San Mateo 6:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Pephretnaꞌwonayepaꞌch Nompore allowen yoꞌchñar ñeñth ama pokteyeꞌ pentapretenye attho Nompore yapaꞌxhoꞌña yephretnannena ñerraꞌm esempo erroth yephannena.

San Mateo 6:12 Iomraidhean Croise

San Mateo 26:28

Añpaꞌ nerraskaꞌye sepeñ ñeñthchaꞌ ashatarethtatsa shonteꞌ acheñeneshakop alloch aphreꞌtnarethterret poꞌchñaret. Añ nerraspaꞌ alloch eꞌñe etserra aꞌpoktaterra acheñeneshaꞌ Apoesho.

San Mateo 9:2

Allñapaꞌ wapatamphsoñet echarrtaña, poecheknapeꞌna. Jesúsñapaꞌ eñotapanet ñetpaꞌ atarr nanak yemteñet. Allempoña ñapaꞌ otapan echarrtaña: —Xhochña neyochre phoksherra tharroꞌmar theꞌ ñeñth phoꞌchñarpaꞌ aphretnaꞌwarethterra.

San Marcos 11:25

Ñamha theꞌpaꞌ oꞌch notnomoes: Ñerraꞌm semaꞌyocheñoth xho sathen ñerraꞌm xho seꞌmoñeꞌteñ poꞌpsheñeñ xhosach peretnerreꞌ seyoxhro allorokma, allochñapaꞌ Sompor ñeñth entoꞌtsen peretnerrnaschaꞌ samha ñeñth ateth sephatseꞌtyen ñeñth ama pokteyeꞌ enteno ña.

San Lucas 11:4

Pephretnaꞌwonayepaꞌch Nompore allowen yoꞌchñar ñeñth ama pokteyeꞌ pentapretenye, attho Nompore yapaꞌxhoꞌña yephretnannena ñerraꞌm esempo erroth yephannena. Ñamha amach Nompore pemnatatsche sosyaꞌtañ oꞌch atarr topateney. Añchaꞌña xhoch Nompore phaꞌypoꞌñataterrey allowen sosyaꞌtsañexhno.

San Lucas 13:4

Ñamha ñeñth xharraꞌ ñeñth poechetsa posoksheña ñeñth kollaꞌwatsa awaña ñeñth aꞌtpetseꞌt pokoll torrepoꞌ allempo mataꞌnerr Jerusaléño eꞌñe all oteñet Siloé. Ñewa, sapaꞌ xhatheꞌ sotenapañ ñeñth aꞌkllaterr torrepaꞌ ñetpaꞌ atarrtheꞌ athparñathet ellotheꞌ metanaꞌtweñet allowen poꞌpotantañ ñeñth attho athpareꞌtena jerusaléñoꞌmarneshaꞌ.

San Lucas 6:37

‘Sapaꞌ amach sotatsche poꞌpsheñeñ “ama pokteyaye ñeñth ateth sephaꞌyena”, allochñapaꞌ amach otwerrso samha Yompor ama pokteyaye ñeñth ateth sephaꞌyena samha. Ñamha eꞌñe atthothapaꞌ amach sottheñeꞌchatsche poꞌpsheñeñ allochñapaꞌ Yomporpaꞌxhoꞌña amach otteñeꞌchwerrso samha, xhochña eꞌñe kowen sephretnannena allochñapaꞌ Yomporpaꞌxhoꞌña eꞌñech kowen peretnaꞌwerres samha.

Los Hechos 13:38

Ñeñthoꞌmarña añ poktetsa oꞌch masheñneshachaꞌ señoch añ Jesús ñeñth ateth pena. Ñach yephretnerreꞌ yoꞌchñar. Ñeñthoꞌmar theꞌpaꞌ oꞌ neserrpareꞌtatas.

Efesios 4:32

Añchaꞌña eꞌñech kowen yentannena ñamha eꞌñech kowen yemoerannena. Ñamha añña poktetsa xhokmach yephretnannena attho Yomporpaꞌ oꞌ peretnerrey yamha. Ñeñthpaꞌ añoth peretnerrey attho rroma Poechemer Cristo yokop.

Colosenses 3:13

Ñamha eꞌñepaꞌchña kowen es saꞌwantannena ñerraꞌm esempoch señch poꞌpsheñeñ ñeñth ama pokteyeꞌ orrtateno sokop, sapaꞌ eꞌñechña kowen sephretnannena. Attho Yepartseshar Cristopaꞌ oꞌ peretnaꞌwerres sa, sapaꞌxhoꞌña xhokmachña sephretnannena samha.