San Mateo 5:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ ‘Nanak kosheñtsoꞌtsaꞌyen allowen ñeñth eꞌmoñeꞌtyenet attho ñetpaꞌ eꞌñe pokteꞌ es phaꞌyenet Yomporekop. Nanak kosheñtsoꞌtsaꞌyenet tharroꞌmar ñetpaꞌ oꞌpaterretchaꞌ Yompor poꞌkowenña attho ayochreshathtena poeꞌntañoth.

San Mateo 5:10 Iomraidhean Croise

San Mateo 10:23

Ñerraꞌm esempo eꞌmoñeꞌterrset ñeñth anetsro alloꞌtsenes oꞌch seyetamphsanetpaꞌ oꞌch sawanma poꞌpoñ anetso. Allpaꞌxhoꞌña ñerraꞌm atthekma eꞌmoñeꞌterrseterrpaꞌ oꞌch seyetamperraneterr oꞌch sawanerrerr ñamha poꞌpoñ anetso. Eꞌñe poꞌñoxh notenes: Amach eꞌñe sepaꞌwenaꞌ ora allowen israelneshaꞌ paꞌnetsropaꞌ na Ñeñthen Acheñetosets oꞌch alla norrterra.

San Mateo 19:14

Tharraña Jesúsñapaꞌ ateth otanet: —Pokteꞌñaxhoꞌ semnachñakaꞌyeña cheshaneshaꞌ onosetepaꞌ eꞌñe nesho. Amachkaꞌye xha sepatareꞌtatstapaneto tharroꞌmar allowen ñeñth atarr neyemtenaya na eꞌñe atthet ñerraꞌmrratheꞌ cheshatholl, ñetchaꞌ oꞌpatenetña Yompor poꞌkowenña ñeñth attho ayochreshathtena ña poeꞌntañoth.

San Mateo 25:34

Naña allempoch atarr naꞌmhchaꞌtarethterrapaꞌ, atethchaꞌ noter ñeñth nekowenrontheꞌtsaꞌyen: “Sapaꞌ sonaxhaꞌt allowenes tharroꞌmar Nompor oꞌkaꞌye atarr bensareꞌtamperres. Theꞌña sapaꞌ oꞌch sagërr ñeñth oꞌpatatensa awathotheñ. Amaꞌt allempotheñ Nomporpaꞌ errteꞌ yexhkateneꞌ pats sañapaꞌ allempotheñ oꞌpatatasa atthoch saꞌmhchaꞌtarethtapretera.

San Mateo 5:3

—Nanak kosheñtsoꞌtsaꞌyen allowen ñeñth ama esoyeꞌ asherbenayeꞌ entyetso poeyoxhreto Yomporekop tharroꞌmar ñetpaꞌ oꞌpaterretchaꞌ Yompor poꞌkowenña attho ayochreshathtena poeꞌntañoth.

San Marcos 10:14

Tharraña Jesúsña allempo entan poeyochreshaꞌ xha epatareꞌtapan cheshatholleshaꞌ, ñañapaꞌ amaꞌt mameshapaꞌ ama pokteyeꞌ entaneto. Ñañapaꞌ ateth otanet: —Pokteꞌñaxhoꞌ semnachñakaꞌyeña cheshaneshaꞌ onosetepaꞌ eꞌñe nesho. Amachkaꞌye xha sepatareꞌtatstapaneto tharroꞌmar allowen ñeñth atarr neyemtenaya na ateth ñerraꞌmrratheꞌ cheshatholl, ñetchaꞌ oꞌpatenetña Yompor poꞌkowenña ñeñth attho ayochreshathtena ña.

San Marcos 10:30

elloña ñetpaꞌ oꞌch alla agërret shonteꞌ esokmañen ñeñth atarr kowen. Amaꞌt allponapaꞌtets sewanomyesnomoet, elloña xharroch xharraꞌch alla agapyerret, amaꞌt eꞌñe thayotheñ allempo korrenet arr patsro —amaꞌt ñeñthchaꞌ paꞌpakllaxhno perret ñamha ñeñthchaꞌ paꞌmoꞌnasheñeshaxhno perret, ñamha ñeñthchaꞌ poꞌxhaneshaxhno perret, ñamha ñeñthchaꞌ pachorneshaxhno perret ñamha ñeñthchaꞌ pakñetharexhno perret, ñamha ñeñthchaꞌ poꞌpatseñ perret. Tharraña amaꞌtchaꞌ ateth aparethterretañpaꞌ xhokmach amoeroxhtatarethterret pameꞌñeñothetan na. Elloña tsapathonethña ñetñapaꞌ agërretchaꞌ ñeñth alloch korretsetach beñekpoen poksheñeshokmañen.

San Lucas 21:12

‘Ñewa, allempoch ama orrtenaꞌ atethpaꞌ saña allempopaꞌ rremanaterrsetchaꞌ atthoch moeroxhtaterrset, sanmarethterrach judioneshaꞌ poꞌprawo allchaꞌña eꞌñe otteñeꞌcherrset, atthochña abeꞌtherrset cárcelo allchaꞌ koñchaterrset. Eꞌñe sameꞌñeñothen na sapaꞌ sanmarethterrach amhchaꞌtarethnesheshoꞌmar ñamha alloꞌtsaꞌyen ñeñth nanak amhchaꞌtarethneshaꞌ.

San Lucas 22:29

Ñeñthoꞌmarña theꞌpaꞌ oꞌch nenaꞌnerres sa ñeñtheschaꞌña napoerr atthoch saꞌmhchaꞌtarethtapreterrna eꞌñe ateth pena Nompor oꞌ naꞌn namha ñeñthenchaꞌ amhchaꞌtarethtapreterraya.

San Lucas 6:20

Allempoña Jesúspaꞌ kowaꞌyesan ñeñth poeyochreshaꞌ pen, ñañapaꞌ ateth otanet: —Ñeñthes atarr wokchañneshaꞌ entetsa ñeñtheschaꞌña atarrchaꞌ kosheñtsoꞌtsaꞌyenes tharroꞌmar sapaꞌ oꞌpataterrsach Yompor poꞌkowenña attho atarr ayochreshathtena ña.

San Lucas 6:22

‘Ñamha sapaꞌ atarr kosheñtsoꞌtsaꞌyenes ñerraꞌm esempo eꞌmoñeꞌtenset noꞌmar ñerraꞌm esempo moeñoꞌtenset, ñerraꞌm esempo poesasareꞌteñothetas sochatseꞌtenset tharroꞌmar sapaꞌ na sameꞌñena Ñeñthen Acheñetosets.

San Juan 15:20

Seyerpach añ ñoñtsor ñeñth oꞌ notwas: “Allowen ñeñth yochreshats errothenchaꞌ perrñañet ñeñth yochreshaꞌtenawet, ñetpaꞌxhoꞌña eꞌñech atthekma apharethterret ñamet.” Attho napaꞌ kothareꞌtennet poeꞌmoñeꞌteñothetan, sapaꞌxhoꞌña poeꞌmoñeꞌteñothetaspaꞌ kothareꞌtasetchaꞌ samha. Attho napaꞌ ama ameꞌñerrnaneto neñoñ, sapaꞌxhoꞌña amach ameꞌñerrnaseto samha señoñ.

Los Hechos 5:40

Ateth kothapeꞌchatanet Gamalielpaꞌ eꞌñe pokteꞌ eñchet. Allempoñapaꞌ alla agotaterran allsensarethneshaꞌ. Allempoña waxherretpaꞌ oꞌ nalleꞌtatanet amhchaꞌtarethneshaꞌ. Oꞌ nalleꞌtatwanet amhchaꞌtarethneshaꞌpaꞌ allothñapaꞌ otarethtet ñamha eꞌñe echeꞌxharro: —Theꞌpaꞌ amach seserrpareꞌtatsterrerro ñeñth ateth pena Jesús. Allempoñapaꞌ aꞌrroyarethtenet.

Los Hechos 8:1

Allempopaꞌ añña Saulopaꞌ eꞌñe pokteꞌ eñch moetsetepaꞌ Esteban. Añña poesheñaꞌtets ñeñth nanak ameꞌñenaya Yomporpaꞌ poellkëñeshetpaꞌ oꞌ wapoet, oꞌch eñetaꞌ arromñath atthoch pampoeñetaꞌ. Nanak yaꞌnaꞌteñet Estebanañ. Allempotheñ nanak moeroxhtacheteꞌth ñeñth pameꞌñeñothet Cristopaꞌ apxheteꞌth Jerusaléño. Ñeñthoꞌmarña shonteꞌ acheñeneshaꞌ ñeñth yetrraꞌtatsa poꞌpoñ añetsoꞌmar. Oꞌ parratseꞌtwet allemeña —Judeoꞌmar ñamha Samarioꞌmar. Tharraña añña Jesús poellsensarneshaꞌpaꞌ ama eseshaꞌ yetatso amaꞌt poesheñarra.

2 Corintios 4:17

Tharroꞌmar ñeñth attho allpon yemoeroxhtameꞌtyena añe patsro, ñeñthpaꞌ ama esoyaye, eꞌñe mamekpa. Ñeñthpaꞌ añekpaña wennaya allochñapaꞌ atthoch wapatwerrnay ñeñth atarr nanak kosheñets ñeñth ama awañaño amaꞌt errponaña, ñeñth ello nanak atarr koxhneshaꞌtetsa, ñeñth atarr nanak kowen.

Filipenses 1:28

Ñamha amoepaꞌchña aña seyoreꞌtatstaye amaꞌt mamesha ñeñth seꞌmoñeꞌteneꞌ tharroꞌmar ñetpaꞌ ñeñthchaꞌña eñotatawet poꞌñoxh ñetpaꞌ amach keshperreto. Tharraña yokopñapaꞌ ñeñthña yeñotateneꞌ poꞌñoxhpaꞌ yekeshphaꞌwerrach. Añexhnopaꞌ Yomporo pokthaphña.

2 Timoteo 2:12

Ñamha ñerraꞌm xho yemoeroxhtaprecha Cristopaꞌ yaꞌmhchaꞌtarethtapreterach esempowañen. Tharraña ñerraꞌm xha yaꞌnasoteñapaꞌ, ñapaꞌxhoꞌña aꞌnasoterryach esempowañen.

2 Timoteo 3:11

Ñamha peñotweñ attho poeꞌmoñeꞌteñothetanpaꞌ xhokma kothareꞌtneteꞌth attho moeroxhtatyesneteꞌth. Ñamha amaꞌt phapaꞌ peñotweñ ñeñth ateth moeroxhtatyesnet aꞌyo anetso ñeñth paꞌsoꞌcheñ Antioquío, ñamha Iconio, allothpaꞌ ñamha Listro. Tharraña amaꞌt ateth phaꞌyesneteꞌthpaꞌ Yomporñapaꞌ xhokma aꞌkeshphatyesneꞌth alloth.

Santiago 1:12

Nanak kosheñtsoꞌtsen allowen ñeñth awanteneꞌ ora paꞌnamen topateñets, tharroꞌmar ñerraꞌm esempo awantaꞌwan ora topateñetspaꞌ nanakchaꞌ kowen entwer Yompor. Allempopaꞌ apwerchaꞌ Yompor ñeñthchaꞌ atarr koshaterreꞌ alloch ñapaꞌ korretsach thayotheñ amaꞌt errponañowen. Ñeñthpaꞌ aña oꞌpatatena allowen ñeñth morrentenaya ña.

Santiago 5:11

Poꞌñoxhpaꞌ yeñoteñ ñeñth nanak awanteneꞌ moeroxhteñetspaꞌ ñeñthpaꞌ nanakchaꞌ kosheñtsoꞌtsen. Amaꞌt sapaꞌ señotweñ ñeñth ateth pha awath Job. Ñapaꞌ nanak awantan topateñets. Ñamha sapaꞌ eꞌñe señotweñ ñeñth ateth phoñ Yompor. Allempo moeroxhetwa Job, Yomporñapaꞌ alla apoer esokmañen atthoch eñoch Yomporpaꞌ nanak amoeraña.

1 San Juan 3:12

Amach ateth yephatsto ateth pha awath Caín, ñapaꞌ oneñethenaꞌtara. Ñañapaꞌ paꞌmoꞌnasheña moetsa. Tharroꞌmarkaꞌyeña moetse ñapaꞌ amakaꞌye kowenayeꞌ kothapeꞌcheꞌthe; paꞌmoꞌnasheñña Abel ñeñth moetsa, ñañapaꞌ eꞌñe kowen kothapeꞌcheꞌth Yomporekop.

El Apocalipsis 2:10

Amach yoreꞌtatstaso moeroxhteñets ñeñthchaꞌ awen sewapoya. Tharroꞌmar ñeñthchaꞌ seyottamphseꞌ patantaꞌttsos, ñeñthpaꞌ oneñetheshoth wena añekopña atthoch topatwas ñerraꞌm poꞌñoxhtheꞌ sameꞌñena. Poesheñaꞌttsos moeroxhtatasetchaꞌ eꞌñe xharramat. Amaꞌtchaꞌ moetsasetpaꞌ añ pokteꞌ oꞌch serromapes attho sameꞌñena. Allochña napaꞌ napwerreschaꞌ ñeñth noꞌpatatensa alloch sokrraꞌwerra eꞌñe soksheñeshokmañen. Ñeñthpaꞌ ñeñthara noten poꞌpoñ ñoñtso napwerreschaꞌ sepremio ñeñthchaꞌ sokshatwerreꞌ eꞌñe poktakma.