San Mateo 4:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Allempoñapaꞌ wapoña oneñeth. Attho topatosan Jesúspaꞌ ateth otos: —Pha ñerraꞌm poꞌñoxhtheꞌ Parets Poechemerephpaꞌ oꞌch phot: Añ mapoeꞌ poenasepaꞌ pan.

San Mateo 4:3 Iomraidhean Croise

San Mateo 14:33

Ñeñthña noñthoꞌtsaꞌyenpaꞌ allenthepaꞌtchaꞌ konkorpanrrortanaꞌtapetpaꞌ ateth otyeset: —Poꞌñoxhepaꞌt phapaꞌ eꞌñe Parets Poechemereph.

San Mateo 16:16

Simón Pedroñapaꞌ eñoratsapaꞌ ateth och: —Phapaꞌ ñeñthephkaꞌye atarr yekwen amaꞌt awathotheñ; ñeñthephkaꞌye Parets Poechemereph ñeñtheph Cristotosets. Ñeñthña Parets ama arromñatheshayaye.

San Mateo 26:63

Jesúsñapaꞌ ama eñoreno. Allempoña korneshaꞌpaꞌ alla otererr: —Theꞌpaꞌ oꞌch notaph oꞌch photey eꞌñe Yompor paꞌsoꞌchño ñeñth ama arromñatheshayaye, phapaꞌ ¿phaꞌtña ñeñtheph Parets Poechemereph, ñeñthephtheꞌ Cristotosets?

San Mateo 3:17

Allempoñapaꞌ xha eꞌmorrtatsa ñamha ñoñets entoth ateth eñorena Yompor. Ñeñthña ñoñetspaꞌ ateth oten: —Añmapaꞌ ñeñthña Nechemer ñeñth atarr nemorrentena. Ña atarr nanak nokshateneꞌ.

San Marcos 1:1

Theꞌ arr napaꞌ oꞌch nekellkonas ñeñth eꞌñe kowen ñoñets alloch yekeshperra eꞌñe yameꞌñeñotha Jesucristo ñeñth Poechemer pen Yompor. Ñewa, ñeñth ñanom orrtatsa ñeñthpaꞌ eꞌñe ateth oꞌ perra eꞌñe ateth kellkëꞌth Isaías ñeñth aꞌmhtayeꞌth awath Yompor poꞌñoñ. Isaíaspaꞌ ñapaꞌ añkaꞌye kellkëꞌth ñeñth ateth Yomporpaꞌ otan Poechemer ñeñthara Cristo, ñeñthpaꞌ ateth och: Theꞌpaꞌ peñochepaꞌch napaꞌ nemñerrnaphchaꞌ poesheñarr ñeñthchaꞌ photamperraya. Eꞌñe ña poeserrpareꞌteñothpaꞌ aññoꞌterrnaphchaꞌ allchaꞌ phoñmos phamha esempo.

San Marcos 3:11

Añña oneñethexhno ñeñth chorraꞌyenaya acheñ ñeñthpaꞌxhoꞌña allempo entoset Jesúspaꞌ allepaꞌtchaꞌ rromamphsosyet paꞌrrphoth, rranareꞌtyesosetpaꞌ ateth otoset: —¡Pepaꞌtña Parets Poechemereph!

San Marcos 5:7

Allempoña Jesúspaꞌ ateth otosan oneñeth ñeñth chorrenaya ñeñth yakmar, ateth otos: —Oꞌch oneñethe notoseph theꞌñapaꞌ ¡pekexhpaꞌner añ acheñer! Ñeñthoꞌmarña ñeñth chorrena oneñethpaꞌ rranosa womenkpaꞌ ateth otapan Jesús: —Esoꞌmarwachkaꞌye Jesúsochaꞌ phatsrreꞌmoxhtanaꞌtosna, phapaꞌ ñeñtheph Ñeñth nanak Parets Poechemereph. Theꞌpaꞌ oꞌch notapaph eꞌñe Parets paꞌsoꞌchño, amach xha pekoñchatatstosno.

San Lucas 1:35

Mellañoteññapaꞌ alla otererr: —Paretschaꞌkaꞌye Poekamkëñ pexhapoya. Ñeñth Nanak Parets poꞌwamenkpaꞌ aꞌpomamphsosephchaꞌ ateth ñerraꞌmrratheꞌ os phaꞌpomampeneꞌ. Ñeñthoꞌmarña cheshatholl ñeñthchaꞌ peꞌñalletatpaꞌ ñapaꞌ añach eꞌñe maꞌyoxhrosa ñeñth ateth moenen Parets. Otyesetchaꞌ ñapaꞌ ña eꞌñe Yompor Poechemer.

San Lucas 22:70

Allempoña allowenet ateth oteñet: —Ñeñthepñapaꞌ ¿phaꞌtrraña Poechemer penña Yompor? Jesúsñapaꞌ ateth oterraneterr: —Eꞌñekaꞌye poꞌñoxh ñeñth ateth sotenen sa.

San Lucas 4:3

Allempoña oneñeth attho topatosan Jesúspaꞌ ateth otos: —Pha ñerraꞌm poꞌñoxhtheꞌ Parets Poechemerephpaꞌ oꞌch phot: Añ mapoeꞌ poenasepaꞌ pan.

San Lucas 4:41

Ñamha shonteꞌ acheñeneshaꞌ kaxhpatatyesapanet oneñeth ñeñth poerranaroth otnomoeꞌ Jesús: —Phapaꞌ ñeñtheph eꞌñe poꞌñoxh Parets Poechemereph. Tharraña Jesúspaꞌ aꞌmtsoñeñtanet, ama moenataneto oꞌch eñoranaꞌtnomet, tharroꞌmar ñetpaꞌ eꞌñe eñotnomet ñapaꞌ ñeñth Cristotets.

San Lucas 4:9

Allempoña oneñethpaꞌ oꞌ anerranerr Jesús Jerusaléño. Allñapaꞌ aꞌtapatos nanak eno allowanen Parets paꞌpakëll. Allñapaꞌ otwererr: —Phapaꞌ ñerraꞌm poꞌñoxhtheꞌ Parets Poechemereph theꞌpaꞌ phomacha arroth tharroꞌmar amach phaꞌtserrpho

San Juan 1:34

Na poꞌñoxhpaꞌ oꞌkaꞌye neñch ñeñthoꞌmar theꞌpaꞌ neñotatenes ñeñthkaꞌyeña Yompor Poechemer.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 20:31

Allpon ñeñth akellkarethtatsa arr libro ñeñthpaꞌ añekop anareth ñeñthchaꞌ sameꞌñateꞌ poꞌñoxh Jesúspaꞌ ñeñth Cristotets, ña poꞌñoxh Yompor Poechemer. Tharroꞌmar eꞌñe sameꞌñeñotha Cristo sañapaꞌ korretsasach thayotheñ eꞌñe errponañowen.

San Juan 9:35

Jesúsñapaꞌ oꞌ eꞌmareꞌch ñeñth aporoꞌyethtatseꞌthpaꞌ oꞌ moeñoꞌchet. Allempoña enter Jesúspaꞌ ateth oter: —¿Phameꞌñeñaꞌt ñeñth Yompor Poechemer?

Los Hechos 9:20

Ñamha Saulopaꞌ xhokma sen judioneshaꞌ poꞌprawo allchaꞌ serrpareꞌtatenanet ateth pena Jesús. Otanet añ Jesúspaꞌ poꞌñoxh ñeñthpaꞌ ñeñthña Parets Poechemer.

2 Corintios 1:19

Ñamha Yompor Poechemer ñeñthara Cristo Jesús ñerraꞌm es oteney ñeñthchaꞌ ateth phonaypaꞌ atethchaꞌxhoꞌ pennay, xhokmach orrtateñ eꞌñe poꞌñoxh, tharroꞌmar ñapaꞌxhoꞌña ama poenesho poꞌñoñ. Ñeñthara Jesucristo ñeñth xhokma yeserrpareꞌtatenes epan masheñ Silvano ñamha masheñ Timoteo.

Gálatas 2:20

Ñeñthoꞌmarña yapaꞌ oꞌ yekexhpaꞌwerr ateth moenatseꞌtatyesyeꞌth yechets. Ñeñthoꞌmarña oꞌ eꞌñe ateth yeperra ñerraꞌmrratheꞌ oꞌ korsoꞌtamperryet epay Cristo. Theꞌpaꞌ amaꞌt ora yokrrenañpaꞌ tharraña ama yayeꞌ korretso, añña Cristo ñeñth yechorrenayapaꞌ ñeñthña korretsa theꞌ yechtso. Theꞌpaꞌ eꞌñe yeyemteñoth Yompor Poechemerpaꞌ yokrrena eꞌñe kowen arr patsro, tharroꞌmar ña yemorrenterraya, ñamha ña rromats yokop.

1 Tesalonicenses 3:5

Ñeñthoꞌmarña awaña allempo oꞌwañ naꞌwantaꞌ ñeñth attho nellkënsa naña allempo nemñe masheñ Timoteo atthoch neñotas sapaꞌ errothenestheꞌña sa, ñatoꞌ attheratheꞌ sesen ameꞌñaya Yompor. Napaꞌ nellkëñothpaꞌ ateth noten ñatoꞌrraña oneñeth poetpateñothes oꞌtheꞌ xha kexhpaterres Yompor. Ñerraꞌm ateth seperra napaꞌ ateth noten ñeñth attho nethorrena eꞌñe sokoppaꞌ ñatoꞌrraña ñeñthpaꞌ eꞌñetheꞌ orrena.

Hebreos 12:16

Ñamha señotannaꞌtnomoepaꞌch ñatoꞌtña eseshaꞌ chetenayaꞌña ñeñth ama poethaporeyaye. Amapaꞌ ñatoꞌtña attha es sepxhampenaꞌña ñamha ñeñth atarr sherbets Partsokop, ñeñth ateth pha awath Esaú. Ñapaꞌ eꞌñe paꞌchporrñotha pomwan ñeñth anareth ñokop Partseshoth. Ñeñthpaꞌ ñeñth oꞌpatacha pompor ñeñth metanaꞌtweneꞌ ñeñthchaꞌ allpon apaꞌnman poꞌpoñ poechemereshaꞌ tharroꞌmar ñapaꞌ ñeñth eꞌñe poꞌmother pen pompor. Tharraña Esaúpaꞌ ama esoyeꞌ enteñe ñeñth anareth ñokop Partseshoth ñeñthoꞌmar eꞌñe pomwan ñeñth oꞌpatacha pompor amaꞌt eꞌñe parrocha rrachet.

Hebreos 4:14

Ñewa, yeñoteñ eñall ñeñth Yekorneshar yepen ñeñth atarr Partseshatets, ñeñthpaꞌ ñeñthara Jesús ñeñth Yompor Poechemer. Ñañapaꞌ oꞌ alla xherr allowanen poeꞌntaño eꞌñe all Pomporesho, allña eꞌñe kowen aꞌpoktatennay yokop. Ñeñthoꞌmarña yapaꞌxhoꞌña alloꞌnepaꞌch yeyemoetneña. Amoepaꞌchña yekexhpatstere.

Hebreos 7:3

Ñeñth Melquisedecpaꞌ ama eñotpawoyayeña ñeñth pompor peꞌth ñamha ñeñth pachor peꞌth tharroꞌmar ama akellkaretheyaye ñeñth paꞌsoꞌcheñ. Ñamha ñeñth paꞌtañneshañ peꞌth ñeñthpaꞌxhoꞌña ama eñotpawoyaye. Amaꞌt ñamha allempotheñ eñalleta Melquisedec amaꞌt ñamha allempo rroma ñeñthpaꞌxhoꞌña ama eñotpawoyaye. Ñapaꞌ tharroꞌmar ateth peꞌth añ tomaꞌntena ñeñth Poechemer pen Parets. Ñeñthoꞌmarña attho korneshaten ñeñthpaꞌ amach wañerro amaꞌt errponaña.

1 San Juan 3:8

Tharraña ñeñth xhokma orrtatyeneꞌ ñeñth ama pokteyeꞌ enteno Yompor, ñeñthña acheñerpaꞌ poꞌñoxh oneñethenaꞌtar, tharroꞌmar oneñethpaꞌ eꞌñe awathotheñ ñapaꞌ aña orrtatyes ñeñth amaꞌt mameshapaꞌ ama pokteyeꞌ enteno Yompor. Ñeñthoꞌmarña Yompor Poechemerpaꞌ wapa, allochñapaꞌ ñach eꞌnwerreꞌ ateth phatseꞌtyena oneñeth.

El Apocalipsis 2:10

Amach yoreꞌtatstaso moeroxhteñets ñeñthchaꞌ awen sewapoya. Tharroꞌmar ñeñthchaꞌ seyottamphseꞌ patantaꞌttsos, ñeñthpaꞌ oneñetheshoth wena añekopña atthoch topatwas ñerraꞌm poꞌñoxhtheꞌ sameꞌñena. Poesheñaꞌttsos moeroxhtatasetchaꞌ eꞌñe xharramat. Amaꞌtchaꞌ moetsasetpaꞌ añ pokteꞌ oꞌch serromapes attho sameꞌñena. Allochña napaꞌ napwerreschaꞌ ñeñth noꞌpatatensa alloch sokrraꞌwerra eꞌñe soksheñeshokmañen. Ñeñthpaꞌ ñeñthara noten poꞌpoñ ñoñtso napwerreschaꞌ sepremio ñeñthchaꞌ sokshatwerreꞌ eꞌñe poktakma.