San Mateo 6:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Jesúsñapaꞌ ateth oterraneterr: —Eꞌñech señota, amachña eꞌñe sommoꞌcheñotheꞌnaña es sorrtatyeno kowen Yomporekop atthoch acheñeneshaꞌpaꞌ oꞌch entenset sapaꞌ atarroꞌ kowen acheñreseñ. Tharroꞌmar ñerraꞌm ñeñthekpaꞌna es sorrtatyen kowen, Yomporña ñeñth poeꞌntañoꞌtsenpaꞌ amach es apoerrsoña sa ñeñthchaꞌ atarr sokshaterreꞌ.

San Mateo 6:1 Iomraidhean Croise

San Mateo 16:27

Poꞌñoxh napaꞌ Ñeñthen Acheñetosets oꞌch nowerra epan ñamha nemhllañotheñnaneshar. Eꞌñech Nompor poꞌkowenñoth nowerra. Allempochña netsaꞌterranet eꞌñe poesheñaꞌttsokmoet errothentheꞌ phaꞌyeseteꞌth.

San Mateo 16:6

Jesúsñapaꞌ ateth otapanet: —Eꞌñech señota ñatoꞌt semeñeꞌteñaꞌña fariseoneshaꞌ amaꞌt ñamha saduceoneshaꞌ poꞌchaser allo tsetenet pan.

San Mateo 23:13

‘Atarr nanak llekëñtsoꞌtsenes fariseoneshachaꞌ ñamha samha ñeñthes eꞌñe etsotayenayeñ ñoñets ñeñth ateth anareth judioneshakop tharroꞌmar sapaꞌ sommoꞌcheñotheꞌna atarr seshkareꞌtyen. Tharroꞌmar amaꞌt sapaꞌ amakaꞌye senteññañeña Yompor poꞌkowenña, ellonethpaꞌxhoꞌña xhokma sepatareꞌteñña poꞌpotantañ ñeñth eꞌneneꞌ Yompor poꞌkowenña. Xha saꞌnpampeñña acheñeneshaꞌ atthoch ñetpaꞌxhoꞌña amach enterrñañeto Yompor poꞌkowenña ñeñth attho atarr ayochreshathtena ña poeꞌntañoth.

San Mateo 23:5

Fariseoneshaꞌ allowen ñeñth ateth etsotayeneñpaꞌ ñeñthpaꞌ eꞌñe pommoꞌcheñotheta ateth penet allochñapaꞌ acheñeneshaꞌñapaꞌ eꞌñech kowen entyeñet ñeñth attho atarr thorraꞌyenetañ Yomporekop. Tharraña ñeñthpaꞌ eꞌñekaꞌye orrena. Ñamha ñetpaꞌ xhakaꞌye ateshatomoerrtatenet poremh allñapaꞌ all kellkëññañetañ Yompor poꞌñoñ amaꞌt ñeñthpaꞌxhoꞌña allokaꞌyeña wankatoꞌtenet. Tharraña ñeñthpaꞌ eꞌñe añekpa ateth penet atthoch acheñeneshaꞌpaꞌ eꞌñech kowen entenanet. Tharraña ñeñthpaꞌ eꞌñe orrena ateth penet ñeñth attho ommoꞌchenet. Ñamha ñetpaꞌ añeꞌnakaꞌyeña allpochaꞌphtatenet ñeñth xheraꞌrrtenet paꞌshtamoeto paꞌrrpeꞌmoneth. Tharraña ñeñthpaꞌxhoꞌña eꞌñe añekpa ateth penet eꞌñe pommoꞌcheñothet.

San Mateo 25:40

Allempoña na ñeñthen Partseshanpaꞌ atethchaꞌ noterres: “Theꞌ napaꞌ oꞌch notas: Poꞌñoxhpaꞌ allempo eꞌñe kowen ateth sephaꞌyesnaneꞌth na nemoꞌnasheñneshaꞌ naꞌnakaꞌyeña eꞌñe kowen ateth sepen. Amaꞌt poesheñarra ñeñth ama esosheꞌmayeꞌ entyeseꞌthe acheñeneshaꞌ allempo, tharraña saña allempopaꞌ attho eꞌñe kowen es sephaꞌyesaneteꞌth, naꞌnakaꞌyeña eꞌñe kowen ateth sepen allempo.”

San Mateo 5:16

Sapaꞌ atthekmoepaꞌchña sorrtatyen ñeñth kowen enten Yompor. Allochñapaꞌ poꞌpotantañpaꞌxhoꞌña eꞌñech kowenareꞌ entennaset ateth es sorrtatyen kowen. Atthochña ñetpaꞌxhoꞌña kowentatapreterrnasetchaꞌ Seyomporer ñeñth poeꞌntañoꞌtsen.

San Mateo 5:46

Ñeñthoꞌmarña notenes: Ñerraꞌm aña eꞌñe semorrentena ñeñth semorrentenaya samha ñeñthpaꞌ amach eꞌñeyeꞌ sorrtatenoña ñeñth eꞌñe poꞌñoxh kowentetsa, atthoña Yomporpaꞌ amach es apoerrso ñeñthchaꞌ atarr sokshaterreꞌ. Tharroꞌmar ñeñth ama ameꞌñenayo Yompor, ñetpaꞌ aña morrentenet ñeñth eꞌñe morrentenawet ñamet. Sapaꞌ eꞌñekaꞌye señoteñ eꞌñe ateth pena ñeñth poeshkëñotheꞌna cobrenan acheñeneshaꞌ shonteꞌ kelle. Añña atarr kowentetsa amaꞌt ñeñth ama yemorrentenayepaꞌ oꞌch yemorreñcha eꞌñe kowen.

San Mateo 5:48

Ñeñthoꞌmarña napaꞌ notenes: Sapaꞌ eꞌñepaꞌchña kowenareꞌ es sorrtatyen allowenakop eꞌñe ateth pena Sompor ñeñth poeꞌntañoꞌtsen eꞌñe kowenareꞌ es orrtatyenña ña.

San Mateo 6:16

Jesúsñapaꞌ ateth oterraneterr: —Ñamha ñerraꞌm esempo semneñ semaꞌyocheñoth Yompor oꞌch sekexhpaꞌ serrar ñeñthpaꞌ eꞌñe pokteꞌ. Tharraña ñeñthpaꞌ ama añekpayaye atthoch entas acheñeneshaꞌ ñerraꞌm xha sellkaꞌwena. Tharroꞌmar ñeñthpaꞌ ommoñatheneshaꞌña ateth petsa. Ñetpaꞌ ñerraꞌm esempo kexhpoenet poerrar Yomporekop ñetpaꞌ atthach atsoklloyayenet allochñapaꞌ atthoch eñotenanet acheñeneshaꞌ ñetpaꞌ Yomporekpoꞌ ateth penet. Tharraña na poꞌñoxhpaꞌ oꞌch notas: Ñeñth ateth ommoꞌchetsa poethoreꞌteñoth Yomporñapaꞌ amach es apoerraneto ñeñthchaꞌ atarr koshaterrawet. Tharroꞌmar ñetpaꞌ aña eꞌnenet acheñeneshach kowentatenawet. Ñetpaꞌ eꞌñech alla atsaꞌtarethterret.

San Mateo 6:9

Sañapaꞌ atethchaꞌña kowen semaꞌyochaña sa: Yompore Partso ñeñtheph peꞌntañoꞌtsen, yentapepaꞌch pha atarr Partsoph.

San Marcos 8:15

Jesúsñapaꞌ alla tomaꞌntaterraneterr, ñeñthñapaꞌ ateth otanet: —Eꞌñech señota ñatoꞌt semeñeꞌteñaꞌña fariseoneshaꞌ amaꞌt ñamha Herodes poꞌchaser allo tsetenet pan.

San Lucas 12:1

Shonteꞌ acheñeneshaꞌ ñeñth waxhenoya Jesús, shonteꞌ nanak patoner. Xha cheꞌmoechoset Jesúsesho attha athmatkaꞌtannaꞌtyesoset. Jesúsña ñanompaꞌ alla serrpareꞌtaterranerr poeyochreshaꞌ, ñeñthpaꞌ ateth otanet: —Eꞌñech señota ñatoꞌt semeñeꞌteñaꞌ fariseoneshaꞌ pokthaphña, tharraña ñeñth pokthaphña penet ñetpaꞌ ñeñthpaꞌ ommoꞌcheñtsa. Ñeñthpaꞌ mamethollapaꞌ oꞌch epaꞌwa errapharen eꞌñe ateth pena ñerraꞌmrratheꞌ chaseꞌ mamethollapaꞌ oꞌch eꞌñe es aꞌchasaꞌwa.

San Lucas 12:15

Alla oterraneterr Jesús: —Eꞌñech señota sañeña, amaꞌt seyoxhrapaꞌ amach es seyeꞌchapretannaꞌtatsto amaꞌt eꞌñe koñeꞌtha tharroꞌmar attho yokrrena arr kowen añe patsropaꞌ ñeñthpaꞌ ama añekpayaye alloch esokmañen es yechyerr ñeñthchaꞌ atarr yokshaterreꞌ tsapathoneth.

San Lucas 16:15

Jesúsñapaꞌ ateth otanet: —Sapaꞌ xha sottenañ ñerraꞌmrratheꞌ atarr kowensoñ atthoña acheñeneshaꞌpaꞌ eꞌñe kowen entyensetañ. Tharraña Yomporñapaꞌ eꞌñe eñotennas seyoxher ñeñth attho sapaꞌ atarr seshkareꞌtyeñ acheñeneshaꞌ. Tharraña ñeñth eꞌñe ñañeñeta atarr kowen entyetset arr patsro, ñetñapaꞌ atarr tsenaꞌtenanet Yompor.

San Juan 12:43

Tharroꞌmar ñeñth ameꞌñetsañ ñetpaꞌ añeꞌna moenenet oꞌch eꞌñe kowen entenanet acheñeneshaꞌ. Ama añeyeꞌña moeneneto oꞌch eꞌñe kowen entanet Parets.

San Juan 5:44

Sapaꞌ tharroꞌmarña ama sameꞌñenno sapaꞌ añakaꞌye seꞌnen oꞌch eꞌñe sañeña ayeꞌchoxhtatannetsa, amakaꞌyeña añeyeꞌña seꞌneno atthoch eꞌñe kowen entas ñapoeth Yompor.

Los Hechos 3:12

Allempoña xhaxhaꞌtet all thomxhenetpaꞌ, añña Pedropaꞌ otapanet, ateth ot: Oꞌch, masheñe israelneshachaꞌ, notas, esoꞌmartheꞌ sekwanrrorteney. Xhatheꞌ sotenapañ eꞌñetheꞌ ya yewamenkoth yechopeꞌchater, amapaꞌ xhatheꞌ sotenapañ eꞌñetheꞌ ya, yaꞌkowentateñoth yechopeꞌchater. Añmapaꞌ ama attheyaye.

Gálatas 6:12

Oꞌch alla noterrserr: Ñeñth moeneneꞌ oꞌch tsorrataspaꞌ añekpa moeneñet atthoch judioneshaꞌpaꞌ oꞌch kowen entanet. Tharroꞌmar ñetpaꞌ ama moeneñeto oꞌch eꞌmoñeꞌtanet judioneshaꞌ. Ñetpaꞌ eñoteñet ñerraꞌm oꞌch serrpareꞌtet attho eꞌñe yameꞌñeñotha Cristo ñeñth rromats yokop oꞌch yekeshphapaꞌ añña judioneshaꞌpaꞌ oꞌch eꞌmoñeꞌtanetpaꞌ oꞌch kothareꞌtanet.

Hebreos 11:26

Ñapaꞌ attha awantenan attho atarr sasareꞌteñet israelneshaꞌ. Tharroꞌmar ñapaꞌ añ pokteꞌ enten oꞌch moeroxhta Cristokop. Ñapaꞌ ñeñthña atarr kowen enten, ello metanaꞌtwenan ñeñth ateth sherben allowen ñeñth esokmañen ñeñth atarr morrentena egiptoꞌmarneshaꞌ. Tharroꞌmar ñapaꞌ aña kowen ñeñthchaꞌ apoer Yompor ñeñthchaꞌña atarr koshaterreꞌ.

Hebreos 2:1

Theꞌpaꞌ attho oꞌ yeñoterrñañ Yompor Poechemer attho atarr nanak partsoten ñeñthoꞌmarepaꞌchña theꞌpaꞌ elloch yemaꞌyoxhrerra oꞌch yeꞌmhñoter eꞌñe poktakma ñeñth attho oꞌ yeꞌmoerrñañ poꞌñoñ. Yeꞌmhñoterrepaꞌchña eꞌñe kowen theꞌt akophotheñpaꞌ ñatoꞌrraña oꞌtheꞌ alla yepserrñañ ñeñth ateth oꞌ yexhaterrey Yompor Poechemer.

Hebreos 6:10

Tharroꞌmar Yomporpaꞌ eꞌñe pokteꞌ es pennay. Ñapaꞌ xhokma poꞌñoxh entenes ñeñth ateth sethorraꞌyena ñokop ñamha attho semorrenteññaña allowen ñeñth poeyochreshaꞌ pen Parets. Ñeñthoꞌmarña eꞌñe sameꞌñeñoth ñapaꞌ eꞌñe kowen seyenpaꞌyeñ allowen masheñeshaxhno ñeñth poeyochreshaꞌ pen ña, amaꞌt themeꞌttsen atthekma sepena.

2 San Juan 1:8

Sapaꞌ eꞌñech señota allochñapaꞌ amach shekaso. Ñerraꞌm shekas allempopaꞌ eꞌñetheꞌ orrena sethorrerra Yomporekop. Añchaꞌña sethorrena atthochña sapaꞌ eꞌñech sagapwerr ora allpon ñeñth alloch tsaꞌtwerrsa ña.