ñeñthpaꞌ eꞌñech ñapoeth alloꞌtsenes epas. Allochñapaꞌ Sompor ñeñth eꞌñe ñaptha senteneꞌ ñachña sapoerreꞌ ñeñthchaꞌ ello atarr sokshaterreꞌ.

San Mateo 6:6 Iomraidhean Croise

San Mateo 14:23

Oꞌña soꞌtwanmanetpaꞌ ñañapaꞌ awoꞌ aspentho eꞌñe ñapoeth allña maꞌyochosa. Amaꞌt oꞌ tsapoenpaꞌ ñañapaꞌ alloꞌtsena ñapoeth.

San Mateo 6:18

Allochña acheñeneshaꞌpaꞌ amach xha eñotaseto sapaꞌ xho sekexhpoen serrar maꞌyochaya Yompor. Sapaꞌ eꞌñech ñaptha Sompor senteneꞌ ñeñth poeꞌntañoꞌtsen. Allochñapaꞌ Sompor ñeñth eꞌñe ñaptha senteneꞌ ñachña sapoerreꞌ ñeñthchaꞌ ello atarr sokshaterreꞌ.

San Mateo 6:4

Eꞌñechña aꞌnawa es kowen sephaꞌyen, allochñapaꞌ Sompor ñeñthña enteneꞌ allowen ñeñth aꞌnawa es sephaꞌyen, ñachña sapoerreꞌ ñeñthchaꞌ ello atarr sokshaterreꞌ.

San Juan 1:48

Natanaelñapaꞌ ateth otosan Jesús: —Napaꞌ ¿errothenotheꞌtña peñotenen? Amakaꞌye pentarno. Jesúsñapaꞌ ateth otererr: —Allempo ama aꞌsechenphaꞌ Felipe nesho, allempo phapaꞌ alla phanen mañtho higocho nañapaꞌ nentenephkaꞌye.

San Juan 20:17

Jesúspaꞌ ateth otererr: —Amach xha perrmatsetno, napaꞌ ama naꞌtenaꞌ Apoesho. Arrña orraph masheñneshesho oꞌch photenanetaꞌ napaꞌ oꞌch naꞌterr Nomporesho ñeñth Neyomporer nepen ñeñthara ñeñth Seyomporer sepen samha.

Los Hechos 10:30

Allempoñapaꞌ Cornelioñapaꞌ ateth ot: —Awaña oꞌ thaya paꞌtatsmat met, napaꞌ alla nemaꞌyochena, ñamha nemaꞌyocheñoth oꞌ nekexhpaꞌ nerrar mameꞌ. Ñeñth atthekma nepena allempokma nemaꞌyochena nepakllo ateth ñerraꞌm theꞌ koyaꞌnen atsneꞌ. Allempopaꞌ machayotha orrtona poesheñarr yakma eꞌñe allameꞌtets. Paꞌshtampaꞌ añ chorrena ñeñth nanak kowen poptetsa.

Los Hechos 10:9

Tsapathñapaꞌ oꞌ xhapmochet Jopo. Oꞌ xhapmochetpaꞌ Pedroña eꞌñe alla pokollopaꞌ oꞌ aꞌtap eno allchaꞌ maꞌyochosa. Allempopaꞌ xhapmoch pokto.

Los Hechos 9:40

Pedroñapaꞌ moeñwanet allowenet aꞌyeneth. Oꞌ moeñwanet aꞌyenethpaꞌ oꞌ konkorposa, oꞌ maꞌyocha. Maꞌyochwapaꞌ oꞌ poetallsa arromñatheshonethpaꞌ ateth och: —Oꞌch, Tabita, notaph, petanterra. Allempoñapaꞌ akwerrocheꞌ. Oꞌ enterran Pedropaꞌ xha anerrets.

Romanos 8:5

Tharroꞌmar ñeñth ateth petsa ñeñth ateth kothapeꞌchatenanet sosyaꞌtsañ ñeñth poeyoxhroꞌtsenetpaꞌ añachña eꞌnenet ñeñth ateth moenatseꞌtatenanet poꞌchets. Tharraña ñeñth ateth petsa ñeñth ateth kothapeꞌchatenanet Parets Poekamkëñpaꞌ añchaꞌña eꞌmhñotenet ñeñth ateth moenatenanet Parets Poekamkëñ.

Efesios 3:14

Ñeñthoꞌmarña napaꞌ xhokma nekonkorpoena Yomporeshoneth alloth nemaꞌyochampensa.