San Mateo 4:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Allempoña Jesúspaꞌ alla otererr: —Añpaꞌxhoꞌña anwareth Yompor poꞌñoño: “Amach yaꞌllokchameꞌtatsche Yompor ñeñth Yepartseshar yepen.”

San Mateo 4:7 Iomraidhean Croise

San Mateo 21:16

Allempoñapaꞌ ateth ochet Jesús: —¿Amaꞌt peꞌmoenoña ateth otaxhreꞌtapaph cheshaneshaꞌ? Jesúsñapaꞌ otanet: —Neꞌmoeñkaꞌye. Sañapaꞌ amaꞌt selleyareña Yompor poꞌñoñ. All anareth ñoñetspaꞌ ñeñthña ateth oten: Amaꞌt cheshatholleshaꞌ eꞌñe poenamothet eꞌñech kowen peꞌñoratos axhotaxhreꞌteñtso. Amaꞌt ñeñth ora momoenmeñ peꞌmorrtatoschaꞌ eꞌñe kowen phokop.

San Mateo 21:42

Allempoña Jesúspaꞌ ateth oterraneterr: —Sapaꞌ amaꞌt awathapaꞌ amaꞌtña selleyareña ñeñth ateth anwareth Yompor poꞌñoñ awathotheñ. Tharroꞌmar ñeñthpaꞌ ateth oten nokop, na atmaꞌntatareth mapoeꞌ. Ñeñthpaꞌ ateth oten: Añ mapoeꞌ ñeñth ama pokteyeꞌ entyeno ñeñth thomatyeneꞌ pokoll, ñeñthña theꞌpaꞌ oꞌ anarethterra ñeñthchaꞌ ello atarr kowen sherberrets eꞌñe ateth ñerraꞌm kellpach allo eꞌñe kowen echarr orratenet pokoll. Ñeñthpaꞌ Yomporkaꞌyeña ateth phateneꞌ, ñeñthoꞌmarña yapaꞌ eꞌñe kowen yenteñ. Arrpaꞌ allowa ateth tomaꞌntaterrerr Jesús eꞌñe ñañeña.

San Mateo 4:10

Jesúsñapaꞌ alla otererr: —Theꞌpaꞌ oꞌch orrerreph oneñethe. Napaꞌ ama nemno oꞌch ateth nepha tharroꞌmar Yompor poꞌñoñ ñeñth anwareth ñeñthpaꞌ ateth oteney: “Añach ñapoeth yemaꞌyochena Yompor ñeñth Yepartseshar yepen, eꞌñech ñaptha yesherbeꞌ.”

San Mateo 4:4

Jesúsñapaꞌ ateth otaph: —Napaꞌ ama nemno oꞌch ateth nepha tharroꞌmar Yompor poꞌñoñ ñeñth anwareth awathotheñ ñeñthpaꞌ ateth oteney: “Alloweney acheñeneshoweneypaꞌ ama eꞌñe rreñtsa ñapoeth yokrramh yepeno. Añeꞌnaña yokrramh yepen yekamkëñekop ñeñth allowen allpon oteney Yompor.”

San Lucas 4:12

Allempoña Jesúspaꞌ alla otererr: —Añpaꞌxhoꞌña anwareth Yompor poꞌñoño, ñeñthpaꞌ ateth oten: “Amach yaꞌllokchameꞌtatsche Yeyomporer ñeñth Yepartseshar yepen.”

Los Hechos 15:10

Theꞌñapaꞌ esoꞌmareꞌtña ama pokteyeꞌ senteñe ñeñth ateth oꞌ phowa Yompor. Añekop ñeñth ameꞌñetsapaꞌ esoꞌmareꞌtña semneñ oꞌch senanet ñeñth nanak thorrapoꞌ entenet. Amaꞌt ya judioneshaypaꞌ amach errotheno oꞌch yetsotwa allowen ñeñth ateth anareth. Amaꞌt yatañneshañpaꞌxhoꞌña ama etsoteteꞌthe.

Los Hechos 5:9

Pedroñapaꞌ ateth otererr: —Tharraña sapaꞌ awoꞌt saꞌpoktach epaph perrollareñ atethchaꞌ sepha. Xhaꞌt sotapañ ñatoꞌ oꞌch seshkëñ ñamha amaꞌt Parets Poekamkëñ. Pekweꞌ oꞌ beꞌthosxhaꞌtwerrmoch ñeñth oꞌ pampaꞌwennaphaꞌ errteꞌ perrollareñ. Phapaꞌxhoꞌ atthekmapaꞌ anmapetchaꞌ aꞌyo.

1 Corintios 10:9

Ñamha ama pokteyaye eꞌñe poꞌtomñapaꞌ oꞌch yaꞌllokchameꞌch Yompor. Ñeñth ateth peꞌth patantaꞌtets acheñeneshaꞌpaꞌ ñeñthoꞌmaroꞌña shonteꞌ acheñeneshaꞌ ñeñth axhanatyes shechephpaꞌ eꞌñe kollaꞌwet.

Hebreos 3:9

All amayo satañneshaññapaꞌ atarr topatneteꞌth atthoꞌch eñotnet poꞌñoxhoꞌtheꞌ atsaꞌtatañen. Ñetpaꞌ ateth phaꞌyesneteꞌth amaꞌt xhokma entyesoneteꞌth ñeñth norrtatyesaneteꞌth. Paꞌtatsoch xharraꞌ charowa entyesoneteꞌth ñeñth xhokma negatyesaneteꞌth.