Amaꞌt errponenapharen esokmañen es yeyoratseꞌtyes ora allpon ñeñth yentyen añe patsro, tharraña ñerraꞌm ñeñthach eꞌñe yaꞌchenkaterreꞌ yekamkëñowen, ñeñthñapaꞌ amaꞌt koñeꞌthapaꞌ amach es sherberrye. Tharroꞌmar ama eñalle poꞌpoñ ñeñth atarr sherbets, añña atarr nanak sherbets ñeñthchaꞌ aꞌkeshphaterreꞌ yekamkëñ. Tharroꞌmar yokoppaꞌ ama es eñalle ñeñthchaꞌ yepomoerr alloch alla yerañtherra yekamkëñ.
San Mateo 4:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho8 Allempoña oneñethpaꞌ oꞌ alla anerranerr Jesús all atarr aspentho eꞌñe aꞌnoso. Allothña gatyeswererr allowen ñeñth allpon all amhchaꞌtarethetyena paꞌnamen acheñeneshaꞌ ñeñth yexhaꞌyetsa errapharen añe patsro, gatyeswererr all atarr kowentatyeñet. Faic an caibideil |
San Mateo 4:8
13 Iomraidhean Croise
Tharroꞌmar Yompor poꞌñoñ ñeñth anwareth awathotheñ ñeñthpaꞌ ateth oten: Alloweney ñeñthey arromñatheypaꞌ atthey ñerraꞌmrratheꞌ taꞌteꞌ tharroꞌmar mamekpa yokrrena. Ñamha ñeñth kowen yentyen ya, ñeñthpaꞌ ateth ñerraꞌmrratheꞌ taꞌteꞌ poerorer. Taꞌteꞌpaꞌ oꞌch weyaꞌwa poeꞌchorpaꞌ poerorerpaꞌxhoꞌña amaꞌt koxhneshaꞌtenañpaꞌ shorxhaꞌtwach.
Allempoña poꞌpsheñeñ mellañotheñ ñeñth poꞌkanxhrroñpaꞌ oꞌ poktorerrerr ñamha. Poktoraꞌwerrtserrpaꞌ entoñapaꞌ atarr womenk eꞌmorrterrerr ñeñth eñoretsa all ento. Ñeñthpaꞌ ateth otenet: Ñeñth allpon amhchaꞌtarethetyetsa arr patsro theꞌñapaꞌ oꞌwañchaꞌ alloꞌna amhchaꞌtarethetnenet tharroꞌmar ñeñth attho amhchaꞌtarethetyenetpaꞌ ñeñthpaꞌ allochña amhchaꞌtarethterra Yompor epoet ñamha Poechemer ñeñth Cristo. Ñeñthchaꞌ attho amhchaꞌtarethterra Yomporpaꞌ ñeñthpaꞌ amach awañañathterro amaꞌt errponaña.
Sanasan