San Mateo 5:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ ‘Nanak kosheñtsoꞌtsaꞌyen allowen ñeñth nanak moeneneꞌ oꞌch eꞌñe orrtatyenet ñeñth eꞌñe pokteꞌ enten Yompor. Ñetpaꞌ eꞌñe ateth moeneñet ñerraꞌmrratheꞌ xho nanak yachporrena ñamha nanakchaꞌ yoꞌñpaꞌten. Nanak kosheñtsoꞌtsaꞌyenet ñet tharroꞌmar Yomporña eꞌñe ateth moenaterranet.

San Mateo 5:6 Iomraidhean Croise

San Lucas 1:53

Ñamha ñeñth nanak es palltaꞌyetsa, ñetñapaꞌ Yepaparchaꞌ esokmañen apwerrawet. Tharraña ñeñth atarr esokmaneñ es echyets, ñetñapaꞌ Yepaparchaꞌ poerratampeswerrawet, amach es anerreto amaꞌt koñeꞌtha.

San Lucas 6:21

‘Ñamha sapaꞌ ñeñthes cheporrareꞌtyetsa theꞌ ñeñtheschaꞌña atarrchaꞌ kosheñtsoꞌtsaꞌyenes tharroꞌmar Yomporchaꞌña eꞌñe señmataterreꞌ. ‘Ñamha sapaꞌ ñeñthes yawetsa theꞌ eꞌñe sellkëñoth ñeñtheschaꞌña atarrchaꞌ kosheñtsoꞌtsaꞌyenes tharroꞌmar Yomporchaꞌña eꞌñe secheꞌtaterreꞌ soksheñoth.

San Lucas 6:25

‘Ñamha atarr llekëñtsoꞌtsaꞌyenes ñeñthes atarr esokmañen es echyets allo eꞌñe señmatena seyeteñoth. Xherrchaꞌ allempoch atarr sepallterra ñeñthchaꞌ serrar seperr. ‘Ñamha atarr llekëñtsoꞌtsaꞌyenes sa ñeñthes theꞌpaꞌ eꞌñe soksheñeshaꞌ secheꞌtatsetyena. Xherrchaꞌña allempoch seyawerra sellkëñoth.

San Juan 4:14

Tharraña ñerraꞌm eseshaꞌ orreꞌ oñ ñeñthchaꞌ napanet na amaꞌt awathapaꞌ amach oñpaꞌterreto. Ñeñthchaꞌ napanet na oñ, eꞌñe poeyoxhretopaꞌ poenasanetchaꞌ ateth ñerraꞌmrratheꞌ alloth poten oñ, amach wañerro amaꞌt awatha. Atthochña ñetpaꞌ korretsetach thayotheñ amaꞌt errponañowen.

San Juan 6:27

Theꞌpaꞌ oꞌch notas, sapaꞌ amach aña semaꞌyoxhratsto yokrramh ñeñth eꞌnwapoꞌ. Añchaꞌña semaꞌyoxhra sokrramh ñeñth ama eꞌnwapawoyaye; ñeñthña alloch sapaꞌ korretsasach soksheñeshokmañen eꞌñe thayotheñ amaꞌt errponañowen. Ñeñthña sokrramhpaꞌ nach sapoerreꞌ Ñeñthen Acheñetosets tharroꞌmar Apapaꞌ oꞌ llesenserren na Ñeñthen Acheñetosets arr patsro.

San Juan 7:37

Oꞌ eꞌñe wañmoch all koshena judioneshaꞌ. Añe yethro allempo nanak koshenet, Jesúsñapaꞌ thomos all, poerranaroth ateth otosanet: —Erraꞌtsentheꞌ acheñer oñpaꞌtets eꞌñe poeyoxhreto, onetepaꞌ nesho orretepaꞌ.

El Apocalipsis 7:16

Ñetpaꞌ amach moeroxhterreteꞌthe paꞌchporrñoth amaꞌt poꞌñpañoth. Ñamha ñetpaꞌ amach errothenoth chemoerraneteꞌthe atsneꞌ ñamha amach aꞌmñechaterraneteꞌthe ñamha werateꞌ.